Mt 12:34 - Nouvo Testaman dan Kreol Morisien

³⁴ Bann espes serpan! Kouma bon kiksoz kapav sorti dan zot labous, kan zotmem zot move? Parski labous exprim seki ena dan fon leker.

Nouvo Testaman Kreol Morisien Harmonisation NTPS KM

³⁴ Bann espes serpan! Kouma bon kiksoz kapav sorti dan zot labous, kan zotmem zot move? Parski labous exprim seki ena dan fon leker.

Mt 12:34 ပူးပေါင်းရင်းမြစ်များ

Mt 12:35

Enn bon dimoun tir dan so bon trezor bann bon kiksoz, e enn dimoun move tir move kiksoz dan so move trezor.

Mt 15:18

Me seki sorti dan labous sorti dan leker, samem ki rann nou inpir.

Mt 23:33

Bann espes serpan! Zot panse zot pou kapav sov kondanasion Bondie?

Mt 3:7

Ler li trouv enn kantite Farizien ek Sadisein vinn kot li pou pran batem, li dir zot, “Bann espes serpan, kisannla finn dir zot ki zot pou kapav evit lakoler Bondie.?

Lk 3:7

Alor li ti dir lafoul ki ti vini pou resevwar batem, “Bann espes serpan, kisannla finn montre zot ki zot pou sape devan koler Bondie ki pe aprose?

Lk 6:45

Enn bon dimoun prodwir dibien depi bon trezor ki dan so leker, e move dimoun prodwir lemal depi so move trezor; parski labous exprim seki debord dan leker.

Zn 8:44

Zot sorti ar diab. Limem zot papa; akoz samem zot ena mem santiman ki li. Depi komansman li ti enn asasin e zame li ti dan laverite parski pena laverite dan li; kan li koz manti, li pe azir dapre so natir; li enn manter e limem papa bann manter.

Ef 4:29

Napa koz move koze, me servi bann parol ki fortifie e ki donn seki neseser pou dibien bann dimoun ki tann zot.

Ef 5:4

Fode pa ena langaz obsenn, koze bet, ou vilger; okontrer zot bizin dir mersi Bondie.

Let Zak 3:2

Nou tou fer fot. Kikenn ki pa fer fot kan li koze, li enn dimoun parfe ki kapav kontrol tou so lekor.

1 Zn 3:10

Ala kouma nou rekonet enn zanfan Bondie ek zanfan diab: seki pa pratik lazistis, li pa sorti kot Bondie, parey kouma seki pa kontan so frer e so ser.