Zn 3:18 - Nouvo Testaman dan Kreol Morisien

¹⁸ Dimoun ki krwar dan li, pa pou kondane me dimoun ki pa krwar, inn fini kondane parski li pa krwar dan Sel Garson Bondie.

Nouvo Testaman Kreol Morisien Harmonisation NTPS KM

¹⁸ Dimounn ki krwar dan li, pa pou kondane me dimounn ki pa krwar, finn fini kondane parski li pa krwar dan Sel Garson Bondie.

Zn 3:18 ပူးပေါင်းရင်းမြစ်များ

Mk 16:16

Dimoun ki krwar ek resevwar batem pou sove, me dimoun ki pa krwar pou kondane.

Zn 1:12

Li finn donn tou dimoun ki finn resevwar li e ki krwar dan so nom pouvwar pou vinn zanfan Bondie.

Zn 1:18

Zame personn finn trouv Bondie apar so sel Garson. Li ti enn sel ar so Papa. Limem finn fer nou konn Bondie.

Zn 20:31

Tousala finn ekrir pouki zot krwar ki Zezi-mem Lekris, Garson Bondie e pouki bann seki krwar gagn lavi par so nom.

Zn 3:16

Bondie finn telman kontan lemonn, ki li finn donn so Sel Garson pouki tou dimoun ki krwar dan Li, pa mor me gagn lavi eternel.

Zn 3:36

Dimoun ki krwar dan so Garson pou gagn lavi eternel, seki pa ekout so Garson, pa pou trouv lavi me lakoler Bondie pou res lor li.”

Zn 5:24

Vremem laverite mo dir zot, dimoun ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Zn 6:40

Samem volonte mo Papa: tou dimoun ki trouv so Garson e krwar dan li, pou gagn lavi eternel, e mwa mo pou resisit zot dan dernie zour.”

Zn 6:47

Vremem laverite mo dir zot, dimoun ki krwar, gagn lavi eternel.

Let pou Romin 5:1

Asterla ki nou finn zistifie par lafwa, nou ena lape avek Bondie atraver nou Segner Zezi Kris.

Let pou Romin 8:1

Asterla pena okenn kondanasion pou bann dimoun ki dan Zezi Kris.

Let pou Romin 8:34

Ki sannla kapav kondann zot? Personn. Parski Lekris limem ki ti mor, me plis ki sa, li finn resisite e li adrwat Bondie pou intersed pou nou.

Eb 12:25

Tansion! Pa refiz ekout dimoun ki pe koze ar zot. Bann ki ti refiz ekout seki ti pe averti zot lor later, pa ti sove. Alor ena plis rezon pou krwar ki nou pa pou kapav sape, si nou rezet seki pe averti nou depi lesiel.

Eb 2:3

kouma nou pou sap nou lavi si nou negliz enn gran delivrans parey? Lesegner ti koz lor la anpremie, apre lezot ti prouv li par zot temwagnaz.

Eb 3:19

Kouma nou finn trouve, sa bann la pa ti kapav rant dan sa plas repo la, parski zot pa ti ena lafwa.

1 Zn 3:23

Ala so komannman, ki nou bizin krwar dan nom so garson Zezi Kris e kontan nou prosin, parey kouma li finn komann nou.

1 Zn 4:9

Ala kouma Bondie finn montre so lamour pou nou: Li finn avoy so sel garson dan lemonn pouki nou gagn vre lavi par li.

1 Zn 5:10

Dimoun ki krwar dan Garson Bondie, li ena sa temwagnaz la dan so leker. Dimoun ki pa krwar dan Bondie, li finn fer li pas pou enn manter, parski li pa finn krwar temwagnaz ki Bondie finn done lor so Garson.

1 Zn 5:12

Dimoun ki ena Garson Bondie ena lavi la; dimoun ki pena Garson Bondie, pena lavi.