Mt 13:39 - Nouvo Testaman dan Kreol Morisien

³⁹ sa lennmi ki sem move lerb limem Satan, rekolt reprezant lafin-dimonn, e bann travayer zotmem bann anz.

Nouvo Testaman Kreol Morisien Harmonisation NTPS KM

³⁹ sa lennmi ki sem move lerb limem Satan, rekolt reprezant lafin-dimond, e bann travayer zotmem bann anz.

Mt 13:39 ပူးပေါင်းရင်းမြစ်များ

Mt 12:32

Si kikenn koz kont Garson Limanite, li pou pardone, me si kikenn koz kont Lespri Sin, li pa pou pardone, ni lor later ni dan lemonn ki pe vini.

Mt 13:22

Saki finn seme dan pikan, li resanble sa dimoun ki tann laparol, me bann problem lavi tou lezour, lamour dibien materyel touf tou e li pa raport okenn fri.

Mt 13:25

me ler tou dimoun pe dormi, enn lennmi vini e sem move lerb dan karo dible la, apre li ale.

Mt 13:28

Li reponn zot, ‘Enn lennmi ki finn fer sa.’ Bann serviter dir li, ‘Eski to oule ki nou al ras zot?’

Mt 13:40

Parey kouma nou ramas bann move lerb pou brile, koumsamem li pou ete ler lafin-dimonn arive.

Mt 13:49

Koumsamem li pou ete ler lafin-dimonn arive. Bann anz pou vini, pou separ bann ki move avek bann ki finn res fidel.

Mt 24:3

Plitar ler li pe asize lor montagn Pie Zoliv, bann disip vinn get li anprive, zot dimann li, “Dir nou kan sa pou arive, e ki sign pou ena pou anons lafin-dimonn.”

Mt 25:31

“Kan Garson Limanite vini dan so laglwar avek tou bann anz, li pou asiz lor so tronn rwayal.

Mt 28:20

Montre zot met anpratik tou seki mo finn komann zot. Pa bliye, mo avek zot toulezour ziska lafin-dimonn.”

1 Ko 10:11

Tousa maler la finn ariv bannla kouma enn lexanp pou lezot, e sa finn ekrir pou averti nou parski nou pe viv dan letan kot lafin pe vini.

2 Ko 11:3

Mo bien per ki zot panse pou gate, parey kouma Ev ti les li egare par riz serpan, e ki sa antrenn zot lwin e zot perdi zot devosion sinp pou Lekris.

2 Ko 2:17

Nou pa kouma boukou lezot ki fer trafik marsandiz ar parol Bondie; okontrer parski Bondie finn avoy nou, nou koz avek sinserite dan so prezans kouma serviter Lekris.

Ef 2:2

Lontan zot ti pe viv sa lavi la; sa lepok la zot ti pe swiv bondie sa lemonn la, sa prins ki ant lesiel ek later, sa lespri ki pe azir aster parmi bann ki opoz Bondie.

Eb 1:2

Me dan dernie tan ki lor nou, li finn koz ar nou atraver so Garson. Samem Garson ki li finn swazir kouma eritie tou kiksoz. Atraver li, Bondie finn kre lemonn.

Eb 9:26

sinon li ti pou bizin soufer ankor ek ankor depi fondasion lemonn. Me la kouma li ete, li finn paret enn fwa pourtou ziska lafin pou efas pese par sakrifis so prop lekor.

1 Pi 5:8

Pa fer zes; veye kouma bizin! Zot lennmi diab pe fer letour kouma enn lion feros; li pe rod kikenn pou devore.

Let Zid 1:14

Enok, setiem desandan Adam ti profetize, li dir: “Gete, Lesegner pe vini avek dis mil anz,

Revelasion 12:9

Sa gro dragon la ti perdi so plas. Sa vie serpan ki zot ti apel diab, ou Satan, sedikter lemonn, li avek so bann anz ti perdi zot plas dan lesiel.

Revelasion 13:14

Li ti sedwir bann abitan later par pouvwar ki ti finn donn li pou fer mirak devan lot bebet la. Li ti dimann bann abitan fer enn zimaz sa bebet ki ti finn blese ar lepe, e ki ti ankor pe viv.

Revelasion 19:20

Alor zot finn trap bebet la anmemtan ki sa fos profet ki ti fer bann mirak dan so prezans; ki ti sedwir tou bann ki ti ena mark bebet e ti ador so zimaz. Ti zet bebet la ek fos profet dan enn landrwa ranpli ar dife ki brile kouma souf.