୧ ପିତର 2:22 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²² ୱାନ୍‌ ଇନି ପାପ୍‌ କିଏନ୍‌ ମାର୍ହାନ୍‌, ମାରି ୱାନି ୱେୟୁଦାନ୍‌ ମିଚ୍‌ ମାଟା ୱେର୍‌ନିକା ଏନ୍‌ ଏସ୍‌କାଙ୍ଗ୍‌ ୱେନ୍‌ଏନ୍‌ ମାର୍ହାନ୍‌ ।

Konda: కొండ బాసదు నెగ్గి కబ్రు

²² “క్రీస్తు ఇని తపుబా కిఎతాన్. వన్ని మాటెఙ్‌ లొఇ ఇని అబద్దమ్‌బ సిల్లెతాద్‌.

୧ ପିତର 2:22 ပူးပေါင်းရင်းမြစ်များ

మత్తయి 27:19

ପିଲାତ୍‌ ବିଚାର୍‍କିନି ବାଡିଦୁ ବାସ୍‌ତିମାରିଇ ୱାଲେ ୱାନି ଆଡ଼୍‌ସି ଉନ୍‌ଡ୍ରି କାବୁର୍‌ ପୋକ୍‌ତାତ୍‌ “ଆୟା ଦସ୍‌କିଇ ଲୋକ୍‌ତିଙ୍ଗ୍‌ ଇନିକା କିମାଟ୍‌ । ଇଏନ୍‌ ମିଲି ଉନ୍‌ଡ୍ରି ଲବେରୁ ୱାନି ଉଣ୍ତିଙ୍ଗ୍‌ ନାନ୍ ନାଣ୍ତ ଦୁଃକ୍‌ ଏତ୍‌କିତାମାନା ।”

మత్తయి 27:4

“ଅରେନ୍‍ ଦସ୍‌କିଇ ଲୋକ୍‌ତି ଉଣ୍ତିଙ୍ଗ୍‌ ମି କିୟୁଦୁଆସ୍‌ସି କିତାସିତାନୋ ନାନ୍ ପାପ୍‌ କିତାମାନା ।” ଜିହୁଦି ନେତାର୍‌ ଇର୍ହାର୍‌, “ଆବେନୁ ମାଦି ଇନିକା ମାନାତ୍‌ ? ଆକା ନି ନିଜେଦି ମାଟା ।”

లూకా 23:41

ମାରି, ମାଡ୍‌ ଗିଦେ ନିୟ୍ୟାଇସାବତାନ୍‌ ଦଣ୍ଡ୍‌ ବୋଗାଜିନିକା, ଇରିଙ୍ଗ୍‌ ମାଡ୍‌ ନିଜେ ନିଜେଦି କାର୍ମୁଦି ଦସ୍‍ ପଲ୍‌ ପୋଇଜିନିକା, ମାତର୍‌ ଇୟା ଲୋକୁ ଇନି ଦୋସ୍‍ବା କିଏନ୍‌ ।”

లూకా 23:47

ସତସେନାପତି ଇୟା ଗଟ୍‌ନା ସୁଡ଼ୁଜି ମାପୁରୁଙ୍ଗୁଁ ଦନ୍ୟବାଦ୍‌ କିଜି ଇର୍ହାନ୍‌, “ପୁରା ଇୟା ଲୋକୁ ଦାର୍ମୁ ମାର୍ହାନ୍‌ ।”

యోహాను 1:47

ଜିସୁ ନିତନିଏଲ୍‍ତିଙ୍ଗ୍‍ ୱାନି ଲାକ୍‌ତୁ ୱାନିକା ସୁଡ଼ୁଜି ୱାନି ବିସୟ୍‌ତାନ୍‌ ଇର୍‌ଆନ୍‌, “ଇଦି ସୁଡ଼ୁଦୁ, ସତେନେ ଇକାନ୍‌ ଅରେନ୍‍ ଇସ୍ରାଏଲ୍‌ତି ଲୋକୁ, ୱେନିମାନୁ ଇନି ତାଗ୍‌ଇକା ସିଲେତ୍‍ ।”

యోహాను 8:46

ନାବାନ୍‍ ପାପ୍‌ ମାନାତ୍‌ ଇଜି ମି ବାଣାନ୍‍ ଏନ୍‌ ପାର୍‍ମାନ୍‍ ସିଜିନାନ୍‌ ? ନାନ୍ ଏସ୍ତିୱାଲେ ସତ୍‌ ଇନା, ଆରିଙ୍ଗ୍‌ ମିର୍‌ ଏନ୍ଦା ବିସ୍‌ବାସ୍‌ କିଇଜିନିଦେର୍‍ ?

