Revelasion 13:16 - Nouvo Testaman dan Kreol Morisien

¹⁶ Li ti obliz tou dimoun, ki li tipti ou gran, ris ou pov, lib ou esklav, pou resevwar enn mark, swa lor zot lame drwat ou lor zot fron.

Nouvo Testaman Kreol Morisien Harmonisation NTPS KM

¹⁶ Li ti obliz tou dimounn, ki li tipti ou gran, ris ou pov, lib ou esklav, pou resevwar enn mark, swa lor zot lame drwat swa lor zot fron.

Revelasion 13:16 ပူးပေါင်းရင်းမြစ်များ

Zistwar Bann Zapot 26:22

Ziska zordi mo finn gagn proteksion Bondie; alors mo rann temwagnaz devan bann ti dimoun kouma bann gran dimoun. Mo pe dir mem zafer ki bann profet ek Moiz ti dir pou arive:

1 Ko 12:13

E nou tou, ki nou Zwif ou non-Zwif, esklav ou lib, nou tou finn batize pou form enn sel lekor par mem Lespri, e Bondie finn donn nou tou mem Lespri dan nou leker.

Ga 3:28

Li pa fer okenn diferans ki to enn Zwif ou enn Grek, esklav ou lib, zom ou fam, parski nou tou enn sel dan Zezi Kris.

Ga 6:17

Finalman, ki personn pa fatig mwa parski mo sarye mark Zezi lor mo lekor.

Ef 6:8

parski zot kone ki Lesegner li pou rekonpans ninport kisannla pou so bon travay ki li finn fer, ki li esklav ou lib.

Let pou Kolosien 3:11

la, pena ni Grek ni Zwif, ni seki sirkonsi ni seki pa sirkonsi, etranze, tribi pa sivilize, esklav, lib, me selman Lekris ki tou, Lekris dan zot tou.

2 Tim 3:8

Parey kouma Zanes ek Zanbres ki ti kont Moiz, ena ki dibout kont laverite. Zot lespri malad ek zot lafwa pa vo nanye.

Revelasion 11:18

Bann nasion ti araze, me asterla to lakoler ki pe manifeste, enn moman zizman pou bann mor, enn moman rekonpans pou bann profet ki servi twa, pep ki konsakre pou twa, e tou bann ki respekte to nom, so gran kouma so tipti, e pou detrir bann ki detrir later.”

Revelasion 15:2

E mo ti trouv koumadir enn lamer kristal melanze avek dife. Tou bann ki ti finn gagn laviktwar lor bebet la, so zimaz ek nimero so nom, ti dibout lor borlamer kristal avek dan zot lame enn bann laarp ki Bondie ti donn zot.

Revelasion 19:18

Vini, vinn manz laser bann lerwa, laser bann zeneral, laser bann gran sef, laser seval ek kavalie, laser tou dimoun, seki lib ek esklav, tipti kouma gran.”

Revelasion 19:20

Alor zot finn trap bebet la anmemtan ki sa fos profet ki ti fer bann mirak dan so prezans; ki ti sedwir tou bann ki ti ena mark bebet e ti ador so zimaz. Ti zet bebet la ek fos profet dan enn landrwa ranpli ar dife ki brile kouma souf.

Revelasion 19:5

Enn lavwa sorti depi tronn ki dir, “Loue nou Bondie, zot ki so bann serviter, gran kouma piti, ki respekte li.”

Revelasion 20:12

Lerla mo trouv bann mor, bann tipti kouma bann gran pe debout devan tronn e zot ouver enn bann liv. Enn lot liv ki apel liv lavi ti osi ouver e bann mor ti zize dapre seki zot ti fer, dan manier ki finn ekrir dan bann liv la.

Revelasion 20:4

Lerla mo trouv bann tronn, e bann ki ti pe asiz lor sa bann tronn la ti ena lotorite pou zize. Mo ti trouv osi nam bann dimoun ki zot latet ti koupe akoz zot temwagnaz lor Zezi ek parol Bondie. Zot pa ti ador Bebet ni so zimaz e zot pa ti resevwar so mark lor zot fron ou zot lame. Zot ti regagn lavi e zot ti regne avek Kris pandan mil an.

Revelasion 6:15

Bann lerwa later, bann dimoun inportan, bann zeneral, bann ris, bann pwisan, tou dimoun, esklav ek dimoun lib, kasiet dan bann kavern ek dan lagrot lor montagn.

Revelasion 7:3

Li ti dir: “Pa bizin detrir ni later, ni lamer ou bann zarb, ziska nou fini mark bann serviter Bondie avek enn sele lor zot fron.”