Zn 10:3 - Nouvo Testaman dan Kreol Morisien

³ Gardien park ouver laport pou li: bann mouton tann lavwa berze letan li kriy sakenn par so nom e li fer zot sorti.

Nouvo Testaman Kreol Morisien Harmonisation NTPS KM

³ Gardien park ouver laport pou li: bann mouton tann lavwa berze letan li kriy sakenn par so nom e li fer zot sorti.

Zn 10:3 ပူးပေါင်းရင်းမြစ်များ

Zn 10:14

Momem bon berze, mo konn mo brebi e mo brebi konn mwa.

Zn 10:16

Mo ena lezot mouton ankor me zot pa dan sa park la ankor; mo bizin al rod zot osi e zot pou ekout mo lavwa. Lerla pou ena enn sel troupo ek enn sel berze.

Zn 10:4

Kan li finn amenn tou so mouton deor, li mars devan zot, bannla swiv li, parski zot konn so lavwa.

Zn 10:9

Momem laport; seki pas par mwa, mo pou sov li, li pou kapav rantre sorti kouma li anvi e pou touzour ena patiraz pou li.

Zn 6:37

Tou dimoun ki mo Papa donn mwa pou vinn ar mwa; mo pa pou pous personn.

Zn 6:45

Dan liv profet finn ekrir, ‘Bondie pou ansegn tou dimoun.’ Tou seki ekoute ek aprann ar mo Papa, pou vinn ar mwa.

Let pou Romin 8:30

Sa bann ki Bondie ti swazire davans, li ti osi apel zot; bann ki li ti apele, li finn zistifie zot; bann ki li ti zistifie, li finn glorifie zot.

1 Ko 16:9

Laport finn ouver angran pou fer enn travay isi, mem si ena bann adverser.

Let pou Filipien 4:3

Mo pe osi dimann twa, mo partner, fidel pou ed sa bann fam la parski zot finn konbat ansam avek mwa pou propaz Bonn Nouvel parey kouma Kleman ek leres bann kolaborater finn fer. Zot nom finn ekrir dan liv lavi.

Let pou Kolosien 4:3

Kan zot priye, priye ousi pou nou: ki Bondie ouver enn laport pouki nou gagn lokazion anons mister Lekris; se pou sa ki mo dan prizon:

2 Tim 2:19

Me fondasion ki Bondie finn mete li solid. Finn ekrir lor la: Lesegner konn so dimoun. Tou dimoun ki priy Lesegner bizin evit lemal.

1 Pi 1:12

Bondie ti revel ar bann profet ki zot pa ti pe servi zot prop lintere, me ti pou zot ki li ti transmet sa mesaz ki ti finn deza anonse par pwisans Lespri Sin depi dan lesiel. Mem bann anz ti anvi konn sa mesaz la.

1 Zn 4:6

Nou, nou sorti kot Bondie. Dimoun ki konn Bondie ekout nou, e dimoun ki pa sorti kot Bondie, pa ekout nou. Koumsamem ki nou rekonet Lespri Bondie ki vre ek lespri dimal ki fos.

3 Zn 1:14

Mo espere trouv twa biento e nou va koz ansam fasafas.

Revelasion 20:15

Dimoun ki so nom pa ti ekrir dan liv lavi, ti zet li dan basin dife.

Revelasion 3:20

Ekoute, mo devan laport, mo pe tape, si kikenn tann mo lavwa e ouver laport, mo pou rant kot li e manz avek li, e li pou manz avek mwa.

Revelasion 7:17

Parski Annyo ki la omilie tronn, li pou zot berze e li pou gid zot kot lasours delo lavi e Bondie pou souy tou larm dan zot lizie.”