Mk 10:22 - Nouvo Testaman dan Kreol Morisien

²² Dimoun la so figir sanze letan li tann sa parol la, li ale leker lour parski li ti ena boukou dibien.

Nouvo Testaman Kreol Morisien Harmonisation NTPS KM

²² Dimounn-la so figir sanze letan li tann sa parol-la, li ale leker lour parski li ti ena boukou dibien.

Mk 10:22 ပူးပေါင်းရင်းမြစ်များ

Mt 13:22

Saki finn seme dan pikan, li resanble sa dimoun ki tann laparol, me bann problem lavi tou lezour, lamour dibien materyel touf tou e li pa raport okenn fri.

Mt 19:22

Ler zenes la tann sa, li ale bien tris parski li ti ena boukou dibien.

Mt 27:3

Letan Zida ki ti trair Zezi aprann ki Zezi finn kondane, li gagn remor e li retourn trant pies larzan la bann sef pret ek bann ansien.

Mk 10:21

Zezi get li bien, li finn bien apresie li; alor li reponn li, “To mank enn sel kiksoz: ale, vann tou to dibien, donn dimoun mizer, lerla to pou gagn enn gran trezor dan lesiel, apre sa vini, swiv mwa.”

Mk 10:23

Zezi vire, get partou, apre sa li dir so bann disip, “Bien difisil pou dimoun ki ena gran-gran dibien pou rant dan Rwayom Bondie.”

Mk 6:20

parski Erod ti per Zan. Li ti kone Zan ti enn dimoun drwat e sin. Erod ti pe protez li; sak fwa kan Erod ti tann li koze, li ti anbarase me selman li ti kontan ekout li.

Mk 6:26

Lerwa bien sagrin. Akoz serman li finn fer devan so bann invite, li pa ti anvi perdi fas.

Lk 12:15

Lerla li dir zot, “Fer atansion! Pa galoup deryer bann dibien materyel, parski lavi enn dimoun pa depann lor so dibien, mem si li bien ris.”

Lk 18:23

Me letan li tann sa, so figir sanze, parski li ti ena boukou rises.

2 Ko 7:10

Tristes ki Bondie servi li amenn enn sanzman leker ki sov nou e ki pena okenn regre; tristes dapre lemonn li amenn lamor.

Ef 5:5

Ala mo dir zot enn zafer ki sir: okenn dimoun imoral, indesan ou akaparer - sa enn form idolatri - pa pou gagn so par dan Rwayom Lekris ek Bondie.

2 Tim 4:10

Demas finn prefer lemonn prezan, li finn abandonn mwa; li finn rant dan Tesalonik. Kresenns finn al Galasi, Tit finn al Dalmasi.