Zn 4:6 - Nouvo Testaman dan Kreol Morisien

⁶ Pwi Zakob ti trouv lor sa terin la; Zezi finn fatige marse; li asiz lor rebor pwi; ti pre pou midi.

Nouvo Testaman Kreol Morisien Harmonisation NTPS KM

⁶ Pwi Zakob ti trouv lor sa terin-la; Zezi finn fatige marse; li asiz lor rebor pwi; ti pre pou midi.

Zn 4:6 ပူးပေါင်းရင်းမြစ်များ

Mt 27:45

Depi midi teneb partou kote lor pei ziska trwa-zer tanto.

Mt 4:2

Apre ki li finn pas karant zour ek karant nwit san manze, Zezi gagn fin.

Mt 8:24

Enn gro divan soufle lor lamer, zot bato ti pre pou savire, me Zezi ti pe dormi.

Lk 2:7

Marie donn nesans enn garson, so premie zanfan e li anvlop li dan lanz e plas li dan enn manzwar, parski pa ti ena plas pou zot dan lasal pou vwayazer.

Lk 9:58

Zezi dir li, “Renar ena lakaz pou reste, zwazo dan lesiel ena so nik, me Garson Limanite pena enn plas pou poz so latet.”

Zn 11:9

Zezi reponn, “Eski pena douzer-tan dan enn zour? Si kikenn mars anplin lizour, li pa pou kogne, parski li pe trouv lalimier ki ekler lemonn.

Zn 4:12

Eski ou pli gran ki nou anset Zakob? Pa limem ki finn donn nou sa pwi la? Pa limem ki finn bwar ladan ansam avek so bann garson ek so bann zanimo?”

Zn 4:5

Alors li ariv dan enn lavil dan Samari ki ti apel Sikar, pre ar terin ki Zakob ti donn so garson Zozef.

Zn 4:7

Enn fam ki res Samari vinn sers dilo. Zezi dir li, “Donn mwa inpe dilo pou bwar.”

2 Ko 8:9

Zot konn lagras Zezi Kris, mem si li ti ris, li finn fer li pov pou zot, pouki par so povrete zot kapav vinn ris.

Eb 2:17

Pou sa rezon la, li bizin vinn parey kouma so bann frer e ser dan tou fason, pou li kapav vinn enn gran pret fidel ek ranpli ar mizerikord dan servis Bondie, e pouki bann pese dimoun pardone.

Eb 4:15

Nou pena enn gran pret ki pa kapav sinpatiz ar nou dan nou febles, me nou ena enn ki finn konn tantasion dan tousort fason, me ki pa finn fer pese.