Mt 28:7 - Nouvo Testaman dan Kreol Morisien

⁷ Degaze al dir so bann disip, ‘Li finn resisite parmi bann mor e li pe atann zot Galile.’ Zot pou trouv li laba. Ala seki mo ti ena pou dir zot.”

Nouvo Testaman Kreol Morisien Harmonisation NTPS KM

⁷ Degaze al dir so bann disip, ‘Li finn resisite parmi bann mor e li pe atann zot Galile.’ Zot pou trouv li laba. Ala seki mo ti ena pou dir zot.”

Mt 28:7 ပူးပေါင်းရင်းမြစ်များ

Mt 24:25

Ekout bien! Mo finn deza averti zot davans.

Mt 26:32

Me Zezi dir ankor, “Kan mo pou resisite, mo pou atann zot Galile.”

Mt 28:10

Zezi dir zot, “Pa gagn per; al dir mo bann frer ek mo bann ser, al Galile; laba zot pou trouv mwa.”

Mt 28:8

Zot sorti toutswit dan tonbo leker ranpli ar lafreyer e zot ti dan enn gran lazwa anmemtan. Zot galoupe pou al anons sa nouvel la bann disip.

Mk 14:28

Me apre mo rezireksion, mo pou atann zot Galile.”

Mk 16:10

Marie-Madlenn ti al anons tou saki ti finn ariv li, ar bann dimoun ki ti avek Zezi; bannla ti andey e zot ti pe plore.

Mk 16:13

Zot ti retourne pou rakont lezot; me bannla pa ti oule krwar zot osi.

Lk 24:34

Bannla ti pe dir, “Vremem Lesegner finn resisite e li finn paret devan lizie Simon.”

Zn 14:29

Mo dir zot tousala depi aster lamem pouki kan sa arive, zot kontigne krwar.

Zn 16:4

Me mo pe dir zot sa, pouki kan ler vini, zot rapel seki mo finn dir zot. Mo pa finn dir zot tousala depi komansman parski mo ti avek zot.

1 Ko 15:4

finn anter li, li finn resisite apre trwa zour, kouma bann Lekritir ti anonse.

1 Ko 15:6

Apre li finn paret devan plis ki sink-san dimoun anmemtan. Laplipar bann la ankor vivan zordi, detrwa finn mor.