Revelasion 2:5 - Nouvo Testaman dan Kreol Morisien

⁵ Rapel bien kot to finn sorti pou tom la, sanz to konportman e azir parey kouma to ti abitie fer dan komansman. Si to pa sanz twa, mo pou vinn tir to sandelie dan so plas.

Nouvo Testaman Kreol Morisien Harmonisation NTPS KM

⁵ Rapel bien kot to finn sorti pou tom la, sanz to konportman e azir parey kouma to ti abitie fer dan koumansman. Si to pa sanz twa, mo pou vinn tir to sandelie dan so plas.

Revelasion 2:5 ပူးပေါင်းရင်းမြစ်များ

Mt 5:14

Zotmem lalimier pou lemonn. Enn lavil ki finn konstrir lor enn montagn pa kapav kasiet.

Mt 5:15

Nou pa alim enn lalanp pou met li anba bake. Okontrer nou met li lor enn stenn, e li donn lalimier pou tou dimoun dan lakaz.

Mk 12:9

Dapre zot, ki propriyeter karo rezin pou fer? Li pou vini, li pou touy bann meteye e li pou donn so karo lezot dimoun.

Lk 1:17

Li pou mars devan Bondie avek lafors ek lespri profet Eli. Li pou fer bann papa retourn ansam ek zot zanfan. Li pou fer bann rebel gagn lasazes bann zis. Li pou prepar enn lepep pou resevwar Bondie.”

Lk 20:16

Limem pou vini, li pou touy zot enn par enn e li pou donn so karo lot dimoun.” Letan zot tann sa, zot dir, “Pena sime!”

Ga 5:4

Si zot sey vinn drwat devan Bondie par lobeisans lalwa, zot koup zot avek Kris, ek zot met zotmem andeor so lagras.

Let pou Filipien 2:15

pouki zot vinn bann zanfan Bondie san defo e san repros omilie sa lemonn move ek perverti la. Zot bizin briye parmi zot kouma zetwal dan lesiel.

Eb 10:32

Me rapel seki zot finn viv dan lepase. Apre ki zot finn resevwar lalimier, zot finn soufer boukou, me zot finn res ferm dan lalit;

2 Pi 3:17

Me zot, mo bann bieneme, zot deza averti. Fer atansion, pa les zot antrene par lerer bann move dimoun ki rod destabiliz zot.

Let Zid 1:24

Pou Sa Enn ki anpes zot tonbe e fer zot tenir san okenn fot dan prezans so laglwar avek rezwisans,

Revelasion 1:20

Ala sinifikasion mister sa set zetwal ek set sandelie an-or ki zot ti trouve dan mo lame drwat. Sa set zetwal la reprezant bann anz, e sa set lalanp la reprezant set legliz.”

Revelasion 16:9

Dimoun ti pe brile par enn saler terib. Zot ti modi nom Bondie ki ena lotorite lor sa bann fleo la, e zot pa ti sanz zot konportman pou glorifie Bondie.

Revelasion 2:16

Alor sanz to lavi sinon mo pou desann kot twa pou konbat zot avek lepe mo labous.

Revelasion 2:19

Mo konn tou to travay, to lamour, to lafwa, to servis ek to landirans. Mo kone ki to ankor pli aktif ki avan.

Revelasion 2:2

Mo konn tou seki to finn fer, mo konn to lapenn, to pasians ek landirans. Mo kone ki to pa siport bann move dimoun. To finn teste bann ki deklar zot apot e to finn dekouver ki zot bann manter.

Revelasion 3:19

Mo koriz e reprimann tou dimoun ki mo kontan, me twa, montre boukou zel e sanz to konportman.