Revelasion 13:4 - Nouvo Testaman dan Kreol Morisien

⁴ Zot ti ador dragon ki ti finn donn so lotorite sa bebet la, e zot ti ador bebet la e zot ti dir, “Kisannla parey kouma sa bebet la, e kapav lit kont li?”

Nouvo Testaman Kreol Morisien Harmonisation NTPS KM

⁴ Zot ti ador dragon ki ti finn donn so lotorite sa bebet-la, e zot ti ador bebet-la e zot ti dir, “Kisann-la parey kouma sa bebet-la, e kapav lager kont li?”

Revelasion 13:4 ပူးပေါင်းရင်းမြစ်များ

2 Ko 4:4

Zot pa krwar parski bondie lemal dan sa lemonn la finn fer zot lespri aveg pouki zot pa trouv lalimier Bonn Nouvel ki revel laglwar Lekris, ki montre nou kouma Bondie ete exakteman.

2 Tes 2:4

Li pou lev kont tou seki dimoun priye ek adore. Li pou instal so tronn dan tanp Bondie apre sa deklar limem kouma Bondie.

Revelasion 12:3

Lerla enn lot sign paret dan lesiel: enn gran dragon rouz, avek set latet ek dis korn, e set kouronn lor so bann latet.

Revelasion 12:4

So lake ti balye enn tier bann zetwal dan lesiel, zet zot lor later. Lerla dragon la dibout devan fam ki ti pe al gagn baba la, pouki li kapav devor tibaba la kouma li ne.

Revelasion 13:11

Apre sa, mo trouv enn lot bebet ki sorti depi later; li ti ena de korn parey kouma enn annyo e li ti koz parey kouma enn dragon.

Revelasion 13:15

Li ti gagn drwa pou anim zimaz bebet la ziska fer li koze e fer li kapav touy tou bann ki pa ti ador li.

Revelasion 13:2

E bebet ki mo ti trouve li ti resanble enn leopar, so lapat kouma lapat lours, e so lagel kouma lagel lion. Dragon ti donn li so pwisans ek so tronn avek enn gran lotorite.

Revelasion 17:14

Zot pou konbat kont Annyo me Annyo pou bat zot parski limem Segner tou bann segner ek Lerwa tou bann lerwa. Avek li, bann ki Bondie finn apele ek swazire, bann fidel, pou osi vinker.”

Revelasion 18:18

Ler zot trouv lafime lavil pe brile, zot ti kriye; “Zame pa pou ena enn lavil gran kouma sa lavil la!”

Revelasion 9:20

E sa parti limanite ki ti reste, zot pa ti mor par sa bann fleo la; zot pa ti repanti e regret bann travay ki zot ti pe fer ar zot laenn e zot ti kontigne ador diab ek bann idol an-or, an-arzan, an bronz, an ros ek an dibwa ki pa kapav ni trouve, ni tande, ni marse.