1కొరింతి 8:9 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁹ ମାତର୍‌ ଜାଗାର୍‌ତା, ଏସ୍ତିୱାଲେ ମି ଇୟା ଅଦିକାର୍‌ ଏଣ୍ତେସ୍‌ ଦୁର୍ବଳ୍‌ଦିକାର୍‌ ତାକାନି କାରଣ୍‌ ଆଏତ୍‍ ।

Konda: కొండ బాసదు నెగ్గి కబ్రు

⁹ అహిఙ ఇనికబా కిదెఙ్‌ నిఙి మని అక్కుదాన్, మన్సుదు దయ్‌రం సిల్లి వరిఙ్‌ తొరొ ఇడ్ని లెకెండ్‌ మండ్రెఙ్‌ ఆఎద్.

1కొరింతి 8:9 ပူးပေါင်းရင်းမြစ်များ

మత్తయి 18:10

ଇୟା ଇସ୍ରିକଡ଼ରି ମାଣ୍‌କୁ ଅରେନ୍‍ୱାନିଙ୍ଗ୍‍ ବା ନିସାର୍‍ କିମାଟ୍‌ । ନାନ୍ ମିଙ୍ଗିଁ ସତ୍‌ ଇଜିନା, ଇୟାୱାରିଙ୍ଗ୍‌ ଜାତୁନ୍‌କିଜିମାନି ମୁସ୍‌କୁପୁର୍‌ତି ଦୁତ୍‌କୁ ୱିଜୁଦିନ୍‌ ନା ବୁବା ମାପୁରୁଦି ଲାକ୍‌ତୁମାନେ ।

ରୋମିୟ 15:1

ବିସ୍‍ବାସ୍‍ତୁ ବପୁ ଜେ ମାଡ୍‌, ୱାର୍‌ ସାକିସିଲି ବିସ୍‌ବାସ୍‌ ତଡ଼ାନ୍‌ତି ଦୋସ୍‌ ସାକିସିଲି ଉଣ୍ତିଙ୍ଗ୍‌ ଲାକ୍‌ତୁ ଆଦୁ । ଏନ୍‌ ନିଜେଦିଙ୍ଗ୍‍ଁ ୱେଡ଼ିକା କିନି ଉଣ୍ତିଙ୍ଗ୍‌ ବଦା କିମାକିନ୍‌ ।

1కొరింతి 10:24

ଏନ୍‌ ନିଜେଦି ନେଗିକା ସେସ୍ଟା କିମାକିନ୍‌, ମାତର୍‌ ୱିଜୁ ଲୋକା ଆଇୱାନିଙ୍ଗ୍‍ ନେଗିକା ସେସ୍ଟା କିପିନ୍‌ ।

1కొరింతి 10:28

ମାତର୍‌ ଏନ୍‌ ଜଦି ମିଙ୍ଗିଁ ୱେର୍‌ନାନ୍‌, ଇକା ପୁଜାଦି ୱାଜା ସର୍‌ପେ ଆତାମାନାତ୍‌, ଆର୍‌ତିଙ୍ଗ୍‌ ଜେ ଇକା ୱେର୍‌ତାନ୍‌, ତାନି ଉଣ୍ତିଙ୍ଗ୍‌ ମାରି ବୁଦିଦି ଉଣ୍ତିଙ୍ଗ୍‌ ଆକା ଉଣୁମାଟ୍‌ ।

1కొరింతి 10:29

ମି ନିଜେଦି ବୁଦିଦି ଉଣ୍ତିଙ୍ଗ୍‌ ଇଜି ନାନ୍ ଇନ୍‌ଏ, ମାତର୍‌ ୱାନି ବୁଦିଦି ଉଣ୍ତିଙ୍ଗ୍‌ ୱେର୍‌ସିନା । ମିର୍‌ ଏଣ୍ତେସାତିଙ୍ଗ୍‌ ପ୍ରସ୍ନ କିନିଦେର୍‌, “ମା ଅଦିକାର୍‌ ଏନ୍ଦା ଆଇୱାନି ବୁଦି ଦାନ୍‌ ବିସାର୍‌ ଆନାତ୍‌ ।”

