Revelasion 5:6 - Nouvo Testaman dan Kreol Morisien

⁶ Lerla mo trouv enn Annyo pe diboute ant tronn ek kat kreatir vivan. Li ti parmi bann ansien koumadir finn sakrifie li. Li ti ena set korn ek set lizie, set lespri Bondie ki ti finn anvwaye partou lor later.

Nouvo Testaman Kreol Morisien Harmonisation NTPS KM

⁶ Lerla mo trouv enn Agno pe deboute ant tronn ek kat kreatir vivan la. Li ti parmi bann ansien, koumadir finn sakrifie li. Li ti ena set korn ek set lizie, ki ti set lespri Bondie ki ti finn anvwaye partou lor later.

Revelasion 5:6 ပူးပေါင်းရင်းမြစ်များ

Lk 1:69

Pou nou, li finn lev enn Sover pwisan ki enn desandan David, so garson;

Zn 1:29

Landime, Zan trouv Zezi pe vini e li dir, “Get Annyo Bondie ki tir pese lemonn;

Zn 1:36

So regar swiv Zezi ki pe pase; li dir, “Get Annyo Bondie.”

Zistwar Bann Zapot 8:32

Ala pasaz Lekritir ki li ti pe lir: “Parey kouma enn mouton ki zot pe amenn labatwar kouma enn annyo bien trankil devan bann ki pe koup so lalenn, li pa ouver so labous.

Revelasion 1:4

Ala mesaz ki Zan pe avoy set legliz dan provins Lazi: Lagras ek lape Bondie ki la, ki ti existe e ki pou vini; mesaz sorti osi kot sa set lespri devan tronn,

Revelasion 12:11

Me zot, zot finn gagn batay par disan Annyo Bondie e par parol zot temwagnaz, parski zot pa ti telman atase ar zot lavi pou zot refiz lamor.

Revelasion 13:8

Tou bann abitan later pou ador li, bann abitan ki zot nom pa finn inskrir depi avan kreasion lemonn dan liv lavi ki pou Annyo ki finn sakrifie.

Revelasion 14:1

Apre sa mo gete e mo trouv Annyo pe dibout lor montagn Sion. Avek li ti ena san karann-kat mil dimoun, e lor zot fron ti finn ekrir so nom ek nom so Papa.

Revelasion 17:14

Zot pou konbat kont Annyo me Annyo pou bat zot parski limem Segner tou bann segner ek Lerwa tou bann lerwa. Avek li, bann ki Bondie finn apele ek swazire, bann fidel, pou osi vinker.”

Revelasion 21:22

E mo pa ti trouv okenn tanp dan lavil parski tanp lavil ti Segner Bondie Toupwisan ek Annyo.

Revelasion 21:23

Lavil la pa ti bizin soley ouswa lalinn pou ekler li. Laglwar Bondie so lalimier e Annyo Bondie so flanbo.

Revelasion 22:1

Apre sa li montre mwa enn larivier delo lavi kler kouma kristal, ki pe desann depi kot tronn Bondie ek tronn Annyo.

Revelasion 22:3

Pa pou ena malediksion ankor. Tronn Bondie ek tronn Annyo, zot pou dan lavil e so bann serviter pou ador li.

Revelasion 4:8

Sakenn sa kat kreatir vivan la ti ena sis lezel ranpli ar lizie andan ek otour li. Lanwit lizour, zot zame aret sante: “Sin, sin, sin limem Lesegner Bondie Toupwisan ki ti existe, ankor pe existe ek ki pe vini.”

Revelasion 5:11

Mo ti get ankor e mo ti tann lavwa enn kantite anz otour tronn e otour bann kreatir vivan e bann ansien. Zot ti la par milie e par milion.

Revelasion 5:12

Zot ti pe dir bien for. “Annyo imole to dign pou resevwar pouvwar, rises, lasazes ek lafors, loner, laglwar ek louanz!”

Revelasion 5:13

Mo tann osi bann kreatir dan lesiel ek lor later, anba later ek dan lamer, kreatir liniver antie pe sante: “Pou sa kikenn ki pe asiz lor tronn e pou Annyo la louanz, loner, laglwar, ek pwisans, pou touzour ek touzour!”

Revelasion 5:14

Sa kat kreatir vivan la ti dir, “Amen!” Lerla bann ansien tom azenou pou adore.

Revelasion 6:16

Zot dir ar montagn ek ros, “Tom lor nou, kasiet nou lwin ar sa dimoun ki pe asiz lor tronn la, e lwin ar lakoler Annyo.