Zn 2:22 - Nouvo Testaman dan Kreol Morisien

²² Akoz samem, kan li finn leve parmi bann mor, so bann disip ti rapel so parol e zot finn krwar dan Lekritir ek dan Parol ki Zezi finn dir.

Nouvo Testaman Kreol Morisien Harmonisation NTPS KM

²² Akoz samem, kan li finn leve parmi bann mor, so bann disip ti rapel so parol e zot finn krwar dan Lekritir ek dan parol ki Zezi finn dir.

Zn 2:22 ပူးပေါင်းရင်းမြစ်များ

Lk 24:26

Eski Lekris pa ti bizin soufer avan li rant dan so laglwar?”

Lk 24:44

Li dir zot, “Samem parol ki mo ti dir zot kan mo ti avek zot parski tou seki finn ekrir lor mwa dan Lalwa Moiz, Liv bann Profet e bann Psom, ti bizin realize.”

Zn 12:16

Letan tou sa ti pase, so bann disip pa ti pe konpran me apre, kan Zezi finn glorifie, zot ti rapel seki Lekritir finn dir e seki dimoun ti fer pou li.

Zn 14:26

Me Sa-Enn ki pou defann zot la, limem Lespri Sin ki mo Papa pou avoy lor mo nom. Li, li pou montre zot tou kiksoz e li pou fer zot rapel tou seki mo finn dir zot.

Zn 16:4

Me mo pe dir zot sa, pouki kan ler vini, zot rapel seki mo finn dir zot. Mo pa finn dir zot tousala depi komansman parski mo ti avek zot.

Zn 2:11

Samem premie sign Zezi ti fer. Sa ti pas dan Kana dan Galile; li finn montre so laglwar e so bann disip finn krwar dan li.

Zn 2:17

Lerla so bann disip rapel parol Lekritir, ‘Lamour pou to lakaz pou devor mwa kouma laflam.’

Zn 2:2

Zezi ek so bann disip osi ti invite dan maryaz la.

Zistwar Bann Zapot 11:16

Mo finn rapel parol Bondie ki dir, ‘Zan ti batiz ar dilo, me zot, zot pou resevwar batem dan Lespri Sin.’

Zistwar Bann Zapot 13:33

Li fer sa vinn vre pou nou, ki zot bann desandan, letan li finn resisit Zezi; parey kouma ti ekrir dan deziem Psom: ‘Tomem mo Garson, Azordi mo finn vinn to Papa.’