2కొరింతి 5:21 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²¹ ମାତର କ୍ରିସ୍ତମାନୁ ପୁରା ପାପ୍‌ ସିଲେତିଙ୍ଗ୍‌ ବା, ମାପୁରୁ ୱାନିଙ୍ଗ୍‌ ମା ଉଣ୍ତିଙ୍ଗ୍‌ ପାପ୍‍ତି ପୁଜା ୱାଜାକିତାନ୍, ମାଡ୍‌ ଏଣ୍ତେସ୍ ୱାନିୱାଲେ ମିସାଜି ମାପୁରୁଦି ଦାର୍ମୁପାଣିଦୁ ମିସାଦେଙ୍ଗ୍ ଆଟିନିକା ।

Konda: కొండ బాసదు నెగ్గి కబ్రు

²¹ మాటు క్రీస్తు వెట దేవుణు ఎద్రు నీతినిజాయ్తి మనికాట్‌ ఆదెఙ్‌ ఇజి దేవుణు ఇని పాపం సిల్లికాన్‌ ఆతి క్రీస్తుఙ్‌ మా వందిఙ్‌ పాపం ఆదెఙ్‌ ఇట్తాన్.

2కొరింతి 5:21 ပူးပေါင်းရင်းမြစ်များ

లూకా 1:35

ଦୁତ୍‌ ତାନେଙ୍ଗ୍‌ ଇର୍ହାତ୍‌, “ପବିତ୍ର ଆତ୍ମା ନି ମୁସ୍‌କୁ ୱାନାତ୍‌ ମାରି ପେରି ମାପୁରୁଦି ସାକ୍ତି ନିଂଇ ଆସ୍‌ନାତ୍‌, ଏନ୍‌ ଜନମ୍‌ ଆନାନ୍‌, ୱାନ୍‌ ପବିତ୍ର ମାରି ମାପ୍‌ରୁଦି ମାର୍‌ସି ଇଜି ୱେଙ୍ଗ୍‌ଁନାନ୍‌ ।

అపొస్తు 3:14

ୱାନ୍‌ ଅରେନ୍‌ ପବିତ୍ର ମାରି ଦାର୍ମୁ ଲୋକୁ, ମାତର୍‌ ମିର୍‌ ୱାନିଙ୍ଗ୍‌ ଅମାନ୍ୟ କିତିଦେର୍‍ ମାରି ୱାନି ବାଦ୍‌ଲୁ ମିଙ୍ଗିଁ ଦୟା ତର୍‌ସି ଅରେନ୍‌ ନର୍‍କାତ୍‍ନିୱାନିଙ୍ଗ୍‍ ଡ଼ିସିସ୍‍ କିଦେଙ୍ଗ୍‌ ଇଜି ପିଲାତ୍‌ ରାଜେଙ୍ଗ୍‍ ଇର୍‍ଇଦେର୍‍ ।

ରୋମିୟ 1:17

ଲୋକ୍‍ ମାପୁରୁ ଲାକ୍‍ତୁ ଏଣ୍ତେସ୍‌ ଦାର୍ମୁତିକାନ୍‍ ଇଜି ୱେଙ୍ଗ୍‍ଁଦେଙ୍ଗ୍‍ ଆଟ୍‍ନାନ୍‍, ତେନି ଉପାୟ୍‌ ଆବେ ତରାୟ୍‍ ଆତାମାନାତ୍‌ । ପାର୍‍ତୁମ୍‍ତାନ୍‌ ସାରାସାରି ସାନ୍ଦି ଉଦାର୍‌ ପୟ୍‍ନି ଉନ୍‍ଣ୍ତ୍ରିମାତ୍ର ଉପାୟ୍‌ ଆଜିନାତ୍‍, ବିସ୍‍ବାସ୍‍ । ବାକ୍ୟ ଇସାବ୍‍ତାନ୍‍, “ଜେ ବିସ୍‍ବାସ୍‍ତାନ୍ ମାପୁରୁଦି ଲାକ୍‍ତୁ ଦାର୍ମୁତିକାନ୍‍ ଇଜି ୱେଙ୍ଗ୍‍ଁନାନ୍‍, ୱାନ୍‌ ଜିନାନ୍‍ ।”

