Mt 6:23 - Nouvo Testaman dan Kreol Morisien

²³ me si to lizie li malad, tou to lekor pou dan teneb. Alor, si lalimier ki sipoze dan twa finn vinn teneb, be ki kalite marenwar sa!

Nouvo Testaman Kreol Morisien Harmonisation NTPS KM

²³ me si to lizie li malad, tou to lekor pou dan teneb. Alor, si lalimier ki sipoze dan twa finn vinn teneb, be ki kalite marenwar sa!

Mt 6:23 ပူးပေါင်းရင်းမြစ်များ

Mt 20:15

Eski mo pena drwa fer seki mo anvi ar mo dibien? Oubien, eski to zalou parski mo zenere?’

Mt 6:22

Lizie, li lalanp nou lekor. Si to lizie li bon, tou to lekor pou eklere,

Mk 7:22

adilter, groker, fer vis, zwe malin, lamizman, met lizie, zoure, vantar, divage.

Lk 11:34

To lizie lalimier to lekor; kan to lizie bon tou to lekor eklere; me si to lizie pa bon, tou to lekor dan marenwar.

Lk 8:10

Li dir, “Zot, finn donn zot konesans sekre Rwayom Bondie; me ar lezot mo koz an parabol, koumsa ‘zot pou gete san trouve, e zot pou tande san konpran.’

Let pou Romin 1:22

Zot pretann zot saz, me ofet zot finn vinn fou

1 Ko 2:14

Dimoun ki pena Lespri pa aksepte bann kiksoz ki Lespri Bondie done, parski li paret enn foli pou li. Li inposib konpran sa bann don la parski bizin Lespri Bondie pou konpran sa.

Ef 4:18

zot lespri dan teneb; bannla napa viv lavi ki Bondie oule parski zot ranpli ar lignorans ki sorti depi zot leker ros.

Ef 5:8

Avan zot ti teneb, asterla dan Lesegner zot lalimier; mars kouma bann zanfan lalimier.

1 Zn 2:11

Me dimoun ki air so frer e so ser, li dan teneb, li mars dan teneb, e li pa kone kot li pe ale, parski teneb finn fer li vinn aveg.