Zistwar Bann Zapot 5:5 - Nouvo Testaman dan Kreol Morisien

⁵ Letan Ananias tann sa bann parol la, li tonbe, li mor sek. Enn gran lafreyer ti vinn lor tou seki ti tann sa.

Nouvo Testaman Kreol Morisien Harmonisation NTPS KM

⁵ Letan Ananias tann sa bann parol-la, li tonbe, li mor sek. Enn gran lafreyer ti vinn lor tou seki ti tann sa.

Zistwar Bann Zapot 5:5 ပူးပေါင်းရင်းမြစ်များ

Zistwar Bann Zapot 13:11

Get sa! Lame Lesegner kont twa. To pou vinn aveg e to pa pou trouv lalimier soley pandan enn bon bout letan.” Enn selkout Elimas trouv li dan marenwar, e li tourn partou-kote, pou gagn kikenn pou kondir li.

Zistwar Bann Zapot 2:43

Boukou mirak ek sign ti pe akonpli par bann apot, e tou dimoun ti inpresione.

Zistwar Bann Zapot 5:13

Leres dimoun pa ti oze zwenn ar zot, me lepep ti ena gran respe pou zot.

1 Ko 4:21

Ki zot prefere? Ki mo vinn kot zot ar rotin, oubien avek enn leker ranpli ar lamour ek douser?

2 Ko 13:10

Akoz sa mo ekrir tousala kouma mo lwin ar zot, pouki letan mo vini mo pa bizin pran bann aksion sever par lotorite ki Lesegner finn donn mwa pou edifie, e non pou detrir.

2 Ko 13:2

Mo ena enn avertisman pou donn seki finn pese dan lepase, e osi ar tou lezot; mo ti deza dir sa dan mo deziem vizit, me mo pe dir li ankor pandan mo labsans: prosenn fwa ki mo vinn kot zot, mo pa pou les personn sape.

2 Ko 7:11

Get enn kou rezilta tristes selon Bondie: wi, gete ki kalite bonn volonte zot ena, komie zot prese pou defann zotmem, ki indignasion zot ena, lafreyer osi, dezir pou retrouv mwa, zel ki zot ena, lanvi pou pini lemal. Zot finn prouve ki zot inosan dan sa zafer la.

Revelasion 11:13

Anmemtan ti ena enn gran tranblemandeter, e enn diziem lavil ti kraze net; set mil dimoun ti mor dan tranblemandeter. Bann sirvivan ti terifie e zot ti pe glorifie Bondie lesiel.

Revelasion 11:5

Si kikenn anvi fer zot ditor, dife pou sorti dan zot labous e devor zot ennmi; koumsamem tou seki anvi fer zot ditor pou mor.