Mt 25:46 - Nouvo Testaman dan Kreol Morisien

⁴⁶ E sa bann la pou pini pou toultan, me bann zis, zot pou gagn lavi eternel.”

Nouvo Testaman Kreol Morisien Harmonisation NTPS KM

⁴⁶ E sa bann-la pou pini pou touletan, me bann zis, zot pou gagn lavi eternel.”

Mt 25:46 ပူးပေါင်းရင်းမြစ်များ

Mt 13:43

Lerla, bann ki finn res fidel pou briye kouma lalimier soley dan rwayom zot Papa. Seki ena zorey ava tande.”

Mt 19:16

Ala enn dimoun vinn kot Zezi e dir li, “Met, ki bon kiksoz mo bizin fer pou gagn lavi eternel?”

Mt 19:29

Dimoun ki finn kit lakaz, frer, ser, papa, mama, zanfan ek zot later akoz mwa, pou resevwar san fwa plis e zot pou erit lavi eternel.

Mt 25:41

Apre lerwa pou dir bann ki dan so kote gos: ‘Al lwin ar mwa zot modi! Al dan dife eternel ki pa pou zame tegn e ki finn prepare pou Satan ek so bann asosie.

Mt 25:45

Alor li pou reponn zot: ‘Laverite mo dir zot, letan zot pa finn fer sa pou enn sa bann pli tipti parmi zot, ar mwa osi zot pa finn fer li.’

Lk 16:26

Anplis, ant nou finn met enn gran separasion pou anpes zot vinn kot nou e nou al kot zot.’

Zn 17:2

Vremem, to finn donn li pouvwar lor tou dimoun e li finn donn lavi eternel tou seki to finn konfie li.

Zn 3:36

Dimoun ki krwar dan so Garson pou gagn lavi eternel, seki pa ekout so Garson, pa pou trouv lavi me lakoler Bondie pou res lor li.”

Zn 4:14

Me dimoun ki bwar dilo ki mwa mo pou donn li, nepli pou gagn swaf; dilo ki mwa mo pou donn li, pou vinn enn lasours lavi eternel dan li.”

Zn 5:24

Vremem laverite mo dir zot, dimoun ki tann mo parol e krwar dan Sa-Enn ki finn avoy mwa la, li posed lavi eternel; li pa pou kondane me li finn pas par lamor pou gagn lavi.

Zn 5:29

Ler pou sorti dan tom, tou dimoun ki finn fer dibien pou leve e pou gagn lavi; tou dimoun ki finn fer lemal pou leve e pou kondane.

Zn 6:27

Napa travay pou manze ki kapav gate, travay pou manze ki pa fini zame e ki donn lavi eternel. Sa manze la, samem manze ki Garson Limanite pou donn zot parski Bondie Papa finn met mark so lotorite lor mwa.”

Zn 6:40

Samem volonte mo Papa: tou dimoun ki trouv so Garson e krwar dan li, pou gagn lavi eternel, e mwa mo pou resisit zot dan dernie zour.”

Zistwar Bann Zapot 13:46

Lerla avek boukou kouraz Pol ek Barnabas dir bannla, “Li ti neseser ki anons parol Bondie ar zot premie dabor. Me akoz zot finn repous li e zot pa konsider zot dign lavi eternel, abe asterla nou pou al kot bann non-Zwif.

Zistwar Bann Zapot 13:48

Kan bann non-Zwif tann sa, zot ti dan lazwa e zot ti glorifie Bondie. Tou bann ki ti destine pou lavi eternel ti vinn krwayan.

Zistwar Bann Zapot 24:15

Parey kouma bannla, mwa osi mo ena mem lesperans dan Bondie ki pou ena rezireksion bann move kouma bann bon.

Let pou Romin 5:21

Parey kouma pese ti regne dan lamor, dan mem manier lagras regne par lazistis pou amenn lavi eternel atraver Zezi Kris, nou Segner.

Let pou Romin 6:23

Saler pese, li lamor, me don Bondie li lavi eternel dan Zezi Kris nou Segner.

Ga 6:8

Si li sem dapre so natir imin, li pou rekolte koripsion; si li sem dapre Lespri, li pou rekolte lavi eternel.

2 Tes 1:9

Zot pinision pou detrir zot pou touzour e pou separ zot avek prezans Bondie ek pwisans so laglwar.

1 Zn 2:25

Samem ki li finn promet nou: lavi eternel.

Let Zid 1:21

gard zot touzour dan lamour Bondie; atann nou Segner Zezi Kris ki pou donn zot lavi eternel.

Revelasion 20:10

Lerla zot ti zet Satan, ki ti sedwir tou dimoun, dan landrwa kot dife ek souf ti pe brile; samem landrwa la kot zot ti zet bebet ek fos profet. Lanwit-lizour zot pou tourmante pou touzour.

Revelasion 20:15

Dimoun ki so nom pa ti ekrir dan liv lavi, ti zet li dan basin dife.

Revelasion 21:8

Me bann las, bann infidel, bann deprave, bann asasin, bann ki viv lavi imoral, bann mazisien, bann ki ador zimaz, ek tou bann manter, zot plas pou dan basin dife ek souf; samem deziem lamor.”