୧ ପିତର 4:1 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹ କ୍ରିସ୍ତ ମେନ୍ଦଲ୍‌ତୁ ଦୁଃକ୍‌ ପୟ୍‍ତିମାନିଙ୍ଗ୍‌ ମିର୍‌ ବା ୱାନି ୱାଜା ମୋନ୍‌ତିଙ୍ଗ୍‌ଡ଼େପ୍‌ସି ନେଗେନ୍‌ ଆଦୁ ଜେ, ଇରିଙ୍ଗ୍‌ ଏନ୍‌ ମେନ୍ଦଲ୍‌ତୁ କାସ୍ଟୁ ସାସ୍‌ କିନାନ୍‌, ୱାନ୍‌ ମାରି ପାପ୍‌ତୁ ତେବାଏନ୍‌ ।

Konda: కొండ బాసదు నెగ్గి కబ్రు

¹ అందెఙె క్రీస్తు, వన్ని ఒడొఃల్‌దు కస్టం ఓరిస్తి లెకెండ్‌ కస్టం ఓరిస్తెఙ్. మీరుబా మన్సు తయార్‌ కిజి మండ్రు. ఎందనిఙ్‌ ఇహిఙ ఒడొఃల్‌దు కస్టం ఓరిస్నికాన్‌ పాపమ్‌దు నడిఃఏన్.

୧ ପିତର 4:1 ပူးပေါင်းရင်းမြစ်များ

మార్కు 3:3

ଆମା ୱାନିଦି କିୟୁ ୱାର୍‌ତା ସୋର୍‌ଆ ମାର୍‌ଆତ୍‌, ୱାନିଙ୍ଗ୍‌ ଜିସୁ ଇର୍‌ଆନ୍‌, “ରାଆ, ନାଣ୍‍ମି ନିଲ୍‍ଆ ।”

ରୋମିୟ 6:11

ଆୟାୱାଜା ମିର୍‌ ବା ପାପ୍‍ ଉଣ୍ତିଙ୍ଗ୍‌ ସାତି ମାନିଦେର୍‍ ଇଜି ଅଡ଼୍‍ବିଦୁ । ମିର୍‌ ଇଲେଇ କ୍ରିସ୍ତ ଜିସୁଦି ମାଣାନ୍‌ ଜିବନ୍‍ତୁ ମାପୁରୁଦି ୱାଲେ ମିସାତି ମାନିଦେର୍‍ ।

ରୋମିୟ 6:2

ଏସାଙ୍ଗ୍‍ ସିଲେ । ପାପ୍‍ ଉଣ୍ତିଙ୍ଗ୍‌ ମାଡ୍‌ ସାତି ମାନିକା ଆବେ ମାରି ଜିନାଟ୍‍ ଏଣ୍ତେସ୍‌ ?

ରୋମିୟ 6:7

ଇରିଙ୍ଗ୍‌ ଲୋକୁ ସାତିସରିଙ୍ଗ୍‍ଁ, ପାପ୍‍ ଗାଟିଦାନ୍‍ ରକିୟା ପୟ୍‍ନାନ୍‍ ।

ଗାଲାତିୟ 2:20

ଆଦେଙ୍ଗ୍‌ ଇଲେଇ ସତ୍‌ତାନ୍‍ ନାନୁ ମାରି ଜିଏ, ନା ବାନୁ କ୍ରିସ୍ତ ଜିବନ୍‌ ମାନାନ୍‌ । ନାନୁ ଇଲେଇ ଆମା ଜିଜି ମାଡ଼ିଜିନା, ଆକା କେବଲ ମାପୁରୁଦି ମାରିନ୍‌ତି ମୁସ୍‍କୁ ନା ବିସ୍‍ବାସ୍‍ତାନ୍ ଆତାମାନାତ୍‍, ଏନ୍‍ ନାଙ୍ଗିଁ ଜିବନ୍‌ନୋଜି ନା ଉଣ୍ତିଙ୍ଗ୍‍ଁ ୱାନି ଜିବନ୍‌ ସିତାମାନାନ୍‌ ।

ଗାଲାତିୟ 5:24

ଏମେକାର୍‍ କ୍ରିସ୍ତ ଜିସୁଦିକାର୍‌, ୱାର୍‍ ୱିଜୁ ଆସାନି ଆସାଦି ଲୋକା ଗୁଣୁତିଙ୍ଗ୍ କ୍ରୁସଦୁ ଡାକ୍‍ତାମାନାନ୍‍ ।

