Lk 5:29 - Nouvo Testaman dan Kreol Morisien

²⁹ Levi fer enn gran fet dan so lakaz; ti ena enn gran lafoul komi tax ek bann lezot ankor ki ti pe asiz atab.

Nouvo Testaman Kreol Morisien Harmonisation NTPS KM

²⁹ Levi fer enn gran fet dan so lakaz; ti ena enn gran lafoul komi tax ek bann lezot ankor ki ti pe asiz atab.

Lk 5:29 ပူးပေါင်းရင်းမြစ်များ

Mt 11:19

Garson Limanite finn vini, li manze, li bwar e zot dir, ‘Li enn gourman, li soular, li frekant bann ramaser tax ek bann move dimoun.’ Pourtan li finn demontre lasazes Bondie par so bann bonaksion.”

Mt 5:46

Avredir, si zot kontan bann ki kontan zot, ki rekonpans zot pou gagne. Bann kolekter tax osi pa fer parey?

Mt 9:10

Letan Zezi ti atab dan lakaz, boukou komi tax ek dimoun move lavi ti vinn asiz atab avek Zezi ek so bann disip

Mt 9:9

Letan Zezi kite li ale, li trouv enn boug ki ti apel Matie, li ti pe asiz dan biro tax. Zezi dir li, “Swiv mwa.” Matie leve swiv li.

Mk 2:15

Apre sa, li al lakaz Levi. Li asize atab. Ti ena enn kantite kolekter tax ek bann peser ki ti pe manze avek Zezi ek so bann disip. Ti ena boukou-boukou dimoun. Zot tou ti pe swiv li.

Lk 15:1

Boukou komi tax ek bann peser koste pre ar Zezi pou ekout li.

Zn 12:2

Zot ti invit Zezi pou dine; Mart ti pe servi e Lazar ti enn parmi bann invite ki ti pe asiz lor mem latab ar Zezi.

1 Ko 10:27

Si enn non-krwayan invit twa pou pran enn repa e twa to anvi ale, manz seki li servi twa san poz kestion konsians.