Zn 17:1 - Nouvo Testaman dan Kreol Morisien

¹ Letan Zezi finn fini dir tousala, li lev so lizie, li get lesiel e li dir, “Papa, ler finn vini; glorifie to Garson, pouki to Garson glorifie twa.

Nouvo Testaman Kreol Morisien Harmonisation NTPS KM

¹ Letan Zezi finn fini dir tousala, li lev so lizie, li get lesiel e li dir, “Papa, ler finn vini; glorifie to Garson, pou ki to Garson glorifie twa.

Zn 17:1 ပူးပေါင်းရင်းမြစ်များ

Mk 14:41

Trwaziem fwa li revini, li dir zot, “Dormi asterla, repoz zot, tou saki ti bizin arive, inn arive. Ler finn vini pou Garson Limanite livre dan lame bann peser.

Lk 18:13

Me komi tax la, ti pe dibout net par deryer e li pa ti mem oze lev so lizie pou get lesiel. Li ti pe tap so lapwatrinn e li ti pe dir, ‘Bondie, pitie mwa parski mo enn peser!’

Lk 22:53

Toulezour mo ti avek zot dan tanp e zot pa finn trap mwa pou aret mwa. Me zot ler ek ler pwisans teneb finn vini.”

Zn 11:4

Me letan Zezi tann sa, li dir, “Sa maladi la pa pou donn lamor, me li pou montre laglwar Bondie e pou manifeste osi laglwar Garson Bondie.”

Zn 11:41

Lerla zot tir ros la. Zezi lev so lizie lao e li dir, “Papa, mo rann twa gras parski to finn ekout mwa.

Zn 12:23

Zezi reponn zot, “Ler inn arive pouki Garson Limanite glorifie.

Zn 13:1

Avan fet Pak, kan Zezi trouve ki so ler finn vini pou kit sa later la pou al rezwenn so Papa, kouma li ti kontan bann ki ti pe swiv li lor later, li kontign kontan zot ziska lafin.

Zn 16:32

Gete, ler pe vini, ler inn fini vini, kot zot pou disperse e kot sakenn pou retourn kot li. Zot pou les mwa tousel, me mo pa tousel parski mo Papa touzour avek mwa.

Zn 7:30

Bannla ti pe rod trap li me personn pa ti met lame lor li parski so ler pa ti ankor vini.

Zn 7:39

Ler li ti pe dir sa Zezi ti pe koz lor Lespri Sin pou bann krwayan ki ti pou resevwar li. Sa lepok la, Lespri pa ti ankor desann lor zot parski Zezi pa ti ankor glorifie.

Zn 8:20

Li ti pe dir sa bann parol la, devan lasal kot dimoun met larzan lofrand dan tron ki ti dan tanp; li ti pe ansegne dan tanp e personn pa ti aret li parski so ler pa ti ankor vini.

Zistwar Bann Zapot 3:13

Bondie Abraam, Bondie Izaak, ek Bondie Zakob, Bondie nou bann anset finn glorifie so serviter Zezi. Limem zot ti livre ek rezete alor ki Pilat ti anvi liber li.

1 Pi 1:21

Par li, zot krwar dan Bondie ki finn resisit li parmi bann mor e finn donn li laglwar pouki zot lafwa ek zot lesperans repoz dan Bondie.