Mt 15:14 - Nouvo Testaman dan Kreol Morisien

¹⁴ Les zot trankil; zot kouma enn lider aveg ki pe diriz bann aveg. E si enn aveg diriz enn lot aveg, toulede pou tom dan trou.”

Nouvo Testaman Kreol Morisien Harmonisation NTPS KM

¹⁴ Les zot trankil; zot kouma bann aveg ki pe diriz bann aveg. E si enn aveg diriz enn lot aveg, toule-de pou tom dan trou.”

Mt 15:14 ပူးပေါင်းရင်းမြစ်များ

Lk 6:39

Zezi servi bann parabol ankor e li dir zot, “Eski enn aveg kapav gid enn lot aveg? Sinon eski toulede pa pou tom dan trou?

Zn 9:39

Zezi dir li, “Mo finn vinn lor later pou rann zizman e pouki dimoun ki pa trouv kler, trouve, e pouki dimoun ki trouv kler, vinn aveg.”

1 Tim 6:5

e bann koze zame fini ant dimoun tilespri ek dan lerer. Zot panse ki ar larelizion kapav fer profi larzan.

2 Pi 2:1

Me finn ena osi bann fos profet ki finn leve parmi lepep, parey kouma pou ena fos profeser parmi zot ki, dan kasiet pou donn fos lansegnman. Zot pou introdwir bann fos doktrinn destriktif e zot pou mem rezet Lemet ki finn sov zot. Akoz sa, zot pou al ver zot prop destriksion.

2 Pi 2:17

Sa bann dimoun la, zot kouma bann lasours ki pena dilo, bann niaz dirize par devan siklonn. Enn plas dan marenwar finn fini rezerve pou zot.

Revelasion 19:20

Alor zot finn trap bebet la anmemtan ki sa fos profet ki ti fer bann mirak dan so prezans; ki ti sedwir tou bann ki ti ena mark bebet e ti ador so zimaz. Ti zet bebet la ek fos profet dan enn landrwa ranpli ar dife ki brile kouma souf.

Revelasion 22:15

Me andeor lavil ena bann lisien ek bann sorsie, bann dimoun imoral, kriminel, bann adorater idol ek tou bann ki kontan e pratik mansonz.