Revelasion 12:5 - Nouvo Testaman dan Kreol Morisien

⁵ E li ti akous enn garson, enn tigarson ki pou diriz bann nasion avek enn baton lasie. Me enn lafors ti pran zanfan la, amenn li kot Bondie.

Nouvo Testaman Kreol Morisien Harmonisation NTPS KM

⁵ Fam-la ti akous enn garson, enn ti-garson ki pou diriz bann nasion avek enn baton lasie. Me enn lafors ti pran zanfan-la, amenn li kot Bondie e kot so tronn.

Revelasion 12:5 ပူးပေါင်းရင်းမြစ်များ

Mt 1:25

me li pa ti gagn okenn relasion avek li ziska nesans so garson. E li apel li Zezi.

Mk 16:19

Apre sa, Lesegner Zezi, letan li finn fini koz ar zot, li finn mont dan lesiel e li finn asiz kote drwat Bondie.

2 Ko 12:2

Mo konn enn Kretien ki, ena katorz-an, ti trouv li mont ziska trwaziem lesiel. Mo pa kone si pa li ti vremem mont lao dan so lekor, oubien enn vizion selma sa, Bondie tousel kone.

2 Ko 12:4

sa zom la ti mont ziska paradi e laba li ti tann bann kiksoz ki pa kapav exprime, e ki okenn imin pa kapav repete.

Revelasion 11:12

sa de profet la tann enn lavwa for sorti dan lesiel: “Mont isi!” Zot mont dan lesiel dan enn niaz letan ki zot ennmi obzerv zot ale.

Revelasion 12:13

Letan dragon konpran ki li ti finn tom lor later, li ti al lasas sa fam ki ti donn nesans enn tigarson la.

Revelasion 12:2

Li ti ansint e pre pou akouse; dan so soufrans lakousman, li ti pe kriye.

Revelasion 19:15

Enn lepe transan sorti dan so labous e tap bann nasion. Li pou diriz zot avek enn baton lasie; li pou kraz rezin dan preswar kot divin lakoler Bondie Toupwisan pe bouyone.