Revelasion 20:3 - Nouvo Testaman dan Kreol Morisien

³ Li zet dragon la dan pwi-san-fon, li ferm li akle, met sele, pouki li pa sedwir bann pep ankor ziska lafin sa mil an la. Apre sa, zot pou bizin larg li pou enn tigit letan.

Nouvo Testaman Kreol Morisien Harmonisation NTPS KM

³ Li zet dragon-la dan pwi-san-fon, li ferm li akle, met sele, pou ki li pa sedwir bann pep ankor ziska lafin sa mil an-la. Apre sa, zot pou bizin larg li pou enn tigit letan.

Revelasion 20:3 ပူးပေါင်းရင်းမြစ်များ

Mt 24:24

Parski bann fos mesi ek fos profet pou vini; zot pou fer bann gran-gran sign ek mirak pou tronp mem bann ki Bondie finn swazir.

Mt 27:66

Lerla zot sorti e zot al met zot gard devan tonbo; zot met sele lor ros ki ti blok lantre tonbo.

Mk 4:15

Lagrin ki tom dan bor sime, savedir bann dimoun ki tann parol Bondie. Kouma zot tande, Satan vini, aras parol ki finn seme dan zot.

Lk 8:31

Zot sipliy Zezi pouki li pa avoy zot dan pwi-san-fon.

2 Ko 11:3

Mo bien per ki zot panse pou gate, parey kouma Ev ti les li egare par riz serpan, e ki sa antrenn zot lwin e zot perdi zot devosion sinp pou Lekris.

2 Pi 3:8

Me, mo bann bieneme, fode pa ki zot bliye ki pou Lesegner, enn zour li parey kouma mil an, e mil an li parey kouma enn sel zour.

Revelasion 12:9

Sa gro dragon la ti perdi so plas. Sa vie serpan ki zot ti apel diab, ou Satan, sedikter lemonn, li avek so bann anz ti perdi zot plas dan lesiel.

Revelasion 13:14

Li ti sedwir bann abitan later par pouvwar ki ti finn donn li pou fer mirak devan lot bebet la. Li ti dimann bann abitan fer enn zimaz sa bebet ki ti finn blese ar lepe, e ki ti ankor pe viv.

Revelasion 17:2

Bann lerwa later finn fer prostitision ar li e tou bann abitan later finn soule avek divin so imoralite.”

Revelasion 17:8

Bebet ki to ti trouve, li ti existe me zordi li nepli la. Li pou remonte, depi pwi-san-fon pou al ver so destriksion. Bann abitan later ki zot nom pa finn ekrir dan liv lavi depi kreasion lemonn, pou etone kan zot pou trouv bebet la, parski li ti existe, li nepli existe me li pou revini.

Revelasion 20:1

Lerla mo trouv enn anz vini ki sorti dan lesiel. Dan so lame ena lakle pwi-san-fon ek enn gro lasenn lour.