2కొరింతి 4:17 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁷ ଇୟା ଇସ୍ରିମାଟା ମାରି ଅଡ଼ପ୍‍ତି ଦୁକ୍ କାସ୍ଟୁ ମା ଉଣ୍ତିଙ୍ଗ୍‌ ତାସିନାତ୍ ଇସାବ୍‌ସିଲି ୱିଜୁଦିନ୍‌ତି ଗୌରବ୍‍ ପୁରା କିଜିନାତ୍‌ । ଇୟା ଗୌରବ୍‍ ଦୁଃକ୍‌କାସ୍ଟୁଦାନ୍‌ ପେରିକା ।

Konda: కొండ బాసదు నెగ్గి కబ్రు

¹⁷ మాపు ఓరిసిని యా సాణెం మంజిని ఇజిరి కస్టమ్‌కు, మఙి వనకాఙ్‌ విజు మిస్తిక ఆతి ఎలాకాలం మంజిని గవ్‌రం దొహ్‌క్సినె.

2కొరింతి 4:17 ပူးပေါင်းရင်းမြစ်များ

మత్తయి 5:12

ନାଣ୍ତ ୱେଡ଼ିକାଆଦୁ, ଇରିଙ୍ଗ୍‌ ମୁସ୍‌କୁପୁର୍‌ତୁ ମି ପୁରସ୍‌କାର୍‌ ନାଣ୍ତ; ଆୟାୱାଜାତ ୱାର୍‌ ମି ପୁର୍ବେଦି ଡକ୍ରାଦାଦାର୍‌ରି ବାବବାଦିରିଙ୍ଗ୍ କାସ୍ଟୁକିତାର୍‍ ।

లూకా 6:23

ଆୟା ନାଣ୍ତିଙ୍ଗ୍‌ ୱେଡ଼ିକା କିଜି ଗାତ୍‌ତୁ, ମାତର୍‌ ସୁଡ଼ୁଦୁ, ମି ଉଣ୍ତିଙ୍ଗ୍‌ ମୁସ୍‌କୁପୁର୍‌ତୁ ମି ପୁରସ୍‌କାର୍‌ ନାଣ୍ତ ମାନାତ୍‌, ମାରି, ଆୟାୱାଜା ତୋ ୱାରି ପୁର୍ବେଦି ଡକ୍ରାଦାଦାର୍‌ରି ବାବବାଦିରି ଉଣ୍ତିଙ୍ଗ୍‌ କିଜିମାର୍‌ଆର୍‌ ।

అపొస్తు 20:23

ପବିତ୍ର ଆତ୍ମା ନାଙ୍ଗିଁ ଜାଗାର୍‌ତା କିତା ସିତାମାନାତ୍‍ ଜେ ୱିଜୁ ଗାଡ଼୍‍କାଙ୍ଗ୍‍ଁ ନାନୁ ଜଇଲ୍‍ସଲ୍‍ସି କାସ୍ଟୁ ପୟ୍‍ନା ।

ରୋମିୟ 2:7

ଏସୋଲୋକ୍‍ ଗୌରବ୍‍, ସନ୍‌ମାନ୍‌ ନି ୱିଜୁଦିନ୍‌ ତେବାନି ଆସାଦାନ୍‍ ଦର୍ଜଦାନ୍‍ ସତ୍‍ ପାଣି କିନା ସନାନ୍‍, ୱାରିଙ୍ଗ୍ ମାପୁରୁ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ସିନାନ୍‍ ।

ରୋମିୟ 8:18

ଆମା ଗୌରବ୍‌ମୟ୍‌ତି ୱାନିଦିନ୍‍ତୁ ମାଡ୍‌ ମିସାନିକା, ଆୟା ଇସାବ୍‍ତାନ୍‍ ଇଲେଇ ଦୁକ୍‍ବଗ୍‍ ଇନିକା ସିଲେ । ଆୟା ୱେଡ଼ାଦୁ ମାପୁରୁ ୱାନି କଡ଼ରିଙ୍ଗ୍‌ ତର୍‍ନାନ୍‍ ।

ରୋମିୟ 8:34

ଆର୍‍ତିଙ୍ଗ୍‍ଁ ଏନ୍‌ ୱାରିଙ୍ଗ୍‍ଁ ମାରି ଦସି କିଦେଙ୍ଗ୍‌ ଆଟ୍‍ନାନ୍‍ ? କ୍ରିସ୍ତ ଜିସୁ ଆକା ଏସାଙ୍ଗ୍‍ କିଏନ୍‌, ଇରିଙ୍ଗ୍‍ଁ ୱାନ୍‌ ସାତି ମାଣାନ୍‌ ନିଙ୍ଗିଁଜି ମାପୁରୁଦି ଉଣେରି ତରିନ୍‌ ବାସ୍‍ତାମାନାନ୍‍ ୱାନ୍ ମା ଉଣ୍ତିଙ୍ଗ୍‌ ପ୍ରାର୍ଥନା କିଜିନାନ୍ ।