ରୋମିୟ 4:25

ଆୟା ପ୍ରବୁ ଜିସୁ ମା ପାପ୍‍ତି ଉଦାର୍‌ କିନି ଉଣ୍ତିଙ୍ଗ୍‌ ୱାନ୍‌ ସାତାମାର୍ହାନ୍‍ ମାରି ମାପୁରୁଦି ଲାକ୍‍ତୁ ମାଙ୍ଗିଁ ଦାର୍ମୁଦିକାର୍‍ କିବିସ୍‍ କିନି ଉଣ୍ତିଙ୍ଗ୍‌ ମାରିଡ଼େସି ନିଙ୍ଗିଁତାମାନାନ୍‌ ।

ରୋମିୟ 5:19

ଅରେନ୍‍ୱାନି ଅମାନ୍ୟ ଉଣ୍ତିଙ୍ଗ୍‍ଁ ଏଣ୍ତେସ୍‌ ୱିଜେରେ ପାପି ଆତାର୍‌, ଆୟାୱାଜା ଅରେନ୍‍ୱାନି ମାନାନି ଉଣ୍ତିଙ୍ଗ୍‍ଁ ୱିଜେରେ ମାପୁରୁ ଆଗ୍‍ଡ଼ି ଦାର୍ମୁତିକାର୍‍ ଆନାର୍‍ ।

1కొరింతి 1:30

ମାତର୍‌ ମାପୁରୁ ମିଙ୍ଗିଁ କ୍ରିସ୍ତ ଜିସୁଦି ୱାଲେ ମିସାକିତା ମାନାନ୍‌ ମାରି ୱାନ୍‌ ମାପୁରୁଦିମାଣୁକୁ ମା ଉଣ୍ତିଙ୍ଗ୍‌ ଜ୍ଞାନ୍‌ଦିୱାଜା କିତାମାନାନ୍‌, ୱାନି ମାଣ୍‌କୁ ମାପୁରୁଦି ଆଗ୍‌ଡ଼ି ମା ଜତାର୍ଥ ମିସାଜି ପୁନା ତିଆର୍‌ ଆଜି, ମାଡୁ ଦାର୍ମିକ ମାରି ପବିତ୍ର ଲୋକ୍‌ ଆଜି ରକିୟା ପୟ୍‌ତିମାନିକା ।

2కొరింతి 5:17

କ୍ରିସ୍ତଦି ୱାଲେ ମିସାତିଙ୍ଗ୍, ଲୋକୁ ପୁନିକାନ୍ ତିଆର ଆନାତ୍‌ । ପାଡ଼୍‍ଇ ବିସୟୱିଜୁ ମାରିଗିତା ସର୍ହାମାନାତ୍, ମାରି ପୁନି ବିଷୟ ଆତାନ୍‌ ।

ଗାଲାତିୟ 3:13

ମାତର୍‍ କ୍ରିସ୍ତ ମା ଉଣ୍ତିଙ୍ଗ୍‌ ଆନାଦୁରିଆ ପୟ୍‍ଜି ନିୟମ୍‍ତୁ ରାସାତି ଆନାଦୁରିଆଦାନ୍‌ ମାଙ୍ଗିଁ ମୁକୁଡ଼ା କିତାମାନାନ୍‍ । ଦାର୍ମୁସାସ୍ତ୍ରଦୁ ରାସାତାମାନାତ୍‍, “ଏନ୍‍ ମାରାତୁ ଡ଼ଆୟ୍ ଆଜି ସାନାନ୍‍, ୱାନ୍‍ ମାପୁରୁଦି ମାଣାନ୍‍ ଆନାଦୁରିଆ ଆନାନ୍‌ !”

ଏପିସିୟ 5:2

କ୍ରିସ୍ତ ଏଣ୍ତେସ୍‌ ମାଙ୍ଗିଁ ଜିବନ୍‌ନୋତାନ୍‍ ମାରି ମାପୁରୁଦି ୱେଡ଼ିକାଦି ଉଣ୍ତିଙ୍ଗ୍‍ଁ ନିଜେଦି ଜିବନ୍‍ତିଙ୍ଗ୍‍ ମା ଉଣ୍ତିଙ୍ଗ୍‌ ବାସ୍‍ନାଦି ଦୁପ୍‍ଣି ମାରି ପୁଜା ୱାଜା ଆତାନ୍‌, ମି ଜିବନ୍‌ ବା ଆୟାୱାଜା ଜିବନ୍‍ନୋନି ମାଣାନ୍‌ ସାଲାପିତ୍‍ ।