ଏପିସିୟ 6:13

ମାତର୍‌ ଇଲେଇ ମାପୁରୁସିତିମାନି ଜୁଦ୍‍ସାଜୁ ଆରାଦୁ; ଆତିଙ୍ଗ୍‍ଁ କାକୁର୍ତି ଦିନ୍‍ତୁ ମିର୍‌ ସାତ୍ରୁଦି ଆଗ୍‌ଡ଼ି ନିନ୍‌ଡ୍ରେଙ୍ଗ୍‍ ଆଟ୍‍ନିଦେର୍‍ ମାରି ସେସ୍‍ ସାନ୍ଦି ଜୁଦ୍‍ କିଜିବା ଡାଟ୍‍ତାନ୍‍ ତେବାନିଦେର୍‍ ।

ପିଲିପିୟ 2:5

କ୍ରିସ୍ତ ଜିସୁଦି ଏଣ୍ତେସ୍‌ ନାନି ମନ୍‌ ମାରାତ୍‌, ମିଦି ଆୟାୱାଜା ମୋନ୍‌ ଆପିତ୍‌ :

ఎబ్రి 12:3

ଅଡ଼୍‌ବିଜ ସୁଡ଼ୁଦୁ, ୱାନ୍‌ ଏସୋ ଦୁଃକ୍‍ ପୋଇତାମାନାନ୍ । ୱାନ୍‌ ପାପି ଲୋକାମାଡ଼ାନ୍ ଏସୋ ନିଦା ପୋଇଏତାମାନାନ୍ । ଆଦେଙ୍ଗ୍‍ଁ ମିର୍‌ ମନ୍‍ଉଣା କିଜି ନିରାସ୍‌ ଆମାଟ୍ ।

ఎబ్రి 4:10

ମାପୁରୁ ଏଣ୍ତେସ୍ ନିଜେଦି ପାଣିଦାନ୍‌ ରମିତାନ୍, ଏନ୍‌ ମାପୁରୁଦି ପାର୍‍ମାଣ୍‍ତି ରମ୍‍ନିମାନୁ ଡ଼ୁଗିତା ମାନାନାନ୍‍, ୱାନ୍‌ ବା ନିଜେଦି ପାଣିଦି ୱାନ୍‍ନ୍ଦିମାଣୁକୁ ରମ୍‍ନାନ୍ ।

୧ ପିତର 2:21

ମାପୁରୁ ଇୟା ବଦାଦାନ୍‌ ମିଙ୍ଗିଁ କୁକ୍‌ତାମାନାନ୍‌ । କ୍ରିସ୍ତ ନିଜେ ମି ଉଣ୍ତିଙ୍ଗ୍‌ ଦୁଃକ୍‌ବୋଗ୍‌ କିଜି ମିଙ୍ଗିଁ ଉନ୍‌ଡ୍ରି ସାରି ତର୍‌ତାମାନାନ୍‌, ଏଣ୍ତେସ୍‌ ମିରୁ ୱାନି ପାଦାମ୍‍ସିନା ସିଜି ୱେନ୍‌କାସନିଦେର୍‌ ।

୧ ପିତର 3:18

ମିଙ୍ଗିଁ ମାପୁରୁଦି ଲାକ୍‌ତୁ ତାନି ଉଣ୍ତିଙ୍ଗ୍‌ କ୍ରିସ୍ତ ନିଜେ ଦାର୍ମୁଦିକାନ୍‌ ଆଜି ଅଦାର୍ମୁ ଲୋକୁ ପାପ୍‌ ଉଣ୍ତିଙ୍ଗ୍‌ ନିଜେଦି ଜିବନ୍‌ ସିତାନ୍‌ । ଇୟା ପାଣି ୱାନ୍‌ ପୁରାଅର୍‌ସେ ୱିଜୁଦିନ୍‌ତି ଉଣ୍ତିଙ୍ଗ୍‌ ପୁରା କିତାମାନାନ୍‌ । ୱାନ୍‌ ମେନ୍ଦଲ୍‌ତାନ୍‌ ସାତାନ୍‌, ମାତର୍‌ ଆତ୍ମାଦାନ୍‌ ଜିବନ୍‌ ଆତାନ୍‌;