2కొరింతి 10:18 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁸ ମାତର୍‌, ନିଜେଦିଙ୍ଗ୍‍ ପ୍ରସଂସା ମାଣାନ୍‌ ଏନ୍‌ ପରିକାଦୁ ଜିଣାଏନ୍‌, ପ୍ରବୁଦି ତରିନ୍‍ ନେଗିକାନ୍‍, ଆୟାକାନ୍‌ କେବଲ ୱାନି ଗ୍ରହଣଜଗ୍ୟ ।

Konda: కొండ బాసదు నెగ్గి కబ్రు

¹⁸ వన్నిఙ్‌ వాండ్రె పొగ్‌డెః ఆనికాన్‌ తగ్నికాన్‌ ఆఎన్, తగ్నికాన్‌ ఇజి దేవుణు వెహ్నికాండ్రె తగ్నికాన్‌ ఆజినాన్.

2కొరింతి 10:18 ပူးပေါင်းရင်းမြစ်များ

లూకా 16:15

ଆବେନ୍‌ ୱାନ୍‌ ୱାରିଙ୍ଗ୍‌ ଇର୍ହାନ୍‌, ଏର୍‌ ନିଜେ ନିଜେଦିଙ୍ଗ୍‌ ଲୋକାରି ଆଗ୍‌ଡ଼ି ଦାର୍ମୁ ଇଜି ତର୍‍ନାର୍‍, ମିର୍‌ ଆୟାୱାଜାଦି ଲୋକୁ, ମାତର୍‌ ମାପୁରୁ ମି ଜିବନ୍‍ତିଙ୍ଗ୍‌ ନେସ୍‌ନା; ମାତର୍‌ ଏମେକା ଲୋକାରି ମାନୁ ପେରିକା, ଆୟାକା ମାପୁରୁଦି ଆଗ୍‌ଡ଼ି କାଡ଼୍‌ନିକା ।

యోహాను 12:43

ଇରିଙ୍ଗ୍‌ ୱାର୍‌ ଗୌରବ୍‍ ମାପୁରୁଦି ୱେଡ଼ିକାକିନି ବାଦଲୁ ଲୋକାଙ୍ଗ୍‌ ୱେଡ଼ିକା ବଦା କିତାର୍‍ ।

అపొస్తు 2:22

ଏ ଇସ୍ରାଏଲ୍‌ତି ଲୋକୁ, ଇୟାୱିଜୁ ମାଟା ୱେନ୍‌ଡ୍ରୁ ! ନାଣ୍ତ ସାକ୍ତିଦି ପାଣି ମାରି କାବାନି ସିନା ଦାନ୍‌ ନାଜରିୟତିୟ ଜିସୁ ଜେ ମାପୁରୁ ପକ୍‍ତିକାନ୍ ଇଜି ପାର୍‍ମାଣ୍‍ କିଆୟ୍‍ ଆତାମାନାନ୍‍ ମାରି ମାପୁରୁ ସାକ୍ତି ପୁରାକିତିକାନ୍‍, ଇକା ମି ଲାକ୍‌ତୁ ସତ୍‌ ଆତାମାନାତ୍‌ । ମି ଲୋଇ ଇୟା ଇୟାୱିଜୁ ଗଟନା ଗଟାତାତ୍‍, ଆଦେଙ୍ଗ୍‌ ଇୟା ବିସୟ୍‌ତାନ୍‌ ମିର୍‌ ନେଗେନ୍‍କିଜି ନେସ୍‌ତିମାନିଦେର୍‌ ।

ରୋମିୟ 14:18

ଏନ୍‌ଆପିନ୍‌ ଇୟାୱାଜା ଇସାବ୍‍ତାନ୍‍ କ୍ରିସ୍ତଦି ସେବା କିନାନ୍‍; ୱାନ୍‌ ମାପୁରୁଙ୍ଗ୍‍ଁ ୱେଡ଼ିକା କିବିସ୍‍କିନାନ୍‍, ଲୋକାମାନୁ ବା ଦର୍‍ ପୟ୍‍ନାନ୍‍ ।

ରୋମିୟ 16:10

କ୍ରିସ୍ତଦି ବିସ୍‍ବାସ୍‍ତାନ୍ ମାନି ସେବକ ଆପେଲ ନି ଆରିସ୍ତବୁଲଦି ଇଲ୍‍ତି ୱିଜେରିଙ୍ଗ୍‍ଁ ନା ନମସ୍କାର୍‌ ୱେର୍‍ନିଦେର୍‍ ।

