Mk 10:45 - Nouvo Testaman dan Kreol Morisien

⁴⁵ Mazine ki Garson Limanite pa finn vini pouki dimoun servi li, me pou li servi dimoun e donn so lavi kouma enn ranson pou tou dimoun.”

Nouvo Testaman Kreol Morisien Harmonisation NTPS KM

⁴⁵ Mazine ki Garson Limanite pa finn vini pou ki dimounn servi li, me pou li servi dimounn e donn so lavi kouma enn ranson pou tou dimounn.”

Mk 10:45 ပူးပေါင်းရင်းမြစ်များ

Mt 20:28

parey kouma Garson Limanite pa finn vini pouki dimoun servi li, me pou servi dimoun e donn so lavi kouma enn ranson pou boukou dimoun.”

Mk 10:44

Seki anvi vinn premie, li bizin vinn esklav tou dimoun.

Zn 10:15

Kouma mo papa konn mwa, e mwa mo konn mo papa, mo pare pou donn mo lavi pou mo bann brebi.

Zn 13:14

Si mwa ki Met ek Segner, mo finn lav zot lipie, asterla, zot osi zot bizin lav lipie zot kamarad.

2 Ko 5:21

Lekris pa ti ena pese, me Bondie finn met nou pese lor li, pouki letan nou ini ansam ar li, nou rant dan enn lavi akseptab devan Bondie.

2 Ko 8:9

Zot konn lagras Zezi Kris, mem si li ti ris, li finn fer li pov pou zot, pouki par so povrete zot kapav vinn ris.

Ga 3:13

Kris, ki ti vinn enn malediksion pou nou, finn peye pou delivre nou depi sa malediksion la, parski finn ekrir: “Malediksion pou dimoun ki pandi ar pie.”

Let pou Tit 2:14

Li finn donn so lavi pou nou afin ki li tir nou dan pese ek fer nou vinn so sel pep ki destine pou fer lebien.

Eb 5:8

Mem si li Garson Bondie, li finn aprann obeir par tou seki li finn soufer.

1 Pi 1:19

me par disan presie Zezi Kris, parey kouma enn annyo ki pena okenn defo.