Mt 13:38 - Nouvo Testaman dan Kreol Morisien

³⁸ Karo la samem lemonn; e bann bon lagrin la zotmem bann zanfan Rwayom Bondie; move lerb reprezant bann zanfan lennmi Bondie,

Nouvo Testaman Kreol Morisien Harmonisation NTPS KM

³⁸ Karo-la samem lemond; e bann bon lagrin-la zotmem bann zanfan Rwayom Bondie; move lerb reprezant bann zanfan lennmi Bondie,

Mt 13:38 ပူးပေါင်းရင်းမြစ်များ

Mt 13:19

Kan kikenn tann koze lor Rwayom Bondie e li pa konpran, diab vini, ras tou saki finn seme dan so leker. Li resanble sa sime kot lagrin finn tonbe la.

Mt 24:14

Bonn Nouvel Rwayom Bondie pou anonse partou dan lemonn, kouma enn temwagnaz pou tou bann nasion; lerla lafin pou vini.

Mt 5:37

zot ena zis pou dir wi ou non, tou seki zot dir anplis li sorti kot diab.

Mt 8:12

Me bann ki sipoze dan rwayom, pou gagn zet deor dan nwar kot zot pou plore ek grins zot ledan.

Lk 24:47

e bizin proklam parol Bondie lor so nom, repantans e pardon bann pese devan tou bann nasion depi Zerizalem.

Zn 12:24

Vremem, laverite mo dir zot, si enn lagrin dible pa mor kan li tom dan later, li res tou sel, me si li mor li raport boukou fri.

Zn 8:44

Zot sorti ar diab. Limem zot papa; akoz samem zot ena mem santiman ki li. Depi komansman li ti enn asasin e zame li ti dan laverite parski pena laverite dan li; kan li koz manti, li pe azir dapre so natir; li enn manter e limem papa bann manter.

Zistwar Bann Zapot 13:10

“Twa ki rize e ranpli ar mesanste, zanfan diab e lennmi lazistis, to pa pou aret detourn sime drwat Lesegner?

Let pou Romin 10:18

Me mo dimande: Eski zot pa ti tande? Biensir zot ti tande: “Finn tann zot lavwa partou lor later, e zot parol finn ariv ziska danbout lemonn.”

Let pou Romin 16:26

me ki asterla finn revele par seki bann profet ti ekrir par komannman Bondie, pouki tou bann pep ki pe gagn konesans krwar e obeir Bondie.

Let pou Romin 8:17

Si nou zanfan Bondie, alor nou eritie Bondie, ek nou eritie ansam ar Lekris. Si nou soufer avek Lekris nou pou osi partaz so laglwar.

Let pou Kolosien 1:6

ki finn ariv ziska zot; mem fason ki li pe donn so fri e li pe progrese dan lemonn antie, mem fason li pe azir parmi zot depi zour zot finn resevwar li e vremem zot finn konn labonte Bondie.

Let Zak 1:18

Par so prop volonte li finn donn nou lavi par so Parol ki laverite, pouki nou kapav vinn kouma bann premie fri kreasion.

Let Zak 2:5

Mo bann frer ek ser bieneme, ekout mwa: Bondie finn swazir bann ki pov dapre lemonn pouki zot vinn ris dan lafwa e posed rwayom ki finn promet bann ki kontan li.

1 Pi 1:23

Avredir, zot finn ena enn nouvo lavi, ki pa sorti dan bann paran mortel me dan enn semans ki pa lamor ek koripsion parski li sorti dan parol Bondie ki vivan e eternel.

1 Zn 3:2

Mo bann kamarad, nou deza bann zanfan Bondie, me li pa kler kouma nou pou ete apre. Me nou kone kan li pou vini nou pou resanble li, parski nou pou trouv li parey kouma li ete.

Revelasion 14:6

Apre mo ti trouv enn lot anz ki pe anvole bien ot. Li ti ena enn mesaz Bonn Nouvel eternel pou proklam ar tou bann ki vivan lor later ek tou bann nasion, tribi, langaz ek pep.