Zistwar Bann Zapot 5:13 - Nouvo Testaman dan Kreol Morisien

¹³ Leres dimoun pa ti oze zwenn ar zot, me lepep ti ena gran respe pou zot.

Nouvo Testaman Kreol Morisien Harmonisation NTPS KM

¹³ Leres dimounn pa ti oze zwenn ar zot, me lepep ti ena gran respe pou zot.

Zistwar Bann Zapot 5:13 ပူးပေါင်းရင်းမြစ်များ

Lk 19:48

Me zot pa ti kone kouma pou fer sa, parski tou lepep ti pe ekout li avek boukou atansion.

Zn 12:42

Malgre sa, boukou responsab krwar dan li; me akoz bann Farizien, zot pa ti les dimoun kone, pou pa met zot deor dan sinagog.

Zn 19:38

Apre sa, Zozef ki sorti Arimate, demann Pilat si li kapav pran lekor Zezi. (Zozef finn swiv Zezi me san ki personn kone, parski li ti gagn per bann Zwif). Pilat donn li permision pran so lekor. Alors li ale e li pran lekor Zezi.

Zn 9:22

So bann fami inn reponn koumsa, parski zot ti per bann Zwif ki finn tom dakor pou met deor dan sinagog tou dimoun ki deklare ki Zezi Lemesi.

Zistwar Bann Zapot 19:17

Letan bann Zwif ek bann Grek ki ti res Efez tann sa, enn laper trap zot; lerla nom Lesegner Zezi ti glorifie.

Zistwar Bann Zapot 2:47

Zot ti loue Bondie e ti gagn lestim tou bann dimoun. Toulezour Lesegner ti pe sov dimoun ki li ti pe azout dan zot group.

Zistwar Bann Zapot 4:21

Bann manm konsey menas Pier ek Zan ankor; lerla ti les zot ale. Pa ti ena okenn mwayin pou pini zot, parski lepep ti pe loue Bondie pou seki finn arive.

Zistwar Bann Zapot 5:26

Lerla sef la ek so bann solda ti al sers bann apot san okenn violans, parski zot ti per ki lepep lapid zot.

Zistwar Bann Zapot 5:5

Letan Ananias tann sa bann parol la, li tonbe, li mor sek. Enn gran lafreyer ti vinn lor tou seki ti tann sa.

2 Ko 10:15

Nou pa al andeor limit pou deklar travay ki lezot finn fer. Okontrer, nou espere ki zot lafwa pou ogmante e ki nou pou kapav akonplir enn travay pli gran ankor, me touzour dan limit ki Bondie finn fixe.