Revelasion 12:4 - Nouvo Testaman dan Kreol Morisien

⁴ So lake ti balye enn tier bann zetwal dan lesiel, zet zot lor later. Lerla dragon la dibout devan fam ki ti pe al gagn baba la, pouki li kapav devor tibaba la kouma li ne.

Nouvo Testaman Kreol Morisien Harmonisation NTPS KM

⁴ So lake ti balie enn tier bann zetwal dan lesiel e ti zet zot lor later. Lerla dragon-la dibout devan fam ki ti pe al akouse la, pou ki li kapav devor tibaba-la kouma li ne.

Revelasion 12:4 ပူးပေါင်းရင်းမြစ်များ

Zn 8:44

Zot sorti ar diab. Limem zot papa; akoz samem zot ena mem santiman ki li. Depi komansman li ti enn asasin e zame li ti dan laverite parski pena laverite dan li; kan li koz manti, li pe azir dapre so natir; li enn manter e limem papa bann manter.

1 Pi 5:8

Pa fer zes; veye kouma bizin! Zot lennmi diab pe fer letour kouma enn lion feros; li pe rod kikenn pou devore.

Revelasion 12:7

E enn lager ti eklate dan lesiel; Misel ek so bann anz ti konbat kont dragon. Dragon la ek so bann anz ti lite zot osi,

Revelasion 12:9

Sa gro dragon la ti perdi so plas. Sa vie serpan ki zot ti apel diab, ou Satan, sedikter lemonn, li avek so bann anz ti perdi zot plas dan lesiel.

Revelasion 13:2

E bebet ki mo ti trouve li ti resanble enn leopar, so lapat kouma lapat lours, e so lagel kouma lagel lion. Dragon ti donn li so pwisans ek so tronn avek enn gran lotorite.

Revelasion 13:4

Zot ti ador dragon ki ti finn donn so lotorite sa bebet la, e zot ti ador bebet la e zot ti dir, “Kisannla parey kouma sa bebet la, e kapav lit kont li?”

Revelasion 16:13

Lerla mo trouv trwa move lespri koumadir krapo sorti dan lagel dragon, dan lagel bebet la e dan labous fos profet.

Revelasion 17:18

Sa fam ki to ti trouve la, limem sa gran lavil ki diriz tou bann lerwa lor later.”

Revelasion 20:2

Li trap dragon, samem sa vie serpan la, limem diab ek Satan, e li atas zot ar lasenn pou mil an.

Revelasion 8:10

Trwaziem anz soufle so tronpet e enn gro zetwal ti tom depi lesiel. Zetwal la brile koumadir enn tors e li tom lor enn tier bann larivier ek lor lasours delo.

Revelasion 8:11

Zetwal la ti apel Absint. Enn tier delo ti vinn amere boukou dimoun ti mor akoz delo la ti telman amer.

Revelasion 8:12

Katriem anz ti soufle so tronpet e enn tier soley, lalinn ek bann zetwal ti afekte. Zot ti vinn som e lanwit kouma lizour ti perdi enn tier so klarte.

Revelasion 8:7

Premie anz la ti soufle so tronpet, lerla lagrel ek dife melanze avek disan ti tom lor later. Enn tier lemonn ti brile, enn tier bann zarb ti brile e enn tier lerb ver ti brile.

Revelasion 8:8

Deziem anz la soufle so tronpet. Enn zafer koumadir enn montagn dife ti tom dan lamer,

Revelasion 8:9

e enn tier lamer vinn disan, enn tier bann kreatir vivan dan lamer mor, e enn tier bann bato ti detrir.

Revelasion 9:10

Zot ti ena lake avek pikir kouma bann skorpion. Zot pouvwar pou bles dimoun pandan sink mwa ti trouv dan zot lake.

Revelasion 9:19

Pouvwar bann seval sorti dan zot lagel ek dan zot lake; zot lake parey kouma serpan, zot ti ena latet ki zot ti servi pou bles lezot.