Mt 8:20 - Nouvo Testaman dan Kreol Morisien

²⁰ Zezi dir li, “Bann renar ena zot lakav, zwazo lesiel ena zot nik, me Garson Limanite pena okenn landrwa pou poz so latet.”

Nouvo Testaman Kreol Morisien Harmonisation NTPS KM

²⁰ Zezi dir li, “Bann renar ena zot lakav, zwazo lesiel ena zot nik, me Garson Limanite pena okenn landrwa pou poz so latet.”

Mt 8:20 ပူးပေါင်းရင်းမြစ်များ

Mt 12:32

Si kikenn koz kont Garson Limanite, li pou pardone, me si kikenn koz kont Lespri Sin, li pa pou pardone, ni lor later ni dan lemonn ki pe vini.

Mt 12:40

Parey Zonas ti pas trwa zour ek trwa nwit dan vant enn gro pwason, koumsamem Garson Limanite pou pas trwa zour ek trwa nwit anba later.

Mt 12:8

Parski Garson Limanite, limem propriyeter saba.”

Mt 13:37

Li reponn, “Sa dimoun ki sem bon lagrin la limem Garson Limanite.

Mt 16:13

Ler Zezi ariv dan distrik Sezare-Filip, li dir so bann disip, “Ki dimoun pe dir lor Garson Limanite?”

Mt 16:27

Garson Limanite pou vini avek so bann anz dan laglwar so Papa, e lerla li pou tret sak dimoun dapre seki li finn fer.

Mt 17:9

Letan zot pe desann montagn, Zezi donn zot enn lord, “Pa rakont personn seki zot finn trouve tanki Garson Limanite pa resisite parmi bann mor.”

Mt 19:28

Zezi dir zot, “Laverite mo dir zot, dan sa nouvo lemonn la, kan Garson Limanite pou asiz lor so tronn dan laglwar, zot ki finn swiv mwa, zot osi zot pou asiz lor douz tronn pou ziz douz tribi Izrael.

Mk 8:38

Si kikenn, dan sa zenerasion adilter ek peser la, gagn onte akoz mwa ek mo parol, Garson Limanite, li osi pou ont li, kan li pou vinn dan laglwar so Papa ek bann anz ki sin.”

Lk 12:8

Mo dir zot, tou seki rekonet mwa devan dimoun, Garson Limanite pou rekonet li devan bann anz Bondie.

Lk 18:8

Mo dir zot, li pou donn zot lazistis san tarde. Kan Garson Limanite vini, eski li pou trouv lafwa lor later?”

Lk 2:12

Zot pou rekonet li par enn sign, zot pou trouv enn tibaba anvlope dan lanz e li dan enn manzwar.”

Lk 2:16

Zot degaze ale, e zot trouv Marie, Zozef, e tibaba la ki ti dan manzwar.

Lk 2:7

Marie donn nesans enn garson, so premie zanfan e li anvlop li dan lanz e plas li dan enn manzwar, parski pa ti ena plas pou zot dan lasal pou vwayazer.

Lk 21:36

Gard zot lizie ouver, priye pouki zot gagn ase lafors pou sap dan bann maler ki pou arive, pou zot kapav dibout e prezant zot devan Garson Limanite.”

Lk 8:3

Zann, fam Souza ki ti enn administrater kot Erod, ti ena osi Sizann, e boukou lezot ankor, ki ti servi zot dibien pou ed Zezi ek bann disip.

Lk 9:58

Zezi dir li, “Renar ena lakaz pou reste, zwazo dan lesiel ena so nik, me Garson Limanite pena enn plas pou poz so latet.”

Zn 1:51

Li dir li, “Vremem, laverite mo dir zot, zot pou trouv lesiel ouver ek bann anz Bondie monte desann lor Garson Limanite.”

Zn 12:34

Lafoul pran laparol, “Dapre nou lalwa nou finn tande ki Lemesi zame pou mor; kouma to kapav dir bizin lev Garson Limanite lao? Kisannla Garson Limanite?”

Zn 13:31

Kouma Zida ale, Zezi dir, “Asterla laglwar Garson Limanite finn manifeste e laglwar Bondie pou manifeste dan so Garson.

Zn 3:13

Personn pa finn mont dan lesiel, exsepte Garson Limanite ki finn desann depi lao.

Zn 3:14

Parey kouma Moiz ti met serpan an bronz lor enn poto dan dezer, dan mem manier pou bizin lev Garson Limanite lao,

Zn 6:27

Napa travay pou manze ki kapav gate, travay pou manze ki pa fini zame e ki donn lavi eternel. Sa manze la, samem manze ki Garson Limanite pou donn zot parski Bondie Papa finn met mark so lotorite lor mwa.”

Zn 6:53

Zezi dir zot, “Vremem laverite mem mo dir zot, si zot pa manz lekor Garson Limanite e zot pa bwar so disan, zot pa pou gagn lavi dan zot.

Zn 6:62

Ki zot pou dir aster, si zot trouv Garson Limanite mont lao kot li finn sorti?

Zistwar Bann Zapot 7:56

Etienn dir, “Gete, mo trouv lesiel ouver ek Garson Bondie pe dibout lor so kote drwat.”

2 Ko 8:9

Zot konn lagras Zezi Kris, mem si li ti ris, li finn fer li pov pou zot, pouki par so povrete zot kapav vinn ris.