Zn 10:5 - Nouvo Testaman dan Kreol Morisien

⁵ Zot pa pou swiv enn etranze; kan zot tann lavwa enn etranze zot sove parski zot pa konn lavwa lezot dimoun.”

Nouvo Testaman Kreol Morisien Harmonisation NTPS KM

⁵ Zot pa pou swiv enn etranze; kan zot tann lavwa enn etranze zot sove parski zot pa konn lavwa lezot dimounn.”

Zn 10:5 ပူးပေါင်းရင်းမြစ်များ

Mk 4:24

Li dir zot ankor, “Pran kont saki zot pe tande. Mezir ki zot servi pou lezot, samem mezir pou servi pou zot; e pou zot, li pou inpe plis.

Lk 8:18

Alor fer atansion manier ki zot ekoute parski seki ena pou gagn plis e seki pena, mem seki li krwar li ena, pou ras tou ar li.”

Zn 10:16

Mo ena lezot mouton ankor me zot pa dan sa park la ankor; mo bizin al rod zot osi e zot pou ekout mo lavwa. Lerla pou ena enn sel troupo ek enn sel berze.

Zn 10:4

Kan li finn amenn tou so mouton deor, li mars devan zot, bannla swiv li, parski zot konn so lavwa.

2 Tim 4:3

Ler pou arive kot dimoun pou nepli anvi ekout bon lansegnman. Zot pou prefer swiv zot dezir ek ekout bann predikater ki pou vinn met dan zot zorey seki zot anvi tande.

1 Zn 2:19

Sa bann zans la finn sorti kot nou me zot pa ti vremem ar nou, lakoz samem zot inn kit nou; parski si zot ti ar nou, zot ti pou res avek nou, me zot finn fer li kler ki personn parmi zot pa ar nou.

1 Zn 2:21

Mo pe ekrir zot, pa parski zot pa konn laverite, me parski zot bien konn li e zot kone osi ki okenn mansonz pa kapav sorti depi laverite.

Revelasion 2:2

Mo konn tou seki to finn fer, mo konn to lapenn, to pasians ek landirans. Mo kone ki to pa siport bann move dimoun. To finn teste bann ki deklar zot apot e to finn dekouver ki zot bann manter.