Mt 5:26 - Nouvo Testaman dan Kreol Morisien

²⁶ Laverite mo dir twa, to pa pou sape tanki to pa ranbours to det ziska dernie sou.

Nouvo Testaman Kreol Morisien Harmonisation NTPS KM

²⁶ Laverite mo dir twa, to pa pou sape tanki to pa ranbours to det ziska dernie sou.

Mt 5:26 ပူးပေါင်းရင်းမြစ်များ

Mt 10:29

Eski zot pa vann de mwano pou enn sou? Pourtan, pa enn sel tom anba san ki Bondie nou Papa kone.

Mt 18:34

Dan so koler, lerwa avoy li al fer travo forse ziska li fini ranbours tou so det.

Mt 25:41

Apre lerwa pou dir bann ki dan so kote gos: ‘Al lwin ar mwa zot modi! Al dan dife eternel ki pa pou zame tegn e ki finn prepare pou Satan ek so bann asosie.

Mt 25:46

E sa bann la pou pini pou toultan, me bann zis, zot pou gagn lavi eternel.”

Mk 12:42

Enn vev mizer-mizer koste, li met de kas ki pa ti ena gran valer.

Lk 12:58

Letan to pe al kot mazistra avek dimoun ki pe akiz twa la, fer manier tom enn laranzman ar li lor sime mem; sinon li pou trenn twa devan ziz, ziz pou met twa dan lame lapolis, e lapolis pou zet twa dan prizon.

Lk 12:59

Ala mo dir twa, to pa pou sorti ladan tanki to pa fini pey tou to det ziska dernie sou.

Lk 16:26

Anplis, ant nou finn met enn gran separasion pou anpes zot vinn kot nou e nou al kot zot.’

2 Tes 1:9

Zot pinision pou detrir zot pou touzour e pou separ zot avek prezans Bondie ek pwisans so laglwar.

Let Zak 2:13

Bondie pou san pitie letan li ziz dimoun ki pa finn montre pitie; pitie gagn laviktwar lor zizman.