୧ ପିତର 2:4 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁴ ମିର୍‌ ଆମା ଜିବନ୍‌ମାନି କାଲୁ ୱାଜା ମାପୁରୁ ଦାରାସିଲିକା ଅଡ଼୍‍ବିଜି ଡ଼ିସ୍‌ତାର୍‌, ୱାନି ଲାକ୍‌ତୁ ରାଦୁ, ଇରିଙ୍ଗ୍‌ ୱାନ୍‌ ମାପୁରୁଦି ଲାକ୍‌ତୁ ଆସ୍‌କିଆୟ୍‌ଆତାମାନାନ୍‌ ମାରି ନାଣ୍ତ୍‌ଦାରା ମାନାନ୍‌ ।

Konda: కొండ బాసదు నెగ్గి కబ్రు

⁴ మీరు బత్కిజి మని క్రీస్తుబాన్‌ వాతిదెర్. ఇల్లు తొహ్నికార్‌ పణిదిఙ్‌ రెఇక ఇజి నెక్సి పొక్తి పణుకు లెకెండె క్రీస్తు. లోకుర్‌ వన్నిఙ్‌ నెక్తపొక్తార్‌ గాని దేవుణు వన్నిఙ్‌ గొప్ప విలువాతికాన్‌ ఇజి ఎర్లిస్తాన్‌.

୧ ପିତର 2:4 ပူးပေါင်းရင်းမြစ်များ

మత్తయి 11:28

“ଏ ୱାନ୍ଦିତି ୱିଜେରେ ନି ବଜ୍‍ତୁ ମାନି ଲୋକୁ ୱିଜେରେ, ନା ଲାକ୍‌ତୁ ରାଦୁ, ନାନ୍ ମିଙ୍ଗିଁ ରମିସ୍‍କିନା ।

మత్తయి 12:18

“ଇକାନ୍‌ ନା ଦାସ୍‌, ଏମେୱାନିଙ୍ଗ୍‌ ନାନ୍ ବାସେକିତାମାନା, ୱାନିଙ୍ଗ୍‌ ନାନ୍ ଲାଡ୍‍କିନା, ୱାନି ଉଣ୍ତିଙ୍ଗ୍‌ ନାନ୍ ୱେଡ଼ିକା । ନା ଆତ୍ମା ୱାନି ମୁସ୍‌କୁ ରେତାନାତ୍‍; ୱିଜୁ ଅଣଜିହୁଦି ଲୋକାମାନୁ ୱାନ୍‌ ନା ବିସାର୍‌କିନି ବିସୟ୍‌ ୱେର୍‌ନାନ୍‌ ।

మత్తయి 21:42

ଜିସୁ ୱାରିଙ୍ଗ୍‌ ଇର୍ହାନ୍‌, ଇୟା ଦାର୍ମୁସାସ୍ତ୍ର ମାଟା ଇନିକା ମିର୍‌ ପଡ଼ାଇଦେର୍‌, ଆମା କାଲୁଦିଙ୍ଗ୍‌ ଇଲୁକୁ ତିଆର୍‌କିନିକାର୍‌ ପାଣିସିଏତ୍‌ଇଜି ଡ଼ିସ୍‌ତାସିତାମାର୍ହାର୍‌, ଆକାନେ ପେରିକା କନାଦି କାଲୁ ଆତାତ୍‌ । ପ୍ରବୁ ନିଜେ ଇକା ଇର୍‌ଆମାନାନ୍‌ । ପ୍ରବୁଦି ପାଣି ୱିଜୁ ଏସା କାବାନିକା ?

యోహాను 14:19

ଉଣା ୱେଡ଼ା ମାନାତ୍‌, ଜଗତ୍‌ ନାଙ୍ଗିଁ ମାରି ସୁଡ଼ୁଏତ୍‌; ମାତର୍‌ ମିର୍‌ ନାଙ୍ଗିଁ ସୁଡ଼ୁନିଦେର୍‌, ଇରିଙ୍ଗ୍‌ ନାନ୍ ଜିବନ୍‌ ମାନା, ମିର୍‌ ବା ଜିବନ୍‌ ତେବାନିଦେର୍‌ ।

యోహాను 14:6

ଜିସୁ ୱାନିଙ୍ଗ୍‌ ଇର୍ହାନ୍‌, ନାନ୍ ସାରି, ସତ୍‌ ମାରି ଜିବନ୍‌; ନାଙ୍ଗିଁ ସିଜି ସଲ୍‌ଇତିଙ୍ଗ୍‌ ଏନ୍‌ ବୁବାଦି ଲାକ୍‌ତୁ ସନ୍‌ଡ଼୍ରେଙ୍ଗ୍‌ ଆଟ୍‍ଏନ୍‍ ।

యోహాను 5:26

ଇରିଙ୍ଗ୍‌ ବୁବା ଏଣ୍ତେସ୍‌ ଜିବନ୍‌ତି ମୁଲ୍‌, ମାରିସିଙ୍ଗ୍‌ ବା ଆୟାୱାଜା ୱାନ୍‌ ଜିବନ୍‌ତି ମୁଲ୍‌ କିତାମାନାନ୍‍;

యోహాను 5:40

ମାତର୍‌ ମିର୍‌ ଜିବନ୍‌ ପୟ୍‌ଦେଙ୍ଗ୍‌ ଇଜିନା ଲାକ୍‌ତୁ ୱାଦେଙ୍ଗ୍‌ ବଦା କିଇଜିନିଦେର୍‍ ।

యోహాను 6:37

ବୁବା ଜେ ୱିଜେରିଙ୍ଗ୍‌ ନାଙ୍ଗିଁ ଦାନ୍‌ କିନାନ୍‌, ୱାର୍‌ ନା ଲାକ୍‌ତୁ ୱାନାର୍‌; ମାରି, ଏନ୍‌ ନା ଲାକ୍‌ତୁ ୱାନାନ୍‌, ୱାନିଙ୍ଗ୍‌ ନାନ୍ ଇନି ୱାଜାବା ସୋପ୍‌ତେଙ୍ଗ୍‍ ଆଟ୍‍ଏ;