ରୋମିୟ 2:29

ଏନ୍‌ ଜିବନ୍‍ତୁ ଜିହୁଦି, ୱାନ୍‌ ଆଜିନାନ୍‍ ସତ୍‌ତାନ୍‌ ଜିହୁଦି । ସତ୍‍ ସୁନ୍ନତ ଜିବନ୍‍ତି ବିସୟ୍‍; ଆକା ଆତ୍ମିକ, ରାସାତିକା ଆଏତ୍‍ । ଇୟାୱାଜା ଲୋକୁ ମାଣାନ୍‌ ୱେଡ଼ିକା ପୟ୍‍ଦେଙ୍ଗ୍‌ ଆଟ୍‌ଏନ୍‍; ୱାନ୍‌ ଆକା ପୟ୍‍ନାନ୍‍ ମାପୁରୁଦିମାଣାନ୍‌ ।

1కొరింతి 11:19

ଏଣ୍ତେସ୍‌ ମିମାନୁ ପରିକାଦୁ ଜିଣାତି ଲୋକୁ ୱେଙ୍ଗିଁନାର୍‌, ଇୟାଉଣ୍ତିଙ୍ଗ୍‌ ମିମାନୁ ଦଲ୍‌ ଏର୍‌ପିସିସାନିକା ପୁରା ଗଟାନାତ୍‌ ।

1కొరింతి 4:5

ଆଦେଙ୍ଗ୍‌, ବେଡ଼ାଦି ଆଗ୍‍ଡ଼ିନେ ପ୍ରବୁ ବିଚାର୍‌ କିଦେଙ୍ଗ୍‌ ୱାନି ସାନ୍ଦି କାପ୍‌କିଦୁ । ଇନି ବିସୟ୍‌ ବିଚାର୍‌ କିମାଟ୍‌ । ୱାନ୍‌ ସିକାଟିଦୁ ମାର୍‌ଗିତିମାନି ବିସୟ୍‌କୁୱିଜୁ ଜାୟ୍‌ତୁ ତର୍‌ନାନ୍‌, ମାରି ଲୋକା ମୋନ୍‌ତୁ ମାର୍‌ଗିତିମାନି ମାଟେଙ୍ଗ୍‌ୱିଜୁ ୱେକ୍‌ନାନ୍‌; ନାସ୍ତିୱାଲେ ୱିଜୁ ଲୋକୁ ମାପୁରୁଦିମାଣୁକୁ ପ୍ରସଂସା ପୟ୍‌ନାର୍‌ ।

2కొరింతి 10:12

ଏଣ୍ତେସ୍‍ବା ନିଜେଦିଙ୍ଗ୍ ପେରିକାନ୍ ଇଜି ଅଡ଼ବିନି ଲୋକାଦି ଦାଡ଼ି ଆନି ଉଣ୍ତିଙ୍ଗ୍‌ ବା ୱାରିୱାଲେ ନିଜେଙ୍ଗ୍‌ ତୁସ୍‍ତେଙ୍ଗ୍‍ ସାହାସ୍ ମାଦି ସିଲେତ୍‌ । ୱାର୍‌ ଏସ ବୁଦିସିଲିକାର୍‌, ଇରିଙ୍ଗ୍‌ ୱାର୍‌ ନିଜେଦିଙ୍ଗ୍‌ ନିଜେ ୱାଲେ ଇସାବ୍‌ କିନାର୍‌, ନିଜେ ଲେକିସ୍‍କିନି ବାଡିଗାଦାନ୍‍ ନିଜେନିଜେ ବିଚାର୍‌ କିଆୟ୍‍ଆନାର୍ ।

2కొరింతి 13:7

ମିର୍‌ ଇନି ଅନ୍ୟାୟପାଣିଦୁ ତେବାମାଟ୍‍, ଇୟାଉଣ୍ତିଙ୍ଗ୍‌ ମାପୁ ମାପୁରୁଦି ଲାକ୍‌ତୁ ପାର୍‍ତାନା କିଜିନାପ୍ । ମାପୁ ଜେ ଇବେନୁ ପରିକାଦୁ ଜିଣାତାମାନାପ୍, ଇକା ମାପୁ ତର୍‌ତେଙ୍ଗ୍ ସଲ୍‌ଏପ୍, ମାତର୍‌ ମାପୁ ଆରାତିମାରିଙ୍ଗ୍ ବା ମିର୍‌ ଏଣ୍ତେସ୍‌ ନେଗି ପାଣି କିନିଦେର୍‌, ଇୟାଉଣ୍ତିଙ୍ଗ୍‌ ପାର୍‍ତାନା କିଜିନାପ୍‍ ।

