Revelasion 8:1 - Nouvo Testaman dan Kreol Morisien

¹ Letan Annyo ouver setiem sele, ti ena silans dan lesiel pou apepre enn demi-er.

Nouvo Testaman Kreol Morisien Harmonisation NTPS KM

¹ Letan Agno ouver setiem sele, ti ena silans dan lesiel pou apepre enn demi-er.

Revelasion 8:1 ပူးပေါင်းရင်းမြစ်များ

Mt 27:66

Lerla zot sorti e zot al met zot gard devan tonbo; zot met sele lor ros ki ti blok lantre tonbo.

Revelasion 5:1

Dan lame drwat sa kikenn ki ti pe asiz lor tronn la, mo ti trouv enn liv dan form enn roulo lor ki ti finn ekrir de kote; li ti ferme avek set sele.

Revelasion 5:9

Zot sant enn nouvo kantik: “To merit pran liv la e kas so bann sele parski zot finn touy twa, e avek to disan, to finn raste pou Bondie, dimoun tousort tribi, langaz, pei ek nasion.

Revelasion 6:1

Lerla mo ti trouv Annyo ouver enn sa set sele la, e mo tann enn parmi sa kat kreatir vivan la kriye ar lavwa loraz, “Vini”.

Revelasion 6:12

Ler li ti ouver siziem sele, mo gete e ti ena enn gran tranblemandeter; soley ti vinn nwar koumadir linz dey, e laplenn linn ti vinn kouma disan.

Revelasion 6:3

Ler li ouver deziem sele, mo tann deziem kreatir vivan kriye, “Vini!”

Revelasion 6:5

Ler li ti ouver trwaziem sele, mo tann trwaziem kreatir vivan kriye, “Vini!” Mo gete e mo trouv enn seval nwar; dimoun ki ti mont li la ena enn balans dan so lame.

Revelasion 6:7

Ler li ouver katriem sele, mo tann katriem kreatir vivan kriye, “Vini!”

Revelasion 6:9

Ler li ti ouver sinkiem sele, mo trouv anba lotel, nam bann ki ti finn masakre akoz parol Bondie ek temwagnaz ki zot ti finn done.