2కొరింతి 5:21

ମାତର କ୍ରିସ୍ତମାନୁ ପୁରା ପାପ୍‌ ସିଲେତିଙ୍ଗ୍‌ ବା, ମାପୁରୁ ୱାନିଙ୍ଗ୍‌ ମା ଉଣ୍ତିଙ୍ଗ୍‌ ପାପ୍‍ତି ପୁଜା ୱାଜାକିତାନ୍, ମାଡ୍‌ ଏଣ୍ତେସ୍ ୱାନିୱାଲେ ମିସାଜି ମାପୁରୁଦି ଦାର୍ମୁପାଣିଦୁ ମିସାଦେଙ୍ଗ୍ ଆଟିନିକା ।

ఎబ్రి 4:15

ଏନ୍‌ ମା ଦୋସ୍‌ ଦୁର୍ବଲ୍ ଚିନ୍ତା କିଦେଙ୍ଗ୍ ଆଟ୍‍ଏର୍‍, ଆୟାୱାଜା ପେରିଯାଜକ ୱାନ୍‌ ଆଏନ୍‍ । ମାତର୍‌ ମା ପେରିଜାଜକ, ମା ୱାଜା ୱିଜୁଦି ପରିକାଦୁ ଆର୍‌ତାମାର୍ହାନ୍‍, ମାତର୍‌ ୱାନ୍‌ ପାପ୍‌କିଏଣ୍‌ଗା ତେବାତାନ୍‍;

ఎబ్రి 9:28

ଆୟାୱାଜା ୱିଜୁଲୋକା ଉଣ୍ତିଙ୍ଗ୍‌ ପାପ୍ ଆକ କିଦେଙ୍ଗ୍ କ୍ରିସ୍ତ ଉନ୍‍ଣ୍ତ୍ରେ ଦେବାଦି ଉଣ୍ତିଙ୍ଗ୍ ବଲି ୱାଜା ସିଆୟ୍‍ ଆତାନ୍ । ୱାନ୍‌ ମାରିଉଣ୍ତ୍ରି ଦେବା ୱାନାନ୍ । ନାସ୍ତିୱାଲେ ମାରି ପାପ୍‍ତି ଜୁଦ୍‍ କିନି ଉଣ୍ତିଙ୍ଗ୍‌ ୱାନ୍‌ ରେଏନ୍‍ । ୱାନ୍‌ ୱାନାନ୍, ୱାନି ଉଣ୍ତିଙ୍ଗ୍‌ କାପ୍‍କିଜିମାନି ଲୋକାଙ୍ଗ୍ ଉଦ୍ଧାର୍‌ କିନି ଉଣ୍ତିଙ୍ଗ୍‌ ୱାନାନ୍‌ ।

୧ ଜୋହନ 2:1

ଏ ନା କଡ଼ର୍‌, ମିଙ୍ଗିଁ ନାନୁ ଇୟା ସିଟି ରାସ୍‌ନି ବିଷୟ, ଇକା ପଡ଼ାଜି ଏଣ୍ତେସ୍‌ମାରି ପାପ୍‌ କିଇଦେର୍‌ । ମାରି ମିର୍‌ ଏଣ୍ତେସ୍‌ ନେସ୍‌ନିଦେର୍‌, ଏନ୍‌ ଜଦି ପାପ୍‌ କିନାନ୍‌, ମା ଉଣ୍ତିଙ୍ଗ୍ ବୁବା ମାପୁରୁଦି ଲାକ୍‌ତୁ ମା ଅରେନ୍‌ ପେରି ଲୋକ୍‌ ମାନାନ୍‌ ଆୟା ଦାର୍ମୁଦି ଜିସୁ କ୍ରିସ୍ତ ।

୧ ଜୋହନ 3:5

ମାରି ମିର୍‌ ନେସ୍‌ନିଦେର୍‌ ଜେ, କ୍ରିସ୍ତ ପାପ୍‌ ଅତେଙ୍ଗ୍‌ ଇଜି ୱାତା ମାର୍‌ର୍ହାନ୍‌, ମାରି ୱାନିମାନୁ ପାପ୍‌ ସିଲେତ୍‌ ।

ప్రకటన 14:5

ୱାର୍‌ ଏସ୍‌କାଙ୍ଗ୍ ମିଚ୍‌ ୱେର୍‌ନିକା ତର୍‌ଏତ୍, ୱାର୍‌ ପୁରା ଦସ୍‍ସିଲିକାର୍‍ ।