Revelasion 21:2 - Nouvo Testaman dan Kreol Morisien

² E mo ti trouv lavil sin, nouvo Zerizalem, sorti kot Bondie e desann depi lesiel. Li ti bien abiye parey kouma nouvel-marye pe atann so bieneme.

Nouvo Testaman Kreol Morisien Harmonisation NTPS KM

² E mo ti trouv lavil sin, nouvo Zerizalem, sorti kot Bondie e desann depi lesiel. Li ti bien abiye parey kouma nouvel-marye pe atann so bieneme.

Revelasion 21:2 ပူးပေါင်းရင်းမြစ်များ

Zn 3:29

Nouvo marye, limem ki ena lamarye; kamarad nouvo marye nek zis debout pre ar li e ekout li; kamarad la dan lazwa letan li tann lavwa nouvo marye. Akoz samem aster, mo lazwa li bien-bien gran.

2 Ko 11:2

Mo ena zalouzi pou zot, otan ki Bondie ena. Mo ti finn promet pou marye zot ar enn sel mari, Lekris, e mo dezir prezant zot ar li kouma enn zennfi vierz.

Eb 11:10

Abraam ti pe atann sa lavil avek enn fondasion solid la, ki Bondie limem arsitek e konstrikter.

Eb 11:16

Me anrealite, zot ti anvi enn pei pli meyer, setadir, enn pei dan lesiel mem. Akoz samem Bondie pa onte ki zot apel li zot Bondie; parski li finn prepar enn lavil pou zot.

Eb 12:22

Me zot, zot finn apros montagn Sion, lavil Bondie vivan, zot finn apros Zerizalem ki dan lesiel, kot enn lafoul anz pe fete.

Eb 13:14

Nou pena enn lavil permanan isi lor later; me nou pe atann sa lavil ki pe vini la.

Revelasion 1:1

Revelasion Zezi Kris, ki Bondie finn done pou montre so bann serviter seki pou arive biento. Pou fer konn so mesaz, li finn avoy so anz kot so serviter Zan.

Revelasion 1:4

Ala mesaz ki Zan pe avoy set legliz dan provins Lazi: Lagras ek lape Bondie ki la, ki ti existe e ki pou vini; mesaz sorti osi kot sa set lespri devan tronn,

Revelasion 1:9

Mwa, zot frer Zan, ansam ar Zezi mo partaz zot soufrans e rwayote, pasians ek landirans. Mo retrouv mwa lor lil Patmos akoz parol Bondie ek temwagnaz Zezi.

Revelasion 11:2

Me pa bizin mizir lakour andeor tanp; kit sa parti la parski ki finn donn li bann nasion ki pou kraz sa lavil sin la pandan karann-de-zan.

Revelasion 21:10

Lerla, Lespri Bondie vinn dan mwa e li sarye mwa lor enn montagn bien ot, e li montre mwa lavil sin Zerizalem ki sorti kot Bondie pe desann depi lesiel.

Revelasion 21:9

Apre sa, enn parmi sa set anz ki ti ena set koup ranpli ar set dernie fleo, vini e li dir mwa, “Vini, mo pou montre twa fianse la, limem ki pou marye avek Annyo.”

Revelasion 22:17

Lespri ek nouvel marye dir, “Vini!” Dimoun ki tann sa, zot osi dir, “Vini!” Dimoun ki swaf bizin vini, dimoun ki anvi pran delo lavi, pran li gratis.

Revelasion 22:19

E si kikenn retir kiksoz dan sa bann parol profetik la, Bondie pou retir so bout dan pie lavi e dan lavil sin ki finn dekrir dan sa liv la.

Revelasion 3:12

Dimoun ki gagn laviktwar, mo pou fer li vinn enn kolonn dan tanp mo Bondie e zame li pa pou kapav kit tanp la. Mo pou ekrir lor li nom mo Bondie, nom lavil Bondie, nouvo Zerizalem ki desann depi kot Bondie dan lesiel ek mo nouvo nom.