Lk 6:25 - Nouvo Testaman dan Kreol Morisien

²⁵ Bienmalere zot ki viv dan labondans aster, parski zot pou gagn fin. Bienmalere zot ki pe riye aster, parski zot pou andey e zot pou plore.

Nouvo Testaman Kreol Morisien Harmonisation NTPS KM

²⁵ Bienmalere zot ki viv dan labondans aster, parski zot pou gagn fin. Bienmalere zot ki pe riye aster, parski zot pou andey e zot pou plore.

Lk 6:25 ပူးပေါင်းရင်းမြစ်များ

Lk 12:20

Me Bondie dir li, ‘Kouma to bet koumsa! Zordi swar mem to pou perdi to lavi; kisannla pou erit tou seki to finn ramase?’

Lk 13:28

Laba pou ena plore, kriye, e ledan pou grinse, letan zot pou trouv Abraam, Izaak, Zakob ek tou bann profet dan Rwayom Bondie alor ki zot, pou zet zot deor.

Lk 6:24

Bienmalere zot ki bann ris parski zot finn deza resevwar zot konsolasion.

Lk 6:26

Bienmalere kan tou dimoun koz lor zot anbien, parski koumsamem zot gran dimoun ti fer ar bann fos profet.

Lk 8:53

Me zot riy li, parski zot kone ki tifi la finn fini mor.

Ef 5:4

Fode pa ena langaz obsenn, koze bet, ou vilger; okontrer zot bizin dir mersi Bondie.

1 Tes 5:3

Kan dimoun pou dir, “Ena lape ek sekirite,” lerlamem maler pou fini zot enn sel kou parey kouma douler enn madam ansint ki pe akouse. Zot pa pou kapav sove.

Let Zak 4:9

Zot bizin pran konsians zot mizer. Plore. Lamante. Ki zot riye sanze vinn plore; ki zot lazwa vinn tristes.

Revelasion 3:17

To dir, ‘Mo ris, mo pe prospere, mo pa bizin nanye.’ Anverite to pa kone ki to dan lamizer, malere, pov, aveg ek touni.