ପିଲିପିୟ 3:9

ମାରି ୱାନି ୱାଲେ ପୁରା ମିସାନି ଉଣ୍ତିଙ୍ଗ୍‌, ମାରି ଆୟାୱିଜୁ ବିସୟ୍‌ତିଙ୍ଗ୍‌ କାସ୍‌ରା ଇଜି ଅଡ଼୍‌ବିଜିନା । ମାରି, ଆମା ଦାର୍ମୁଦି ନିୟମ୍‌ ମାନାନି ମାଣ୍‌କୁ ପୟ୍‌ଦେଙ୍ଗ୍‌ ଆଟ୍‌ନିକା, ଆୟା ନାନି ଇନି ନିଜେଦି ଦାର୍ମୁ ନାଦି ସିଲେତ୍‌ । ଇଲେଇ ନାଦି ଆମା ଦାର୍ମୁ ମାନାତ୍‌, ଆକା କ୍ରିସ୍ତଦିମାନୁ ବିସ୍‌ବାସ୍‌ କିନି ମାଣ୍‌କୁ ପୟ୍‌ତାମାନା; ଆକା ମାପୁରୁଦିମାଣୁକୁ ୱାନାତ୍ ମାରି ଆକା ବିସ୍‌ବାସ୍‌ତି ମୁସ୍‌କୁ ତିଆର୍‌ଆତାମାନାତ୍‌ ।

ఎబ్రి 4:15

ଏନ୍‌ ମା ଦୋସ୍‌ ଦୁର୍ବଲ୍ ଚିନ୍ତା କିଦେଙ୍ଗ୍ ଆଟ୍‍ଏର୍‍, ଆୟାୱାଜା ପେରିଯାଜକ ୱାନ୍‌ ଆଏନ୍‍ । ମାତର୍‌ ମା ପେରିଜାଜକ, ମା ୱାଜା ୱିଜୁଦି ପରିକାଦୁ ଆର୍‌ତାମାର୍ହାନ୍‍, ମାତର୍‌ ୱାନ୍‌ ପାପ୍‌କିଏଣ୍‌ଗା ତେବାତାନ୍‍;

ఎబ్రి 7:26

ଆର୍‌ତିଙ୍ଗ୍‌ ମା ୱିଜୁ ଉଣା ପୁରା କିଦେଙ୍ଗ୍‌ ଜିସୁନେ ଅରେନ୍ ମାତ୍ର ପେରିଯାଜକ । ୱାନ୍‌ ପବିତ୍ର, ପାପ୍‌ଦସ୍‍ ସିଲିକାନ୍‍, ପାପି ଲୋକାମାଣୁକୁ ଆକମାନିକାନ୍‍, ମୁସ୍‌କୁପୁର୍‌ତୁ ପରିକାନ୍‌ ଆତାନ୍‌ ।

୧ ପିତର 3:18

ମିଙ୍ଗିଁ ମାପୁରୁଦି ଲାକ୍‌ତୁ ତାନି ଉଣ୍ତିଙ୍ଗ୍‌ କ୍ରିସ୍ତ ନିଜେ ଦାର୍ମୁଦିକାନ୍‌ ଆଜି ଅଦାର୍ମୁ ଲୋକୁ ପାପ୍‌ ଉଣ୍ତିଙ୍ଗ୍‌ ନିଜେଦି ଜିବନ୍‌ ସିତାନ୍‌ । ଇୟା ପାଣି ୱାନ୍‌ ପୁରାଅର୍‌ସେ ୱିଜୁଦିନ୍‌ତି ଉଣ୍ତିଙ୍ଗ୍‌ ପୁରା କିତାମାନାନ୍‌ । ୱାନ୍‌ ମେନ୍ଦଲ୍‌ତାନ୍‌ ସାତାନ୍‌, ମାତର୍‌ ଆତ୍ମାଦାନ୍‌ ଜିବନ୍‌ ଆତାନ୍‌;

୧ ଜୋହନ 3:5

ମାରି ମିର୍‌ ନେସ୍‌ନିଦେର୍‌ ଜେ, କ୍ରିସ୍ତ ପାପ୍‌ ଅତେଙ୍ଗ୍‌ ଇଜି ୱାତା ମାର୍‌ର୍ହାନ୍‌, ମାରି ୱାନିମାନୁ ପାପ୍‌ ସିଲେତ୍‌ ।