1కొరింతి 10:32

ଜିହୁଦି ମାରି ଗ୍ରିକ୍‌ ମାରି ମାପୁରୁଦି ମଣ୍ତଲି, ଏଙ୍ଗ୍‌ବା ତାକାନି ପାଣି ଆମାଟ୍‌ ।

1కొరింతి 8:10

ଇରିଙ୍ଗ୍‌ ବୁଦି ଜେ ମିର୍‌, ମିଙ୍ଗିଁ ଜଦି ଏନ୍‌ ମନ୍ଦିର୍‌ତୁ ଉଣିମାନୁ ବାସ୍‌ନିକା ସୁଣାନ୍‌, ଆର୍‌ତିଙ୍ଗ୍‌ ୱାନ୍‌ ମୋନ୍‌ତୁ ଦୁର୍ବଲ୍ ବିସ୍‌ବାସି ଆତିମାରିଙ୍ଗ୍‌ବା ଇନିକା ବଗ୍‌ ତିନ୍‌ଡ୍ରେଙ୍ଗ୍‌ ୱେଡ଼ିକା ଆଏନ୍‍ ?

1కొరింతి 8:12

ଇୟାପ୍ରକାର୍‌ତାନ୍‌ ତଡ଼ାନ୍‌କା ବିରୁଦ୍‌ତାନ୍‌ ପାପ୍‌ କିଜି ମାରି ୱାରି ସାସ୍‌ସିଲି ବୁଦିଦିଙ୍ଗ୍‌ ଡାକ୍‌ସି ମିର୍‌ କ୍ରିସ୍ତଦି ବିରୁଦ୍‌ତାନ୍‌ ପାପ୍‌ କିଜିନିଦେର୍‌ ।

1కొరింతి 9:22

ଏଣ୍ତେସ୍‌ ନାନ୍‌ ବିସ୍‌ବାସ୍‌ତୁ ସାସ୍‌ସିଲିୱାରିଙ୍ଗ୍‌ ପୟ୍‌ଦେଙ୍ଗ୍‌ ଆଟ୍‍ନା, ଇୟାଉଣ୍ତିଙ୍ଗ୍‌ ନାନ୍‌ ସାସ୍‌ସିଲିୱାରି ଲାକ୍‌ତୁ ୱାରି ୱାଜା ଆତାମାନା; ଏଣ୍ତେସ୍‌ ନାନ୍‌ ଆମାଇନି ଉପାୟ୍‌ତାନ୍‌ ୱିଜୁ ଲୋକାଙ୍ଗ୍‌ ରକିୟା କିଦେଙ୍ଗ୍‌ ଆଟ୍‍ନା, ଇୟାଉଣ୍ତିଙ୍ଗ୍‌ ନାନ୍‌ ୱିଜେରି ଲାକ୍‌ତୁ ୱିଜୁ ରକମ୍‍ତି ବ୍ୟବ୍‌ହାର୍‌ କିତାମାନା ।

2కొరింతి 11:21

ନାନ୍‌ ସେମାର୍‌ତି ୱାଲେ ମାନାଜିନା ଜେ, ଇୟାୱିଜୁ ବିସୟ୍‌ଦୁ ନାନୁ ନାଣ୍ତ ଦୁର୍ବଲମାନା । ମାତର୍‌ ଆଇ ଇନି ବିସୟ୍‌ତୁ ଏନ୍‌ ଜଦି ଗର୍ବ କିଦେଙ୍ଗ୍‌ ସାହାସ୍ କିନାନ୍, ଆର୍‌ତିଙ୍ଗ୍‌ ମୁର୍କୁ ୱାଜା ନାନୁ ଇଜିନା, ନା ଆୟାୱାଜା ସାହାସ୍‌ ମାନାତ୍ ।

2కొరింతి 11:29

ଏନ୍‌ ଜଦି ଦୁର୍ବଳ ଆନାନ୍‌, ନାନୁ ବା ୱାନି ୱାଲେ ଦୁର୍ବଳ ଏତ୍‌କିନା । ଏନ୍‌ ପାପ୍‌ କିତିଙ୍ଗ୍‌, ନାନ୍‌ ଜିବନ୍‌ତୁ କାସ୍ଟୁ ଏତ୍‌କିନା ।

