Mk 10:30 - Nouvo Testaman dan Kreol Morisien

³⁰ san ki li gagn, asterlamem, san fwa plis: lakaz, frer ek ser, mama ek zanfan, later, avek so persekision, e lavi eternel dan lot lemonn.

Nouvo Testaman Kreol Morisien Harmonisation NTPS KM

³⁰ san ki li gagn, aster-la mem, san fwa plis: lakaz, frer ek ser, mama ek zanfan, later, avek so persekision, e lavi eternel dan lot lemond.

Mk 10:30 ပူးပေါင်းရင်းမြစ်များ

Mt 12:32

Si kikenn koz kont Garson Limanite, li pou pardone, me si kikenn koz kont Lespri Sin, li pa pou pardone, ni lor later ni dan lemonn ki pe vini.

Mt 13:8

Enn lot parti tom dan bon later, zot pouse e raport boukou fri, enn raport san, enn lot swasant, enn lot trant.

Mt 6:33

Rod plito Rwayom Bondie ek so lazistis, e tou lezot kiksoz li pou donn zot anplis.

Lk 18:30

li pou gagn boukou plis dan sa lavi la, dan lot lavi e li pou gagn lavi eternel.”

Zn 10:23

Zezi ti dan tanp e li ti pe ale-vini anba pors Salomon.

Zistwar Bann Zapot 14:22

Zot ti fortifie ek ankouraz bann disip pou res ferm dan lafwa. Zot dir, “Nou bizin pas par boukou difikilte pou nou kapav rant dan Rwayom Bondie.”

Zistwar Bann Zapot 16:25

Ver minwi Pol ek Silas ti pe priye ek sant kantik e lezot prizonie ti pe ekout zot.

Zistwar Bann Zapot 5:41

Bann apot ti kit lasal konsey leker kontan parski ti konsider zot dign pou gagn maltrete akoz nom Zezi.

Let pou Romin 5:3

Pa selma sa, nou met nou fierte dan nou soufrans, parski nou kone ki lasoufrans li amenn perseverans,

Let pou Romin 6:23

Saler pese, li lamor, me don Bondie li lavi eternel dan Zezi Kris nou Segner.

2 Ko 6:10

mem dan sagrin nou toultan zwaye; nou pov, me nou anrisi boukou dimoun; li paret ki nou pena nanye, me anverite nou posed tou kiksoz!

Let pou Filipien 3:8

Ler mo konpar grander dibien ki mo gagne dan konesans Zezi Kris, mo konsider tou kiksoz kouma enn lapert. Akoz li mo finn perdi boukou kiksoz ki mo konsider kouma enn bann salte pou mo kapav gagn Kris,

2 Tes 2:16

Ki nou Segner Zezi Kris limem ek Bondie nou Papa ki kontan nou e finn donn enn rekonfor eternel ek enn bon lesperans par so lagras,

1 Tim 4:8

Li pa sitan itil ki to okip to lekor, me li pli bon ki to met to latet pou swiv Bondie parski li promet twa lavi zordi ek pou leternite.

1 Tim 6:6

Laverite seki lafwa dan Bondie enn veritab rises si ou kontant ou avek seki ou ena.

Let Zak 1:12

Li pou bienere sa dimoun ki tini ferm dan leprev. Bann ki prouve zot ferm pou resevwar kouronn laviktwar ki Bondie finn promet bann ki kontan li.

Let Zak 5:11

Nou deklar bannla bienere parski zot finn ena landirans. Zot finn tann landirans Zob e zot finn trouve seki Bondie finn fer, kouma li finn montre konpasion ek mizerikord pou li.

1 Zn 2:25

Samem ki li finn promet nou: lavi eternel.

1 Zn 3:1

Zot trouve ki kantite Bondie Papa kontan nou. So lamour li telman gran pou nou ki li apel nou zanfan Bondie; e vremem, samem ki nou ete. Ala kifer lemonn pa konn nou, parski li pa finn konn Bondie.

Revelasion 2:9

Mo konn to leprev ek to lamizer, me anrealite to ris! Mo konn bann dimal ki zot dir lor twa. Zot fer krwar, zot Zwif, me pa ditou, zot plito enn sinagog Satan.

Revelasion 3:18

Alor mo konsey twa aste lor ar mwa, lor ki finn rafine dan dife, pouki to kapav vinn ris. To kapav osi aste linz blan pou kouver twa; to nepli pou ena laont akoz to touni. Aste osi enn remed pou to lizie, to pou trouv kler.