Mt 14:19 - Nouvo Testaman dan Kreol Morisien

¹⁹ Li ordonn lafoul pou instal zotmem lor lerb, li pran sa sink dipin ek sa de pwason la, li lev so lizie ver lesiel e li beni zot. Apre sa li kas bann dipin la, li donn bann disip pou distribie avek lafoul.

Nouvo Testaman Kreol Morisien Harmonisation NTPS KM

¹⁹ Li ordonn lafoul pou instal zotmem lor lerb, li pran sa sink dipin ek sa de pwason-la, li lev so lizie ver lesiel e li beni zot. Apre sa li kas bann dipin-la, li donn bann disip pou distribie avek lafoul.

Mt 14:19 ပူးပေါင်းရင်းမြစ်များ

Mt 14:18

Li dir zot, “Amenn zot kot mwa”

Mk 6:39

Apre sa li donn zot lord fer bann dimoun la asiz angroup lor gazon.

Mk 6:41

Zezi pran sink dipin ek de pwason la; li lev so lizie ver lesiel, li fer enn benediksion, li kas dipin la, li donn so bann disip pouki bannla fer distribision dan lafoul; li partaz de pwason la osi ar zot tou.

Mk 7:34

Li lev so lizie ver lesiel li pous enn soupir, li dir li “Efata!” -sakivedir, “Ouver-twa!”

Lk 22:17

Zezi pran enn koup, li rann gras e li dir, “Pran sa e partaz ant zot.

Lk 22:19

Apre li pran dipin, li rann gras, li kas li e li donn zot. Li dir, “Samem mo lekor, ki mo donn pou zot. Fer sa, an mo memwar.”

Lk 24:30

Letan li atab avek zot, li pran dipin, li beni li, li kas li e li donn zot.

Lk 9:14

Ti ena apepre sink mil zom. Li dir ar so bann disip, “Fer bannla asiz par group sinkant.”

Lk 9:16

Zezi pran sink dipin ek de pwason la, li lev so lizie, li get lesiel, li beni zot, li kas zot, e li donn so bann disip pou distribie ar lafoul.

Zn 11:41

Lerla zot tir ros la. Zezi lev so lizie lao e li dir, “Papa, mo rann twa gras parski to finn ekout mwa.

Zn 6:23

Me bann lezot pirog sorti Tiberiad e vinn dan landrwa kot lafoul finn manz dipin apre ki Lesegner finn rann gras.

Zistwar Bann Zapot 27:35

Ler li fini dir sa, li pran dipin, li rann gras Bondie devan tou dimoun. Lerla li kas dipin, li koumans manze.

Let pou Romin 14:6

Seki trouv enn zour spesial, li fer sa pou onor Lesegner. Seki manz laviann, li manze pou onor Lesegner, parski li rann aksiondegras Bondie; e seki pa manze, li onor Lesegner, e li rann aksiondegras Bondie.

1 Ko 10:16

Sa koup benediksion ki nou servi dan lakominion e pouki nou rann gras, eski li pa enn kominion avek disan Lekris, sa? E dipin ki nou kase dan lakominion, eski li pa enn partisipasion dan lekor Lekris, sa?

1 Ko 10:31

Kan zot manze, kan zot bwar, kan zot fer ninport ki kiksoz, toultan fer li pou laglwar Bondie.

1 Ko 11:24

e apre ki li ti finn rann gras, li ti kas dipin la, e li ti dir, “Samem mo lekor, ki pou zot. Manz sa pouki zot rapel mwa.”

Let pou Kolosien 3:17

Tou seki zot kapav dir ou fer, fer li dan nom Segner Zezi, e par li, rann gras Bondie Papa.