Revelasion 2:26 - Nouvo Testaman dan Kreol Morisien

²⁶ Dimoun ki gagn laviktwar e ki fer mo volonte ziska lafin, mo pou donn li pouvwar lor tou bann nasion.

Nouvo Testaman Kreol Morisien Harmonisation NTPS KM

²⁶ Dimounn ki gagn laviktwar e ki fer mo volonte ziska lafin, mo pou donn li pouvwar lor tou bann nasion.

Revelasion 2:26 ပူးပေါင်းရင်းမြစ်များ

Mt 10:22

Tou dimoun pou air zot akoz mwa, me seki tini ferm ziska dan bout, li pou sove.

Mt 19:28

Zezi dir zot, “Laverite mo dir zot, dan sa nouvo lemonn la, kan Garson Limanite pou asiz lor so tronn dan laglwar, zot ki finn swiv mwa, zot osi zot pou asiz lor douz tronn pou ziz douz tribi Izrael.

Mt 24:13

Me dimoun ki persevere ziska lafin pou sove.

Zn 6:29

Zezi reponn zot, “Fer travay Bondie, se krwar dan Sa-Enn ki li finn avoye la.”

Let pou Romin 2:7

Li pou donn lavi eternel bann ki persevere pou fer dibien, bann ki pe rod laglwar, loner ek lavi imortel.

Let pou Romin 8:37

Me dan tousala, nou plis ki vinker par Sa-Enn ki finn kontan nou la.

1 Tes 3:5

Pou sa rezon la, letan mo ti nepli kapav siporte, mo ti avoy Timote pou pran ransegnman lor zot lafwa. Mo ti per ki diab tant zot e tou sa lapenn ki nou finn done la, finn tom dan dilo.

Eb 3:6

Me Lekris, finn fidel dan lakaz Bondie kouma so Garson. E noumem ki so lakaz, si nou res ferm dan nou lasirans ek fierte dan lesperans.

Let Zak 2:20

Zokris! To anvi kone si lafwa san bann aksion li initil?

1 Zn 2:19

Sa bann zans la finn sorti kot nou me zot pa ti vremem ar nou, lakoz samem zot inn kit nou; parski si zot ti ar nou, zot ti pou res avek nou, me zot finn fer li kler ki personn parmi zot pa ar nou.

1 Zn 3:23

Ala so komannman, ki nou bizin krwar dan nom so garson Zezi Kris e kontan nou prosin, parey kouma li finn komann nou.

1 Zn 5:5

Kisannla ki gagn laviktwar lor lemonn? Zis dimoun ki krwar ki Zezi li Garson Bondie.

Revelasion 2:11

Si zot ena zorey ekout seki Lespri ena pou dir bann legliz. Seki ranport laviktwar lor diab pa pou konn deziem lamor.”

Revelasion 2:17

Si zot ena zorey, ekout seki Lespri ena pou dir bann legliz! Seki gagn laviktwar, mo pou donn li lamann ki dan sekre. Mo pou donn li enn ros blan avek enn nouvo nom ekrir lor la. Personn pa konn sa nouvo nom la, exsepte sa dimoun ki resevwar li.”

Revelasion 2:7

Seki ena zorey, ekout bien seki Lespri ena pou dir bann legliz! Mo pou akord bann ki finn ranport laviktwar drwa pou manz fri zarb lavi ki trouv dan zardin Bondie.”

Revelasion 20:4

Lerla mo trouv bann tronn, e bann ki ti pe asiz lor sa bann tronn la ti ena lotorite pou zize. Mo ti trouv osi nam bann dimoun ki zot latet ti koupe akoz zot temwagnaz lor Zezi ek parol Bondie. Zot pa ti ador Bebet ni so zimaz e zot pa ti resevwar so mark lor zot fron ou zot lame. Zot ti regagn lavi e zot ti regne avek Kris pandan mil an.

Revelasion 21:7

Dimoun ki gagn laviktwar pou resevwar sa don la, e mo pou vinn so Bondie e li pou vinn mo zanfan.

Revelasion 22:5

Nepli pou ena lanwit; personn pa pou bizin lalimier flanbo ou lalimier soley; Segner Bondie, limem pou zot lalimier, e zot pou regne pou touzour.

Revelasion 3:12

Dimoun ki gagn laviktwar, mo pou fer li vinn enn kolonn dan tanp mo Bondie e zame li pa pou kapav kit tanp la. Mo pou ekrir lor li nom mo Bondie, nom lavil Bondie, nouvo Zerizalem ki desann depi kot Bondie dan lesiel ek mo nouvo nom.

Revelasion 3:21

Dimoun ki gagn laviktwar, mo pou permet li asiz lor mo tronn parey kouma mo osi, apre ki mo ti gagn laviktwar, mo ti asiz avek mo papa lor so tronn.

Revelasion 3:5

Tou bann ki pou gagn laviktwar pou met linz blan; mo pa pou efas zot nom dan liv lavi. Mo pou rekonet zot devan mo papa ek so bann anz.