2కొరింతి 6:3

ଆମା ସେବାକିନି ବାଡି ମାପ୍‌ ପୟ୍‍ତା ମାନାପ୍, ତାନି ଦସ୍‍ ଏଣ୍ତେସ୍‌ ଆଏତ୍‍, ଆୟାଉଣ୍ତିଙ୍ଗ୍‌ ମାପ୍‌ ଏମେୱାନି ପାଣିଦୁ ବାଦା ସିଏପ୍ ।

ଗାଲାତିୟ 5:13

ଏ ତଡ଼ାନ୍‍କୁ ନି ତାଙ୍ଗିଁକି, ମିର୍‍ ମୁକ୍‍ଡ଼ାଦେଙ୍ଗ୍‍ଁ ଇଜି କୁକାତିମାର୍ହିଦେର୍‍ । ମାତର୍‍ ଜାଗାର୍‍ତା, କେବଲ ମେନ୍ଦଲ୍‍ତିଙ୍ଗ୍‌ ଲାଲାୟ୍‌ ଆନି ଉଣ୍ତିଙ୍ଗ୍‌ ଆୟା ମୁକ୍‍ଡ଼ାତିକା ଏଣ୍ତେସ୍‍ ବାଡିସ୍‌ ୱାଜା ବ୍ୟବହାର୍‍ କିମାଟ୍‌ । ମାତର୍‍ ଜିବନ୍‍ନନି ମାଣାନ୍‍ ସାଲାଜି ମିର୍‍ ନିଜେନିଜେଦି ସେବା କିଦୁ ।

కొలొసి 2:8

ଜାଗାର୍‌ତା, ଏନ୍‌ ଏଣ୍ତେସ୍‌ ମିଙ୍ଗିଁ ଲୋକ୍‌ତି ବାୟାକିନିନାନି ବେକାର୍‌ତି ବୁଦିଦାନ୍‌ ବେମ୍‌ରି କିଏନ୍‌ । ଆୟାୱିଜୁ ବୁଦି କ୍ରିସ୍ତଦି ସିକିୟାଦାନ୍‌ ରେଏତ୍‌ ମାନାତ୍‌ । ଆକା ଲୋକା କୁଟୁମ୍‌ତାନ୍‌ ରିତିନିୟମ୍‌ତି ସିକିୟା ମାରି ସାରାଦୁନିଆ ମୁସ୍‌କୁ ସାସନ୍‌ କିଜିମାନି ଦୁବେଙ୍ଗ୍‌ଆଙ୍ଗାଁ ସାକ୍ତି ସିକିୟାଦି ପଲ୍‌ ।

୧ ପିତର 2:16

ମିର୍‌ ମୁକ୍‍ଡ଼ାତି ଲୋକା ୱାଜା ଜିଜି ମାଡ଼ିଦୁ । ମାତର୍‌ ମୁକ୍‍ଡ଼ାତି ଉଣ୍ତିଙ୍ଗ୍‍ ତାଗ୍‌ଇ ପାଣି କିମାଟ୍‌ । ମାରି ମାପୁରୁଦି କଟିମାନି ଗତିମୁରୁଲି ୱାଜା ଜିଜି ମାଡ଼ିଦୁ ।

ప్రకటన 2:14

ମାତର୍‌ ନି ବିରୁଦ୍‌ତାନ୍‌ ନା ଏସ ବିସୟ ଇନିକା ମାନାତ୍‌ । ଆବେନୁ ମି ୱାଲେ ମାନି ଏସ ଲୋକୁ, ବାଲାମଦି ସିକିୟାଦାନ୍‌ ବୁଲାସାଲା ଆଜିନାର୍‌ । ବାଲାମ ପୁଜାସିନି ବଗ୍‌ ତିନ୍‌ଡ୍ରେଙ୍ଗ୍‌ ମାରି ଦାରିପାଣି କିନି ଉଣ୍ତିଙ୍ଗ୍‌ ଇସ୍ରାଏଲ୍‌ତି ଲୋକାଙ୍ଗ୍‌ ୱେର୍‌ନି ଉଣ୍ତିଙ୍ଗ୍‌ ବାଲାକଦିଙ୍ଗ୍‌ ଅଜାକିତାମାରାନ୍ ।