2కొరింతి 3:1

ମାଡ଼ୁ ଇନିକା ମାରି ଗର୍ବ ୱାଜା ମନେଆଜିନାତ୍ ? ଇରିଙ୍ଗ୍‌ ଆଇୱାରିୱାଜା ମାଡ଼ୁ ଇନିକା ମି ଲାକୁତୁ ବା ମି ଲାକୁତୁରାନ୍ ପରିଚୟ ଆକୁ ଦର୍‌କାର୍‌ ଇଜିନିକା ।

2కొరింతి 5:12

ମାପୁ ମାରିଡ଼େସି ମି ଲାକ୍‍ତୁ ମାପୁ ଜିବନ୍‌ ଗର୍ବ କିଦେଙ୍ଗ୍ ଇଛା କିଏଜିନାପ୍ । ମାତର୍‌ ମା ବିସୟତାନ୍‍ ଟିକ୍‍ତାନ୍‍ ଗର୍ବ କିନି ଉଣ୍ତିଙ୍ଗ୍‍ଁ ମିଙ୍ଗିଁ ସୁଜୋଗ ସିଦେଙ୍ଗ୍‌ ମା ଉଦେସ୍ । ଆର୍‌ତିଙ୍ଗ୍‌, ମୋନତି ଗୁଣ୍‍ ସୁଡ଼ୁଏଜି କେବଲ ଆତେରି ୱେଡ଼ିକା ସୁଡ଼୍‌ଜି ଏମେକାର୍ ଗର୍ବ କିନାର୍, ୱାରିଙ୍ଗ୍ ମିର୍‌ ଟିକ୍ ବେଡ଼ାଦୁ ଉତର ସିଦେଙ୍ଗ୍‌ ଆଟିନିଦେର୍‌ ।

2కొరింతి 6:4

ମାରି ମାଡୁ ୱିଜୁ ଅବସ୍ଥାଦୁ ନିଜେଦିଙ୍ଗ୍ ମାପୁରୁଦି ସେବାକିନିକା ୱାଜା ଜାଣାସିନା କିଜିନାପ୍‌ । ନାଣ୍ତ ସାହାସ୍‍ତାନ୍‍ ମାପ୍‌ ୱିଜୁ ରକମ୍‌ତି କାସ୍ଟୁ, କାକୁର୍ତି ମାରି କାସ୍ଟୁ ସାସ୍‍କିତାମାନାପ୍;

2తిమోతి 2:15

ମିର୍‌ ସେମାର୍‌ ଆଏଣ୍‌ଗା ବୁଲ୍‌ସିଲେଏଣ୍‌ଗା ମାପୁରୁଦି ସତ୍‌ବାକ୍ୟ ୱେର୍‌ତୁ; ଆର୍‌ତିଙ୍ଗ୍‌, ଅରେନ୍‌ ବିସ୍‌ବାସ୍‌ତି ଲୋକୁ ୱାଜା ମିର୍‌ ମାପୁରୁଦି ପୁରା ପରିକାଦୁ ଜିଣାନି ବିସୟ୍‌ ପୟ୍‌ନିଦେର୍‌ ।

୧ ପିତର 1:7

ମି ବିସ୍‌ବାସ୍‌ତି ନେଗିକା ପରିକା କିନିକା ଇୟା ୱିଜୁଦି ଉଦେସ୍‍ । ୱିଜ୍‌ନି ବାଙ୍ଗାଁରାମ୍‍ତିଙ୍ଗ୍‌ ସିସୁଦୁ ପରିକା କିନାର୍‌ । ମି ବିସ୍‌ବାସ୍‌ ବାଙ୍ଗାଁରାଓ ତାନ୍‌ ନାଣ୍ତ ଦାରା ଆତିମାନିଙ୍ଗ୍‌ ପରିକାଦାନ୍‌ ତାନିଙ୍ଗ୍‌ ପୁରା କିଦେଙ୍ଗ୍‌ ପଡ଼ାନାତ୍‌ । ଜିସୁ କ୍ରିସ୍ତଦି ତରାନି ବେଡ଼ାଦୁ ମିର୍‌ ଦନ୍ୟବାଦ୍‌, ଗୌରବ୍‍ ମାରି ସନ୍‌ମାନ୍‌ ପୟ୍‌ନିଦେର୍‌ ।