Revelasion 22:9 - Nouvo Testaman dan Kreol Morisien

⁹ Me li dir mwa, “Fode pa ki to fer sa, mo enn serviter parey kouma twa, parey kouma to bann frer profet ek tou lezot ki gard parol sa liv la. Bondie ki to bizin adore.”

Nouvo Testaman Kreol Morisien Harmonisation NTPS KM

⁹ Me li dir mwa, “Fode pa ki to fer sa, mo enn serviter parey kouma twa, parey kouma to bann frer profet ek tou lezot ki gard parol sa liv-la. Bondie ki to bizin adore.”

Revelasion 22:9 ပူးပေါင်းရင်းမြစ်များ

Mt 4:9

e li dir li, “Mo pou donn twa tousala, si to tom azenou pou ador mwa.”

Lk 4:7

Si to prostern twa devan mwa, tousala pou vinn pou twa.”

1 Zn 5:20

E nou kone ki Garson Bondie finn vini, li finn donn nou lintelizans pouki nou konn vre Bondie. Nou res ini avek vre Bondie, ini avek so Garson Zezi Kris. Limem vre Bondie e lavi eternel.

Revelasion 1:1

Revelasion Zezi Kris, ki Bondie finn done pou montre so bann serviter seki pou arive biento. Pou fer konn so mesaz, li finn avoy so anz kot so serviter Zan.

Revelasion 1:11

Li ti pe dir, “Ekrir dan enn liv seki to pe trouve e avoy liv la kot sa set legliz dan Efez, Smirn, Pergam, Tiatir, Sard, Filadelfi ek Laodise.”

Revelasion 14:7

Li ti dir avek enn lavwa bien for, “Soumet zot ar Bondie e donn li laglwar, letan zizman pe arive. Ador Kreater lesiel ek later, lamer ek lasours dilo dou.”

Revelasion 15:4

Segner, kisannla pou oze mank twa respe, e refiz glorifie to nom? Parski to tousel ki sin, tou bann nasion pou vinn kot twa pou ador twa, parski to finn montre ki to ziz avek drwatir.”

Revelasion 19:10

Alor mo tom azenou pou ador li, me li dir mwa, “To pa fer sa! Mo enn koleg serviter avek twa ek to bann kamarad, bann temwin fidel Zezi. Bondie ki to bizin adore parski temwagnaz Zezi samem lespri ki inspir bann profet.”

Revelasion 22:10

Lerla li dir mwa, “Pa gard sekre bann parol profet ki trouv dan liv la, parski letan pe aprose.

Revelasion 22:18

Mo pe averti zot tou ki tann parol profetik sa liv la: si kikenn azout kiksoz dan sa liv la, Bondie pou azout dan so lavi mem kantite fleo ki ena dan sa liv la.

Revelasion 22:7

Ala, mo pe vini biento. Bienere dimoun ki gard parol profet ki trouv dan sa liv la.”

Revelasion 4:10

Vennkat ansien la prostern devan li, zot ador li e zot zet zot kouronn devan li, zot sante

Revelasion 9:20

E sa parti limanite ki ti reste, zot pa ti mor par sa bann fleo la; zot pa ti repanti e regret bann travay ki zot ti pe fer ar zot laenn e zot ti kontigne ador diab ek bann idol an-or, an-arzan, an bronz, an ros ek an dibwa ki pa kapav ni trouve, ni tande, ni marse.