Mt 22:11 - Nouvo Testaman dan Kreol Morisien

¹¹ Me kan lerwa vini pou get bann invite, li remark kikenn ki pa ti ena kostim maryaz,

Nouvo Testaman Kreol Morisien Harmonisation NTPS KM

¹¹ Me kan lerwa vini pou get bann invite, li remark kikenn ki pa ti ena kostim maryaz,

Mt 22:11 ပူးပေါင်းရင်းမြစ်များ

Mt 13:30

Les toulede grandi ansam ziska rekolt; lerla mo pou dimann bann travayer ramas move lerb avan, atas zot ansam, fer bann pake pou bril zot, me ramas dible dan mo grenie.’ ”

Mt 22:10

Bann serviter sorti, al lor lari e rasanble tou seki zot trouve, bon kouma pa bon; e lasal ranpli ar invite.

Mt 3:12

Li, li pou batiz zot ar Lespri Sin ek dife. Ena enn gro fours dan so lame pou separ lagrin dible ek lapay. Lagrin dible, li ramas dan stor, lapay, li bril li dan dife ki zame pou tegn.”

Let pou Romin 13:14

Plito pran lor zot touseki Lesegner Zezi Kris pe ofer e pa les zot antrene par zot prop natir pou satisfer so dezir.

Let pou Romin 3:22

Bondie rann nou zis devan li par lafwa ki nou ena dan Zezi Kris. Li tret tou dimoun egal,

1 Ko 4:5

Akoz sa pa pronons okenn zizman avan letan fixe, avan ki Lesegner retourne. Lesegner ki pou met okler bann kiksoz ki kasiet dan nwar, ki pou revel bann lintansion ki dan leker dimoun. Lerla sakenn pou gagn louanz ki Bondie ena pou li.

2 Ko 5:3

Koumsa nou pou retrouv nou abiye, e nou pa pou touni.

Ga 3:27

Zot tou finn batize dan Kris e zot finn abiy zot avek Kris parey kouma zot met enn linz nef.

Ef 4:24

Abiy zot avek enn nouvo natir, ki kre dapre resanblans Bondie dan vre lazistis e lapirte.

Revelasion 16:15

Rapel seki Kris ti dir, “Ala, mo pe vini parey enn voler! Ere sa dimoun ki res eveye, so linz pare pou li mete, pouki li pa mars touni, e gagn onte.”

Revelasion 19:8

Pou so linz maryaz, zot finn donn li enn tisi fin an lin pir, ki briye.” (Ofet tisi lin reprezant bann aksion zis sorti kot pep Bondie ki sin.)

Revelasion 2:23

Mo pou touy to bann zanfan. Tou bann legliz pou kone ki mo enn kikenn ki konn bann panse ek lespri tou dimoun. Mo pou tret sakenn zot dapre seki zot merite.

Revelasion 3:18

Alor mo konsey twa aste lor ar mwa, lor ki finn rafine dan dife, pouki to kapav vinn ris. To kapav osi aste linz blan pou kouver twa; to nepli pou ena laont akoz to touni. Aste osi enn remed pou to lizie, to pou trouv kler.