ରୋମିୟ 8:37

ଏନ୍‌ ମାଙ୍ଗିଁ ଜିବନ୍‍ନୋନାନ୍‍, ୱାନି ସାକାଦାନ୍‍ ମାପ୍‌ ଇୟାୱିଜୁ ମୁସ୍‌କୁ ଜିଣାତାମାନାପ୍‍ ।

1కొరింతి 2:9

ଏଣ୍ତେସ୍‌ ଦର୍ମସାସ୍ତ୍ରଦୁ ରାସାତାମାନାତ୍‌ : “କାଣ୍‌ଗା ଆମାକା ସୁଡ଼ୁଏତ୍‌, ଗିତଣି ଆମାକା ୱେନ୍‌ଏତ୍‌, ଆମାକା ଗଟାନିକା ଏନ୍‌ ଅଡ଼୍‌ବିଏନ୍‌, ଆୟାୱିଜୁ ବିସୟ୍‌ ମାପୁରୁ ନିଜେଦି ଜିବନ୍‌ନୋନିୱାରି ଉଣ୍ତିଙ୍ଗ୍‌ ତିଆର୍‌ କିତାମାନାନ୍‌ ।”

2కొరింతి 3:18

ମା ୱିଜେରି କେର୍‍ବିଇ ମୋକମି ଇଲେ ପ୍ରବୁଦି ମହିମା ଜାୟ୍‍ଆନାତ୍ ମାରି ପ୍ରବୁଦି ଆତ୍ମା ମାଡ଼ାନ୍ ସସିମାନି ଆୟା ମହିମାଦି ଆଟ୍‍ନିମାଡ଼ାନ୍‍ ମାଡ଼ୁ ନାଣ୍ତ ଜାୟ୍‌ ଇସାବ୍‍ତାନ୍‍ ୱାନି ମୁର୍ତିୱାଜା ବାଦ୍‍ଲେ ଆଜିନିକା ।

ପିଲିପିୟ 1:19

ଇରିଙ୍ଗ୍‌ ନାନ୍‌ ନେସ୍‌ନା ଜେ, ମି ପାର୍‍ତନା ମାରି ଜିସୁ କ୍ରିସ୍ତଦି ଆତ୍ମାଦି ସାହାଜ୍ୟ ଦାନ୍‌ ନାନ୍‌ ମୁକୁଡ଼ାନିକା ଲାବ୍‌ କିନା ।

2దెస్స 1:4

ଆଦେଙ୍ଗ୍‌ ମାପୁରୁଦି ପାର୍‍ତନାକିନି ମଣ୍ତଲିଆଙ୍ଗାଁ ମିଙ୍ଗିଁ ଅସି ମାପ୍‌ ଗାର୍ବୁ କିନାମାନାପ୍‌ । ମିର୍‌ ଏଣ୍ତେସ୍‌ ଆମା ୱିଜୁ ତାଡ଼ନା ମାରି ଦୁଃକ୍‌କାସ୍ଟୁ ସାସ୍‌ କିଜି ନିଜେଦି ବିସ୍‌ବାସ୍‌ତୁ ଇନିଙ୍ଗାଁ ଆନିଙ୍ଗାଁ ଆଏଣ୍‌ଗା ତେବାତିମାନିଦେର୍‌ । ଇୟା ମାଟା ମାଡୁ ଗର୍ବଦାନ୍‌ ୱେର୍‌ନା ମାନାପ୍‌ ।

2దెస్స 1:6

ଆମାକା ନ୍ୟାୟ୍‌ତିକା, ମାପୁରୁ ଆକା ପୁରା କିନାନ୍‌ । ଆମାକାର୍‌ ଇଲେଇ ମିଙ୍ଗିଁ କାସ୍ଟୁ ସିଜିନାର୍‌, ୱାର୍‌ କାସ୍ଟୁ ପୟ୍‌ନାର୍‌ ।

