Zn 5:23 - Nouvo Testaman dan Kreol Morisien

²³ pouki tou dimoun onor so Garson, parey kouma zot onor Papa la. Dimoun ki pa onor Garson la, pa onor so Papa kinn avoy Li.

Nouvo Testaman Kreol Morisien Harmonisation NTPS KM

²³ pou ki tou dimounn onor so Garson, parey kouma zot onor Papa-la. Dimounn ki pa onor Garson-la, pa onor so Papa ki finn avoy Li.

Zn 5:23 ပူးပေါင်းရင်းမြစ်များ

Mt 10:37

Seki kontan so papa oubien so mama plis ki mwa, li pa dign pou vinn mo disip.

Mt 11:27

Mo Papa finn donn mwa tou e personn pa kapav konn so garson exsepte so Papa, personn pa kapav konn so Papa exsepte so Garson ek dimoun ar ki so garson anvi revel li.

Mt 12:21

e tou dimoun pou fer li konfians.”

Mt 15:8

‘Sa pep la onor mwa zis avek so labous, me so leker lwin ar mwa;

Mt 28:19

Al dan tou bann pep ki ena e fer zot vinn mo bann disip; batiz zot lor nom mo Papa, lor nom so Garson e lor nom Lespri Sin.

Lk 10:16

Seki ekout zot, ekout mwa; seki rezet zot, rezet mwa, e seki rezet mwa, rezet Sa-Enn ki finn avoy mwa la.”

Zn 14:1

“Pa bizin zot boulverse; krwar osi dan Bondie, krwar dan mwa.

Zn 16:14

Li pou rann mwa glwar parski li pou anons zot tou seki li finn resevwar ar mwa.

Zn 17:10

Tou seki pou mwa, pou twa e tou seki pou twa, pou mwa; mo laglwar reflekte lor zot figir.

Let pou Romin 1:7

Mo pe ekrir pou tou bann ki dan Rom ki Bondie kontan e ki li finn apele pou swiv Zezi Kris. Ki Bondie nou Papa ek Lesegner Zezi Kris donn zot lagras ek lape.

Let pou Romin 15:12

Izai osi ekrir: “Desandan Zese pou vini li pou leve pou gouvern bann non-Zwif e zot pou met zot lesperans dan li.”

Let pou Romin 6:22

Asterla zot finn lib par rapor ar pese e zot finn vinn esklav Bondie, zot ena sanktifikasion pou fri, ek so rezilta li lavi eternel.

Let pou Romin 8:9

Me zot, zot pa kontrole par natir pese, me par Lespri, si Lespri Bondie viv dan zot. Seki pena Lespri Lekris, li pa apartenir ar Lekris.

1 Ko 1:3

Mo souet zot lagras ek lape ki sorti kot nou Papa Bondie ek Lesegner Zezi Kris.

1 Ko 10:31

Kan zot manze, kan zot bwar, kan zot fer ninport ki kiksoz, toultan fer li pou laglwar Bondie.

1 Ko 16:22

Si kikenn pa kontan Lesegner, ki li modi. Maranata. Vini Segner!

1 Ko 6:19

Zot pa kone ki zot lekor enn tanp Lespri Bondie, ki li viv dan zot, e ki Bondie ki finn donn zot sa Lespri la? Alor zot pa apartenir ar zotmem;

2 Ko 1:9

Nou ti ena linpresion ki finn kondann nou amor. Me sa finn arive pouki nou pa depann lor noumem, me depann zis lor Bondie ki relev seki finn mor.

2 Ko 5:14

Anefe, lamour Lekris kontrol nou, parski nou ena lasirans ki ena enn sel ki finn mor pou tou lezot; savedir ki tou lezot ena enn par dan so lamor.

2 Ko 5:19

Par Lekris, Bondie finn azir pou rekonsilie tou bann imin ar li, san pran konsiderasion zot bann fot, e li finn donn nou responsabilite pou al anons mesaz rekonsiliasion.

Ef 6:24

Ki lagras Bondie li res ar tou saki ena lamour eternel pou Lesegner Zezi Kris.

2 Tim 1:12

Akoz samem zordi mo pe soufer. Me mo touzour konfian, mo napa per, mo kone dan ki mo finn met mo lafwa e mo sir e sertin ki li pou vey lor mwa ziska Gran Zour la vini.

Eb 1:6

Me letan Bondie avoy so Garson premie ne dan lemonn, li ti dir, “Ki tou bann anz Bondie ador li.”

2 Pi 1:1

Mwa Simon Pier, serviter ek apot Zezi Kris. Mo pe adres zot, bann dimoun ki finn resevwar don presie lafwa kouma nou, atraver lazistis Bondie e nou Sover Zezi Kris:

2 Pi 3:18

Kontigne progrese dan lagras ek konesans nou Segner ek Sover Zezi Kris. Laglwar pou li azordi ek dan leternite. Amenn.

1 Zn 2:23

Kikenn ki rezet Bondie Garson li pena Bondie Papa dan li. Tou dimoun ki aksepte Bondie Garson li ena osi Bondie Papa.

2 Zn 1:9

Tou dimoun ki depas limit e pa gard lansegnman Kris, zot pena Bondie dan zot. Dimoun ki gard so lansegnman, zot ini avek Bondie Papa ek so Garson.