Zn 17:3 - Nouvo Testaman dan Kreol Morisien

³ Ki ete lavi eternel? Se dekouver ki tomem vre Bondie e ki Zezi Kris, limem ki to finn avoye.

Nouvo Testaman Kreol Morisien Harmonisation NTPS KM

³ Ki ete lavi eternel? Se dekouver ki tomem vre Bondie e ki Zezi Kris, limem ki to finn avoye.

Zn 17:3 ပူးပေါင်းရင်းမြစ်များ

Mk 9:37

“Dimoun ki akey enn sa bann ti zanfan la, lor mo nom, li pe akeyir momem; e dimoun ki akeyir mwa, pa mwa li pe akeyir me seki finn avoy mwa la.”

Lk 9:48

e li dir zot, “Dimoun ki akeyir sa zanfan la lor mo nom, pe akeyir momem, e seki akeyir mwa pe akeyir Sa-Enn ki finn avoy mwa la; parski pli tipti parmi zot tou, limem pli gran.”

Zn 10:36

kouma zot kapav dir ki mo pe blasfeme parski mo finn dir ki mo Garson Bondie, alors ki mo papa finn swazir mwa e finn avoy mwa dan lemonn?

Zn 11:42

Mo kone ki to exos mwa toultan me mo pe dir sa akoz sa lafoul la, pouki zot krwar ki to finn avoy mwa.”

Zn 14:26

Me Sa-Enn ki pou defann zot la, limem Lespri Sin ki mo Papa pou avoy lor mo nom. Li, li pou montre zot tou kiksoz e li pou fer zot rapel tou seki mo finn dir zot.

Zn 17:18

Parey kouma to finn avoy mwa dan lemonn, mwa osi mo finn avoy zot dan lemonn.

Zn 17:21

Mo priye pouki zot tou vinn enn sel e ki zot res ar nou parey kouma twa Papa, to dan mwa e mwa mo dan twa. Lerla lemonn pou krwar ki to finn avoy mwa.

Zn 17:23

Mwa dan zot, twa dan mwa pouki zot vinn enn sel. Lerla lemonn pou kone ki to finn avoy mwa, ki mo kontan zot kouma to kontan mwa.

Zn 17:25

Twa Papa ki zis, lemonn pa konn twa; mwa mo finn konn twa e zot kone ki to finn avoy mwa.

Zn 17:8

Mo finn donn zot parol ki to finn konfie mwa, e zot finn resevwar li. Zot finn rekonet ki vremem mo finn sorti kot twa, e zot krwar ki to finn avoy mwa.

Zn 3:17

Parski Bondie pa finn avoy so Garson dan lemonn pou kondann lemonn me pouki so Garson sov lemonn.

Zn 3:34

Dimoun ki Bondie finn avoye, koz parol Bondie, parski Bondie finn donn li Lespri anabondans.

Zn 5:44

Kouma zot kapav ena lafwa, zot ki kontan resevwar grander ant zotmem e pa pe rod grander ki sorti kot sel vre Bondie?

Zn 6:57

Parey kouma mo Papa ki lasours lavi finn avoy mwa, e mwa mo viv par li, parey seki manz mwa, li osi pou viv par mwa.

Zn 7:29

Mwa mo konn li parski mo sorti kot li e li finn avoy mwa.”

Zn 8:19

Lerla bannla dir li, “Kot to Papa ete?” Zezi reponn, “Zot pa konn ni mwa, ni mo Papa; si zot ti konn mwa, zot ti pou konn mo Papa osi.”

1 Ko 15:34

Regagn zot lespri ek bon sans, ek aret fer pese. Sertin parmi zot pena enn bon relasion avek Bondie. Mo oblize dir sa, mem si sa fer zot onte.

1 Ko 8:4

Alors, lor size manz nouritir ki finn ofer idol, nou kone ki enn idol pa reprezant nanye dan lemonn, e ki ena enn sel Bondie.

2 Ko 4:6

Bondie ki ti dir, “Omilie lobskirite lalimier pou briye,” limem ki fer so lalimier briye dan nou leker pou donn nou konesans laglwar Bondie ki reyonn lor figir Lekris.

Let pou Filipien 3:10

Mo ena enn dezir pou konn Kris ek pwisans so rezireksion, partisip dan so soufrans, e vinn parey kouma li dan so lamor,

Let pou Filipien 3:8

Ler mo konpar grander dibien ki mo gagne dan konesans Zezi Kris, mo konsider tou kiksoz kouma enn lapert. Akoz li mo finn perdi boukou kiksoz ki mo konsider kouma enn bann salte pou mo kapav gagn Kris,

1 Tes 1:9

Tou dimoun pe rakonte ki kalite lakey nou ti gagne kot zot e kouma zot ti abandonn bann idol pou servi vre Bondie vivan,

2 Tes 1:8

zot pou vini avek enn laflam dife, pou vanz kont bann ki pa konn Bondie e ki pa obeir Bonn Nouvel nou Segner Zezi Kris.

Eb 3:1

Alor mo bann frer, mo bann ser Kretien, zot ki partaz enn lapel sorti dan lesiel, konsider Zezi kouma enn apot e enn gran pret ki nou lafwa proklame.

2 Pi 1:2

Ki zot konesans Bondie ek nou Segner Zezi grandi, ki zot resevwar lagras ek lape anabondans.

2 Pi 1:3

Pwisans Bondie finn donn nou tou seki nou bizin pou viv enn lavi sin; li fer nou konn sa kikenn ki finn apel nou par so laglwar ek lafors so laksion.

2 Pi 1:8

Sa bann kalite la, si zot ena li anabondans, pou fer zot vinn aktif e progrese dan konesans nou Segner Zezi Kris.

1 Zn 1:2

Sa lavi la finn manifeste li, e nou finn tann li, nou finn trouv li e temwagn lor li; e nou anons zot lavi eternel ki ti avek nou Papa e ki finn manifeste ar nou.

1 Zn 1:3

Nou anons zot seki nou finn trouve ek tande pouki zot osi zot res ini avek nou, ki ini avek nou Papa e so Garson Zezi Kris.

1 Zn 2:23

Kikenn ki rezet Bondie Garson li pena Bondie Papa dan li. Tou dimoun ki aksepte Bondie Garson li ena osi Bondie Papa.

1 Zn 4:6

Nou, nou sorti kot Bondie. Dimoun ki konn Bondie ekout nou, e dimoun ki pa sorti kot Bondie, pa ekout nou. Koumsamem ki nou rekonet Lespri Bondie ki vre ek lespri dimal ki fos.

1 Zn 5:20

E nou kone ki Garson Bondie finn vini, li finn donn nou lintelizans pouki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.