యోహాను 6:57

ଜିବନ୍‌ମାନି ବୁବା ନାଙ୍ଗିଁ ପୋକ୍‌ତାମାନାନ୍‌ ମାରି ନାନ୍ ୱାନି ଉଣ୍ତିଙ୍ଗ୍‌ ଜିବନ୍‌ ମାନା, ଆୟାୱାଜା ଏନ୍‌ ନାଙ୍ଗିଁ ଉଣୁନାନ୍‌, ୱାନ୍‌ ବା ନା ଉଣ୍ତିଙ୍ଗ୍‌ ଜିବନ୍‌ ତେବାନାନ୍‌ ।

ରୋମିୟ 5:10

ମାଡ୍‌ ମାପୁରୁଦି ସାତ୍ରୁ ମାରି ୱାଲେ ୱାନି ମାରିସି ମା ଉଣ୍ତିଙ୍ଗ୍‌ ଜିବନ୍‌ ସିତାନ୍‌, ତାନି ମାଣାନ୍‌ ମାପୁରୁଦି ୱାଲେ ମା ମିସାନିକା ଆତାତ୍‍ । ମାପୁରୁଦି ୱାଲେ ମିସାତି ୱେନ୍‌କା ଇଲେଇ କ୍ରିସ୍ତଦି ଜିବନ୍‍ତାନ୍‍ ରକିୟା ପୟ୍‍ଦେଙ୍ଗ୍‍ଁ ଇଜି ମାଡ୍ ଏସା ନାଣ୍ତ ସୁଜୋଗ ପୟ୍‍ଇକା ?

1కొరింతి 3:11

ଇରିଙ୍ଗ୍‌ ମାପୁରୁ ଜିସୁ କ୍ରିସ୍ତଙ୍ଗ୍‌ ଉନ୍‌ଡ୍ରେନେମାତର୍‌ କୁନାନ୍ଦିକାଲୁ କିଜି ତିଆର୍‌ କିତାମାନାନ୍‌; ଆୟାତାନିଙ୍ଗ୍‌ ଡ଼ିସ୍‌ସି ଆଇ ଇନି କୁନାନ୍ଦିକାଲୁ ତିଆର୍‌ ଆଦେଙ୍ଗ୍‌ ଆଟ୍‍ଏତ୍‍ ।

కొలొసి 3:4

ମା ଜିବନ୍‌ ୱାଜା ଜେ କ୍ରିସ୍ତନେ, ମାରି ଏସ୍ତିୱାଲେ ୱାନ୍‌ ତରାୟାଆନାନ୍‌, ନାସ୍ତିୱାଲେ ମିର୍‌ ବା ୱାନି ୱାଲେ ଗୌରବ୍‌ତାନ୍‌ ତରାୟାଆନିଦେର୍‌ ।

୧ ପିତର 1:19

ମାତର୍‌ ଆକା ଦସ୍‍ସିଲେଣ୍‌ଗା ମାରି ସିନାସିଲି ମେଣ୍ତା ପିଲା ୱାଜା କ୍ରିସ୍ତଦି ନାଣ୍ତ୍‌ଦାରାଦି ନେତେର୍‌ତାନ୍‍ ମୁକ୍‍ଡ଼ାତି ମାନିଦେର୍‌ ।

୧ ପିତର 1:7

ମି ବିସ୍‌ବାସ୍‌ତି ନେଗିକା ପରିକା କିନିକା ଇୟା ୱିଜୁଦି ଉଦେସ୍‍ । ୱିଜ୍‌ନି ବାଙ୍ଗାଁରାମ୍‍ତିଙ୍ଗ୍‌ ସିସୁଦୁ ପରିକା କିନାର୍‌ । ମି ବିସ୍‌ବାସ୍‌ ବାଙ୍ଗାଁରାଓ ତାନ୍‌ ନାଣ୍ତ ଦାରା ଆତିମାନିଙ୍ଗ୍‌ ପରିକାଦାନ୍‌ ତାନିଙ୍ଗ୍‌ ପୁରା କିଦେଙ୍ଗ୍‌ ପଡ଼ାନାତ୍‌ । ଜିସୁ କ୍ରିସ୍ତଦି ତରାନି ବେଡ଼ାଦୁ ମିର୍‌ ଦନ୍ୟବାଦ୍‌, ଗୌରବ୍‍ ମାରି ସନ୍‌ମାନ୍‌ ପୟ୍‌ନିଦେର୍‌ ।

୧ ପିତର 2:7

ମିର୍‌ ବିସ୍‍ବାସ୍‍ କିତିମାନିଙ୍ଗ୍‌ ମି ଉଣ୍ତିଙ୍ଗ୍‌ ଇୟା କାଲୁ ନାଣ୍ତ ଦାରା । ମାତର୍‌ ଅବିସ୍‌ବାସ୍‌ତି ଲୋକା ଉଣ୍ତିଙ୍ଗ୍‌ : “ଆମା କାଲୁଦିଙ୍ଗ୍‌ ଇଲୁକୁ ତିଆର୍‌କିନିକାର୍‌ ସିଲେ ଇଜି ଲାତ୍‍ ଡାକ୍‍ତାର୍‌, ଆକା ୱିଜୁମାଣୁକୁ ପେରି ଦର୍‍କାର୍‍ତି କାଲୁ ଆତାତ୍‌ ।”