2తిమోతి 2:10

ମାପୁରୁଦି ଆସ୍‌କିତିମାନି ଲୋକ୍‌ କ୍ରିସ୍ତ ଜିସୁଦି ମାଣୁକୁ ପୟ୍‌ତିମାନି ପରିତ୍ରାଣ ମାରି ଏସ୍‌କାଙ୍ଗ୍‌ୱିଜ୍‌ଇ ଗୌରବ୍‍ ପୟ୍‌ଦୁ, ଇୟା ଉଦେସ୍‌ଦାନ୍‌ ନାନ୍‌ ୱିଜୁ କାସ୍ଟୁ ସାସ୍‌ କିଜିନା ।

యాకోబు 1:12

ଆମା ଲୋକ୍‌ ଦୁଃକ୍‌କାସ୍ଟୁଦୁ ସାସ୍‌ କିନାନ୍‌, ୱାନ୍‌ ଆସିର୍ବାଦ୍‍ତିକାନ୍‍; ଇରିଙ୍ଗ୍‌ ଇୟାୱାଜା ଲୋକ୍‌ ପରିକାଦୁ ଜିଣାତିଙ୍ଗ୍‌, ମାପୁରୁ ୱାନି ଲୋକାଙ୍ଗ୍‌ ଆମା ଜିବନ୍‌ ସିନାନ୍‌ ଇଜି ପାର୍‌ମାଣ୍‌ କିତାମାନାନ୍‌, ୱାନ୍‌ ଆକା ପୁର୍‌ସ୍କାର୍‌ ୱାଜା ପୟ୍‌ନାନ୍‌ ।

୧ ପିତର 4:7

ମାତର୍‌ ୱିଜୁ ବିସୟ୍‌ତି ୱିଜ୍‌ନି ଦିନ୍‌ ଲାକ୍‌ତୁ ୱାତାତ୍‌ନି । ମାରି ମିର୍‌ ମନ୍‍ତିଙ୍ଗ୍‍ ତିର୍‍ ଇଡ୍‍ଜି, ପାର୍‍ତନା କିଦେଙ୍ଗ୍‌ ଜାଗାର୍‌ତା ମାନ୍‌ଡ୍ରୁ,

୧ ପିତର 5:10

ୱିଜୁ ଦୟା ସିନି ଆମା ମାପୁରୁ ନିଜେଦି ୱିଜୁଦିନ୍‌ତି ଗୌରବ୍‌ତୁ ମିସାନି ଉଣ୍ତିଙ୍ଗ୍‌ କ୍ରିସ୍ତ ଜିସୁଦି ମାଣୁକୁ ମିଙ୍ଗିଁ କୁକ୍‌ତାମାନାନ୍‌ । ୱାନ୍‌ ନିଜେ ସାଣେକ୍‌ତି ଦୁଃକ୍‌ପୟ୍‍ତି ୱେନ୍‌କା ମିଙ୍ଗିଁ ପୁରା କିନାନ୍‌, ତିର୍‌କିନାନ୍‍, ସାକ୍ତିକିନାନ୍‍ ମାରି ଡାଟ୍‍କିନାନ୍‌ ।

୧ ଜୋହନ 3:2

ଏ ନା ତଡ଼୍‍କୁ, ଇଲେଇ ମାଡୁ ମାପୁରୁଦି କଡ଼ର୍‌, ମାତର୍‌ ୱାଜିନିକାଡ଼ାଦୁ ମାଡୁ ଇନିକା ଆନିକା, ଆକା ଇୟାସାନ୍ଧି ୱେଙ୍ଗେଏତ୍‌ । ନିସନେ ମାତ୍ର ମାଡୁ ନେସ୍‌ନିକା ଜେ, କ୍ରିସ୍ତ ଏସ୍ତିୱାଲେ ତରାୟ୍‌ଆନାନ୍‌, ନାସ୍ତିୱାଲେ ମାଡୁ ୱାନି ୱାଜା ଆନାଟ୍‌, ଇରିଙ୍ଗ୍‌ ୱାନ୍‌ ଏଣ୍ତେସ୍‌, ମାଡୁ ଆୟାୱାଜା ୱାନିଙ୍ଗ୍‌ ସୁଡ଼ୁନାଟ୍‌ ।

ଜିହୁଦା 1:24

ଏନ୍‌ ମିଙ୍ଗିଁ ଗାଡ଼୍‌ଦିରାନ୍‌ ରକ୍‌ୟା କିଦେଙ୍ଗ୍‌ ମାରି ୱାନି ଗୌରବ୍‌ ଆଗ୍‌ଡ଼ି ଦସ୍‍ସିଲିକା ମାରି ୱେଡ଼ିକା କିଜି ଇଗାୱାଦେଙ୍ଗ୍‌ ଡାଟ୍‌ମାନାନ୍‌,