Zistwar Bann Zapot 16:1 - Nouvo Testaman dan Kreol Morisien

¹ Pol ti ariv Derb ek List akot ti ena enn disip ki apel Timote. So mama ti enn Zwiv e ti enn krwayan osi. So papa ti enn Grek.

Nouvo Testaman Kreol Morisien Harmonisation NTPS KM

¹ Pol ti ariv Derb ek List akot ti ena enn disip ki apel Timote. So mama ti enn Zwiv e ti enn krwayan osi. So papa ti enn Grek.

Zistwar Bann Zapot 16:1 ပူးပေါင်းရင်းမြစ်များ

Zistwar Bann Zapot 14:1

Dan Ikoniem, zot rant ansam dan enn sinagog Zwif. Zot ti koz telman bien ki enn gran group Zwif ek Grek ti vinn krwayan.

Zistwar Bann Zapot 14:21

Pol ek Barnabas ti pres laparol dan Derb e zot ti fer boukou disip laba. Apre sa zot retourn List, Ikoniem ek Antios.

Zistwar Bann Zapot 14:6

letan zot dekouver sa, zot ti sove al List ek Derb, bann site Likaoni, ek dan bann landrwa pre laba.

Zistwar Bann Zapot 17:14

Toutswit bann frer fer Pol kontign so larout pou al lor lakot. Me Silas ek Timote ti res laba.

Zistwar Bann Zapot 18:5

Kan Silas ek Timote ti vinn depi Masedwann, Pol ti devoue tou so letan zis pou pres laparol ek dir bann Zwif ki Zezi limem Lemesi.

Zistwar Bann Zapot 19:22

Pandan ki Pol ti res ankor inpe letan Lazi, li ti avoy Timote ek Erast, de parmi bann ki ti travay ar li, pou al Masedwann.

Let pou Romin 16:21

Timote, ki travay ansam ar mwa, avoy zot so salitasion; Lisyis osi, ansam ar Zason e Sosipater, mo bann fami.

1 Ko 16:10

Si Timote vini, fer enn manier ki li pena okenn freyer, parski li pe travay parey kouma mwa dan travay Lesegner.

1 Ko 4:17

Pou sa rezon la ki mo pe avoy Timote kot zot. Mo kontan li kouma mo garson, e li fidel dan Lesegner. Li pou rapel zot bann prinsip ki diriz mo lavi dan Lekris. Li parey kouma seki mo ansegne partou, dan tou legliz.

1 Ko 7:14

Parski enn mari non-krwayan li sanktifie par so fam e enn fam non-krwayan li sanktifie par so mari. Sinon zot zanfan ti pou inpir, tandi ki la, zot pre ar Bondie.

2 Ko 1:1

Mwa Pol, enn apot Zezi Kris par volonte Bondie, ek Timote nou frer, Mo pe ekrir zot, legliz ki dan Korint, ek tou bann krwayan ki partou dan Akai:

2 Ko 1:19

Zezi Kris, Garson Bondie, ki nou - momem, Silas ek Timote - nou finn anonse parmi zot, li pa finn dans-danse ant “Wi” ek “Non”; okontrer li toultan “Wi.”

Let pou Filipien 1:1

Mwa Pol ek Timote, serviter Zezi Kris. Nou pe ekrir tou bann pep Bondie dan Filip, zot bann dirizan ek bann diak.

Let pou Filipien 2:19

Mo souete avoy zot Timote biento; li pou enn lankourazman pou mwa pou resevwar zot nouvel.

Let pou Kolosien 1:1

Mwa Pol, apot Zezi Kris par volonte Bondie, ek frer Timote.

1 Tes 1:1

Mwa Pol, ansam avek Silas ek Timote, nou pe ekrir legliz pep Bondie Papa ek Segner Zezi Kris, dan Tesalonik. Ki lagras ek lape res ar zot.

1 Tes 3:2

e nou finn avoy nou frer Timote, kolaborater Bondie pou anons Bonn Nouvel Zezi Kris, pou ankouraz zot pou tini ferm dan zot lafwa,

1 Tes 3:6

Me Timote fek retourne depi kot zot avek bann bon nouvel lor zot lafwa ek zot lamour. Li finn dir nou osi ki zot pe touzour pans nou e pe anvi retrouv nou parey kouma nou osi nou anvi retrouv zot.

2 Tes 1:1

Pol, Silvin ek Timote pe ekrir legliz Bondie Papa ek Lesegner Zezi Kris dan Tesalonik:

1 Tim 1:18

Timote, mo garson, kan mo pe fer tou sa bann rekomandasion la, mo mazinn bann profesi ki konsern twa. Pran sa parol la kouma enn gid dan sa gran komba ki to ena pou amene la.

1 Tim 1:2

mo pe adres twa sa let la Timote, twa mo zanfan seri dan lafwa; mo demann Bondie Papa ek Zezi Kris nou Segner akord twa so lagras, so pardon ek so lape.

2 Tim 1:2

Pou twa Timote, mo zanfan bieneme, Bondie Papa ek Zezi Kris nou Segner donn twa gras, mizerikord ek lape.

2 Tim 1:5

Mo touzour rapel lafwa sinser ki dan to leker. Samem lafwa ki to finn resevwar depi to gramer Lois ek to mama Enis.

2 Tim 3:11

dan persekision ek dan soufrans ki mo finn viv dan landrwa kouma Antios, Ikoniem, List. Ki mo napa finn sibir? E partou Lesegner finn delivre mwa.

Let pou Filemon 1:1

Mwa Pol, ki dan kaso akoz travay mo finn fer pou Zezi Kris, ansam avek Timote nou frer, Mo pe ekrir twa Filemon, nou kamarad travayer bieneme,

Eb 13:23

Mo anvi fer zot kone ki nou frer Timote finn sorti dan prizon. Si li pa tarde pou vini, mo pou kapav amenn li avek mwa kan mo vinn get zot.