Revelasion 2:9 - Nouvo Testaman dan Kreol Morisien

⁹ Mo konn to leprev ek to lamizer, me anrealite to ris! Mo konn bann dimal ki zot dir lor twa. Zot fer krwar, zot Zwif, me pa ditou, zot plito enn sinagog Satan.

Nouvo Testaman Kreol Morisien Harmonisation NTPS KM

⁹ Mo konn to leprev ek to lamizer, me an realite to ris! Mo konn bann dimal ki zot dir lor twa. Zot fer krwar, zot Zwif, me pa ditou, zot plito enn sinagog Satan.

Revelasion 2:9 ပူးပေါင်းရင်းမြစ်များ

Mt 4:10

Zezi reponn, “Sorti la ale Satan, parski finn ekrir: ‘To pou ador Lesegner to Bondie, li tousel to bizin servi.’ ”

Lk 12:21

Ala seki pou ariv dimoun ki ramas dibien zis pou li, me ki pa ramas rises kot Bondie.”

Lk 22:65

Zot ti pe zour li tousort kalite.

Lk 4:18

“Lespri Lesegner lor mwa, parski Li finn konsakre mwa par lonksion pou anons bann pov Bonn Nouvel. Li finn avoy mwa proklam delivrans bann seki an kaptivite, pouki bann aveg trouv kler, pouki bann oprime retrouv zot liberte,

Lk 6:20

Apre sa Zezi get so bann disip e li dir, “Bienere zot ki bann pov, Rwayom Bondie pou zot.

Zn 16:33

Mo finn dir zot tousala pou zot gagn lape an mwa. Lemonn pou fer zot soufer; me gard kouraz, mo finn sorti vinker lor lemonn.”

Zistwar Bann Zapot 14:22

Zot ti fortifie ek ankouraz bann disip pou res ferm dan lafwa. Zot dir, “Nou bizin pas par boukou difikilte pou nou kapav rant dan Rwayom Bondie.”

Zistwar Bann Zapot 26:11

Souvan mo finn al enn sinagog apre lot pou fer zot sibir pinision ek fer zot renie zot lafwa. Ek dan mo laraz kont zot, mo finn persekit zot ziska dan bann lavil etranze.

Let pou Romin 12:12

Montre lazwa dan lesperans, montre pasians dan ladetres, priye avek fidelite.

Let pou Romin 2:17

Me si twa, ki dir to enn Zwif, ki met tou to konfians dan lalwa Moiz, ki fier lor to relasion ar Bondie,

Let pou Romin 5:3

Pa selma sa, nou met nou fierte dan nou soufrans, parski nou kone ki lasoufrans li amenn perseverans,

Let pou Romin 8:35

Ki sannla kapav separ nou ar lamour Lekris? Eski lasoufrans kapav fer sa, oubien langwas, persekision, faminn, lamizer, danze, oubien lamor?

Let pou Romin 9:6

Sa pa vedir ki parol Bondie pa finn reysi; parski, pa tou desandan Izrael ki vre Izraelit.

2 Ko 6:10

mem dan sagrin nou toultan zwaye; nou pov, me nou anrisi boukou dimoun; li paret ki nou pena nanye, me anverite nou posed tou kiksoz!

2 Ko 8:2

Zot finn pas par bann eprev bien sever, me zot lazwa telman gran ki, mem dan zot lavi pov, zot finn montre enn gran zenerozite.

2 Ko 8:9

Zot konn lagras Zezi Kris, mem si li ti ris, li finn fer li pov pou zot, pouki par so povrete zot kapav vinn ris.

1 Tes 3:4

Letan nou ti ankor kot zot, nou ti prevenir zot ki nou pou gagn persekite. Kouma zot kone, samem ki finn arive.

1 Tim 1:13

Malgre mo ti pe blasfeme, mo ti enn persekiter e mo ti fer violans, zordi, Bondie finn pardonn mwa. Akoz mo lignorans, mo finn azir san lafwa.

1 Tim 6:18

Rekomann zot fer lebien. Zot bizin ris ar bonaksion, fer bann don ek partaze.

Revelasion 1:9

Mwa, zot frer Zan, ansam ar Zezi mo partaz zot soufrans e rwayote, pasians ek landirans. Mo retrouv mwa lor lil Patmos akoz parol Bondie ek temwagnaz Zezi.

Revelasion 2:13

Mo kone kot to abite; la akot tronn Satan ete. Me to finn tini ferm ar mwa e to pa finn renie to lafwa, mem dan letan Antipas mo temwin fidel ki ti trouv lamor kot zot, la akot Satan abite.

Revelasion 2:2

Mo konn tou seki to finn fer, mo konn to lapenn, to pasians ek landirans. Mo kone ki to pa siport bann move dimoun. To finn teste bann ki deklar zot apot e to finn dekouver ki zot bann manter.

Revelasion 2:24

Me pou leres dimoun dan Tiatir ki pa finn atas zot ar sa bann fos doktrinn la, e ki pa finn aprann swadizan profonder lansegnman Satan, mo dir sa bann dimoun la ki mo pa pou met lor zot okenn lezot fardo,

Revelasion 3:9

Ala seki mo pou fer avek sa bann dimoun dan lasanble Satan, sa bann manter ki pretann zot Zwif kan zot pa sa ditou. Mo pou fors zot pou vinn azenou devan twa pou onor twa. Zot pou rekonet ki mo kontan twa.

Revelasion 7:14

Mo dir li, “Mo Segner, tomem to kone.” Lerla li dir mwa, “Sa bann la, zot finn travers dan enn gran persekision, zot finn lav zot rob e finn fer zot vinn blan dan disan Annyo.