Mt 13:22 - Nouvo Testaman dan Kreol Morisien

²² Saki finn seme dan pikan, li resanble sa dimoun ki tann laparol, me bann problem lavi tou lezour, lamour dibien materyel touf tou e li pa raport okenn fri.

Nouvo Testaman Kreol Morisien Harmonisation NTPS KM

²² Seki finn seme dan pikan, li resanble sa dimounn ki tann laparol, me bann problem lavi toulezour, lamour dibien materyel touf tou e li pa raport okenn fri.

Mt 13:22 ပူးပေါင်းရင်းမြစ်များ

Mt 12:32

Si kikenn koz kont Garson Limanite, li pou pardone, me si kikenn koz kont Lespri Sin, li pa pou pardone, ni lor later ni dan lemonn ki pe vini.

Mt 13:39

sa lennmi ki sem move lerb limem Satan, rekolt reprezant lafin-dimonn, e bann travayer zotmem bann anz.

Mt 13:40

Parey kouma nou ramas bann move lerb pou brile, koumsamem li pou ete ler lafin-dimonn arive.

Mt 13:7

Enn lot parti tom dan pikan; pikan la monte, grandi e touf zot.

Lk 12:15

Lerla li dir zot, “Fer atansion! Pa galoup deryer bann dibien materyel, parski lavi enn dimoun pa depann lor so dibien, mem si li bien ris.”

Lk 12:21

Ala seki pou ariv dimoun ki ramas dibien zis pou li, me ki pa ramas rises kot Bondie.”

Lk 21:34

“Pran kont pouki zot leker pa angourdi par tousort kalite kiksoz, par labwason ek bann difikilte lavi, sinon Gran Zour la pou tom lor zot san ki zot atann,

Lk 8:14

Seki tom dan pikan, sa bann ki tande, me kan traka, larises ek plezir lavi vini, li touf zot; zot fri pa mir.

Zistwar Bann Zapot 8:18

Letan Simon trouve ki Lespri Sin inn desann lor bann krwayan kan bann apot inn poz lame lor zot, li ofer Pier ek Zan enn som larzan.

Let pou Romin 12:2

Pa rant dan moul sa lemonn la, me les Bondie transform zot par enn intelizans nouvo, pouki zot kapav diserne ki volonte Bondie, setadir seki bon, seki agreab, seki parfe.

1 Ko 1:20

Kot dimoun saz ete? Kot dokter lalwa ete? Bann ki fer gran-gran diskour zordi, kot zot? Eski Bondie pa finn rann bet lasazes sa lemonn la?

1 Ko 2:6

Mo bizin dir kanmem, ki nou servi lasazes pou koz ar dimoun ki finn bien grandi dan zot lafwa. Li pa enn sazes ki sorti dan lemonn, ni sazes bann ki pe regne lor sa lemonn la, zot enn bann pwisans ki pe al tegn.

1 Ko 2:8

Okenn pwisans lemonn pa ti konpran sa. Si zot ti konpran, zot pa ti pou krisifie Lesegner laglwar.

1 Ko 3:18

Fode ki personn pa tom dan lerer. Si ena parmi zot krwar ki li saz dapre sistem lemonn, ki li vinn enn fouka dabor pou lerla li vremem vinn enn saz.

2 Ko 4:4

Zot pa krwar parski bondie lemal dan sa lemonn la finn fer zot lespri aveg pouki zot pa trouv lalimier Bonn Nouvel ki revel laglwar Lekris, ki montre nou kouma Bondie ete exakteman.

Ga 1:4

Zezi Kris, finn donn limem pou nou pese e li finn delivre nou dan sa lemonn move la dapre volonte Bondie nou Papa.

Ef 2:2

Lontan zot ti pe viv sa lavi la; sa lepok la zot ti pe swiv bondie sa lemonn la, sa prins ki ant lesiel ek later, sa lespri ki pe azir aster parmi bann ki opoz Bondie.

1 Tim 6:17

Dir bann dimoun ris dan sa lavi la, pa rant dan lorgey e pa met zot lesperans dan bann fos rises. Met zot lesperans plito dan Bondie ki donn nou tou seki nou bizin dan labondans.

2 Tim 4:10

Demas finn prefer lemonn prezan, li finn abandonn mwa; li finn rant dan Tesalonik. Kresenns finn al Galasi, Tit finn al Dalmasi.