Zn 17:23 - Nouvo Testaman dan Kreol Morisien

²³ Mwa dan zot, twa dan mwa pouki zot vinn enn sel. Lerla lemonn pou kone ki to finn avoy mwa, ki mo kontan zot kouma to kontan mwa.

Nouvo Testaman Kreol Morisien Harmonisation NTPS KM

²³ Mwa dan zot, twa dan mwa pou ki zot vinn enn sel. Lerla lemond pou kone ki to finn avoy mwa, ki mo kontan zot kouma to kontan mwa.

Zn 17:23 ပူးပေါင်းရင်းမြစ်များ

Zn 10:38

me si mo pe fer so travay, mem si zot pale krwar dan mwa, krwar omwin dan bann travay la. Rekonet mo Papa e konpran ki li dan mwa, e mwa, mo dan li.”

Zn 13:35

Si zot ena lamour pou zot kamarad, tou dimoun pou kone ki zot mo disip.”

Zn 14:10

Eski to pa krwar ki mo dan mo Papa e ki mo Papa dan mwa? Sa bann parol ki mo pe dir zot la, pa sorti dan mwa me mo Papa ki viv dan mwa, fer mwa dir sa.

Zn 14:23

Zezi reponn, “Si vremem kikenn kontan mwa, li pou met mo parol anpratik, mo Papa pou kontan li, nou pou vinn kot li e nou pou fer nou lakaz kot li.

Zn 15:9

Kouma mo Papa kontan mwa, mwa osi mo kontan zot. Res dan mo lamour.

Zn 16:27

Mo Papa bien kontan zot parski zot finn kontan mwa e zot finn krwar ki mo sorti kot Bondie.

Zn 17:11

Mo nepli dan lemonn alors ki zot ankor dan lemonn; mwa mo pe vinn kot twa. Bondie sin, mo Papa! Protez zot par pouvwar ki to finn donn mwa. Lerla zot pou vinn enn sel kouma nou.

Zn 17:21

Mo priye pouki zot tou vinn enn sel e ki zot res ar nou parey kouma twa Papa, to dan mwa e mwa mo dan twa. Lerla lemonn pou krwar ki to finn avoy mwa.

Zn 17:24

Papa, seki to finn konfie mwa, mo anvi ki la kot mo ete zot avek mwa; koumsa zot kontanp laglwar ki to finn donn mwa e zot pou kone ki to kontan mwa depi avan komansman kreasion.

Zn 17:26

Mo finn fer zot konn to nom e mo pe fer li ankor pouki lamour ki to ena pou mwa res dan zot, kouma mwa mo dan zot.”

Zn 17:3

Ki ete lavi eternel? Se dekouver ki tomem vre Bondie e ki Zezi Kris, limem ki to finn avoye.

Zn 17:8

Mo finn donn zot parol ki to finn konfie mwa, e zot finn resevwar li. Zot finn rekonet ki vremem mo finn sorti kot twa, e zot krwar ki to finn avoy mwa.

Zn 3:17

Parski Bondie pa finn avoy so Garson dan lemonn pou kondann lemonn me pouki so Garson sov lemonn.

Zn 6:56

Seki manz mo lekor e bwar mo disan, li res dan mwa e mwa dan li.

1 Ko 1:30

Limem lasours zot lavi dan Zezi Kris, ki finn vinn pou nou sazes ki sorti kot Bondie. Lekris rann nou drwat, li met nou apar pou Bondie, limem nou delivrans.

2 Ko 5:21

Lekris pa ti ena pese, me Bondie finn met nou pese lor li, pouki letan nou ini ansam ar li, nou rant dan enn lavi akseptab devan Bondie.

Ga 3:28

Li pa fer okenn diferans ki to enn Zwif ou enn Grek, esklav ou lib, zom ou fam, parski nou tou enn sel dan Zezi Kris.

Let pou Filipien 3:15

Nou, bann adilt dan lafwa, nou bizin ena mem preokipasion. Me si zot ena enn lot lopinion lor ninport ki size, Bondie pou ekler zot.

Let pou Kolosien 1:28

Limem ki nou pe anonse; nou pe inform sakenn, nou pe instrir sakenn ek tou lasazes, pou fer li grandi spiritielman dan so relasion avek Lekris.

Let pou Kolosien 2:2

Mo anvi zot leker pran kouraz e reyni dan lamour, pouki zot gagn rises, konpreansion ek enn konesans total mister Bondie: sa mister la se Lekris limem;

Let pou Kolosien 3:14

Pli inportan ki tou, viv dan lamour, samem ki fer linite dan larmoni.

1 Pi 5:10

Zot ena pou soufer ankor inpe letan. Bondie, ki lasours lagras, ki finn apel zot pou so laglwar eternel dan Zezi Kris, pou limem beni zot, donn zot lafors e ranz zot lexistans lor enn baz solid.

1 Zn 1:3

Nou anons zot seki nou finn trouve ek tande pouki zot osi zot res ini avek nou, ki ini avek nou Papa e so Garson Zezi Kris.

1 Zn 3:1

Zot trouve ki kantite Bondie Papa kontan nou. So lamour li telman gran pou nou ki li apel nou zanfan Bondie; e vremem, samem ki nou ete. Ala kifer lemonn pa konn nou, parski li pa finn konn Bondie.

1 Zn 4:19

Nou, nou kontan nou kamarad parski Bondie finn kontan nou anpremie.

Revelasion 3:9

Ala seki mo pou fer avek sa bann dimoun dan lasanble Satan, sa bann manter ki pretann zot Zwif kan zot pa sa ditou. Mo pou fors zot pou vinn azenou devan twa pou onor twa. Zot pou rekonet ki mo kontan twa.