Zn 10:1 - Nouvo Testaman dan Kreol Morisien

¹ Zezi dir, “Vremem laverite mo dir zot, seki pa rant dan park mouton par laport me li sot miray, li enn voler, li enn bandi.

Nouvo Testaman Kreol Morisien Harmonisation NTPS KM

¹ Zezi dir, “Vremem laverite mo dir zot, seki pa rant dan park mouton par laport me li sot miray, li enn voler, li enn bandi.

Zn 10:1 ပူးပေါင်းရင်းမြစ်များ

Mt 7:15

Fer atansion bann fos profet ki vini kouma bann mouton me ki anverite zot bann loulou feros.

Zn 10:7

Alors Zezi dir zot ankor, “Vremem laverite mo dir zot, momem laport bann mouton.

Zn 3:3

Zezi reponn li, “Vremem, laverite mo dir zot, krwar mwa mo dir twa, si enn dimoun pa pran nesans depi lao, li pa kapav konn Rwayom Bondie.”

Let pou Romin 10:15

E kouma zot pou anons sa mesaz la, si pa anvway zot? Dapre seki finn ekrir, “Komie li zoli letan nou trouv bann mesaze ki anons bonn nouvel arive!”

Let pou Romin 16:18

Sa kalite dimoun la pa pe servi Lekris nou Segner, me zot prop vant. Par zot koze dimiel e zot diskour ki flate, zot tronp leker bann ki lespri inosan.

Let pou Tit 1:11

To bizin ferm zot labous. Sa bann dimoun la amenn boulversman dan bann fami ek zot pran kas.

Eb 5:4

Personn pa kapav pran sa bann loner gran pret la pou limem. Bondie ki finn apel li parey kouma li finn apel Aaron.

1 Pi 1:10

Bann profet finn fer resers lor sa delivrans la, e zot finn profetiz lor size lagras ki finn rezerve pou zot.

2 Pi 2:1

Me finn ena osi bann fos profet ki finn leve parmi lepep, parey kouma pou ena fos profeser parmi zot ki, dan kasiet pou donn fos lansegnman. Zot pou introdwir bann fos doktrinn destriktif e zot pou mem rezet Lemet ki finn sov zot. Akoz sa, zot pou al ver zot prop destriksion.

2 Pi 2:3

Akoz zot gourmandiz larzan, sa bann dimoun la pou explwat zot par bann koze malonet. Depi lontan, zizman finn fini pase lor zot e zot destriksion pa lwin.

1 Zn 4:1

Mo bann frer ek ser bieneme, pa met zot lafwa dan tou sort kalite lespri; teste zot pou gete si lespri la sorti kot Bondie parski ena boukou fos profet ki finn vinn dan lemonn.