Revelasion 4:4 - Nouvo Testaman dan Kreol Morisien

⁴ Otour tronn la ena vennkat tronn avek vennkat ansien ki asize lor la. Zot ti finn abiye an blan e zot ti ena enn kouronn an-or lor zot latet.

Nouvo Testaman Kreol Morisien Harmonisation NTPS KM

⁴ Otour tronn-la ena vennkat tronn avek vennkat ansien ki asize lor la. Zot ti finn abiye an blan e zot ti ena enn kouronn an-or lor zot latet.

Revelasion 4:4 ပူးပေါင်းရင်းမြစ်များ

Mt 19:28

Zezi dir zot, “Laverite mo dir zot, dan sa nouvo lemonn la, kan Garson Limanite pou asiz lor so tronn dan laglwar, zot ki finn swiv mwa, zot osi zot pou asiz lor douz tronn pou ziz douz tribi Izrael.

Lk 22:30

pouki zot manze ek bwar lor mem latab ar mwa dan mo Rwayom e ki zot siez lor tronn pou ziz douz tribi Izrael.”

2 Tim 4:8

Asterla, finn ler pou mo gagn kouronn lazistis ki Lesegner, sel bon ziz, pou donn mwa zour zizman. Pa mo tousel, me tou seki finn atann so zour dan lamour.

Revelasion 11:16

Lerla sa vennkat ansien ki ti lor zot tronn devan Bondie, tom ater devan li, figir kont later e zot ador li.

Revelasion 14:3

Zot ti pe sant enn kantik nouvo devan tronn e devan sa kat kreatir e bann ansien. Personn pa ti kapav aprann sa kantik la exsepte sa san karann-kat mil ki ti finn sove la.

Revelasion 19:14

E bann larme lesiel abiye an lin fin ek pir, kouler blan ti pe swiv li lor bann seval blan.

Revelasion 19:4

Sa vennkat ansien ek kat kreatir vivan tom azenou pou ador Bondie ki pe asiz lor tronn, zot dir; “Amen Alelouya!”

Revelasion 2:10

Pa per si zot pou bizin soufer. Diab pou bon tant zot e pou met plizir parmi zot dan prizon pou dis zour. Res touzour fidel ziska lamor e mo pou rekonpans zot.

Revelasion 20:4

Lerla mo trouv bann tronn, e bann ki ti pe asiz lor sa bann tronn la ti ena lotorite pou zize. Mo ti trouv osi nam bann dimoun ki zot latet ti koupe akoz zot temwagnaz lor Zezi ek parol Bondie. Zot pa ti ador Bebet ni so zimaz e zot pa ti resevwar so mark lor zot fron ou zot lame. Zot ti regagn lavi e zot ti regne avek Kris pandan mil an.

Revelasion 3:18

Alor mo konsey twa aste lor ar mwa, lor ki finn rafine dan dife, pouki to kapav vinn ris. To kapav osi aste linz blan pou kouver twa; to nepli pou ena laont akoz to touni. Aste osi enn remed pou to lizie, to pou trouv kler.

Revelasion 4:10

Vennkat ansien la prostern devan li, zot ador li e zot zet zot kouronn devan li, zot sante

Revelasion 4:6

Devan tronn la ti ena koumadir enn lamer transparan parey kouma kristal. Omilie ek otour tronn la ti ena kat kreatir vivan avek boukou lizie devan ek deryer.

Revelasion 5:11

Mo ti get ankor e mo ti tann lavwa enn kantite anz otour tronn e otour bann kreatir vivan e bann ansien. Zot ti la par milie e par milion.

Revelasion 5:14

Sa kat kreatir vivan la ti dir, “Amen!” Lerla bann ansien tom azenou pou adore.

Revelasion 5:6

Lerla mo trouv enn Annyo pe diboute ant tronn ek kat kreatir vivan. Li ti parmi bann ansien koumadir finn sakrifie li. Li ti ena set korn ek set lizie, set lespri Bondie ki ti finn anvwaye partou lor later.

Revelasion 5:8

Ler ki fini resevwar roulo la, sa kat kreatir vivan ek sa vennkat ansien la prostern devan Annyo la; sakenn ti ena enn laarp ek enn bann koup dore ranpli ar parfin ki ti reprezant lapriyer bann krwayan.

Revelasion 6:11

Alor sakenn ti gagn enn rob blan e ti dimann zot pou pran ankor pasians ziska ki konplet lalis zot bann kamarad serviter ki pou perdi lavi kouma zot.

Revelasion 7:11

E tou bann anz ki ti rasanble otour tronn, otour bann ansien ek sa kat kreatir vivan la, zot tom azenou devan tronn, zot figir kont later, e zot ador Bondie.

Revelasion 7:9

Apre sa mo gete e mo trouv enn gran lafoul ki personn pa kapav konte. Tousa ti bann dimoun ki ti sorti dan bann nasion, tou bann tribi, bann pep ek langaz e zot ti pe debout devan tronn ek devan Annyo dan zot rob blan avek enn brans palmis dan zot lame.

Revelasion 9:7

Bann sotrel ti parey kouma bann seval bien ekipe pou konba; lor zot latet ti ena koumadir dis kouronn an-or e zot figir ti parey kouma figir dimoun.